Khine Mra Thein

ဆွီးကေလေ့ မှိုလ်ပွင့်ရေ

2011-10-12T12:09:00.000-07:00

တုံးဆွီးလို့ ခြအုံ
ပရွက်စိချေတိ တောင်ပိုင်ပုံလို့
သူသူငါငါ ခလုံ့တိုက်
ဇာဖြစ်လေ အေတုံးဆွီး
ကျောက်ထုတ်လိုက်............။

ဘ၀ဆိုးနင်းပြား
မြောင်းကြားကိုရောက်
တုံးဆွီးမှိုလ်ပေါက်တေခါ
သူသူငါငါ လာခူးစား
ထော.................
ပြောပျာတမျိုး......
`တုံးဆွီးလေ့ မှိုလ်ပွင့်ရေလတ်`......။

ခိုင်မြသိန်း (ချောင်းသာကြီး)
၂၀၁၁၊ ၁၀၊ ၀၈
Glada Hudik

သမီးတက်ပွဲ့

2011-10-12T12:06:00.000-07:00

တရက်နိ ညဇာဖက် ကရင်နီမိသားစုတခုက အိမ်ကိုအလည်လာဖို့ခေါ်ရေ။ အလုပ်လားနီရလို့ ညောင်းရေ၊ မလာချင်ပျာ၊ စနီနိလာလည်မေလို့ ပြန်ပြောလိုက်တေ။ မရမက ခေါ်ရေ။ ပြောစရာလေ့ဟိရေ။ မီးစရာလေ့ ဟိရေ။ နောက်ပြီးကေ ပြစရာလေ့ဟိရေ။ နောက်ဆုံး ခေါ်လို့မရေကေ အပျိုမချေတိကို အကြောင်းပြုလှမ်းခေါ်ရေ။ မမချေတိ ဟိရေဆိုလို့ စိတ်ဝင်စားစွာနန့် လားလည်လိုက်တေ။

အိမ်ခန်းထဲကို ၀င်လိုက်စွာနန့် အပျိုမချေတိက ငါဝယ်ဖို့၊ သူဝယ်ဖို့နန့် တခန်းလုံးဆူညံလားရေ။ ဈီးလျှော့ရောင်းပါ။ မတတ်နိုင်လို့ပါ။ အကိုကြီးက လိမ္မာပါရေ။ ဈီလျှော့လို့ရောင်းနန်း......။ ယင်း မမချေတိ မီးစကား၊ ပြောစကားကို နားမလည်နိုင်ဖြစ်နီရေ။ ၀ဲလယ်လယ် ဖြစ်လားရေ။ ဇာပြောကတ်စွာလေ။ နင်ရို့ပြောစွာကို ငါတခုလေ့ နားမလည်။ အုံမာက ကိုခိုင်မြသိန်း ထိုင်ပါ။ အေမှာ အကျန်ရို့ရုပ်ရှင်ကြည့်နီကတ်တေ။ ရခိုင်ကဂီရိမုန်တိုင်းရန်ပုံအတွက် စတိတ်လျှိုးကိုကြည့်နီကတ်တေ။ ရှင်သန်နိုးထ အာရက္ခလို့ နာမေပီးထားရေ။ ယင်းချင့်မှာ ရုပ်ရှင်မင်းသားဘုန်းလျှံပြောရေ `ရခိုင်မှာ သမီးသျှင်က သမက်သျှင်ကို ၀ယ်ရရေဓလေ့ဟိရေ` လို့ ပြောရေ။ ယင်းချင့်ဟုတ်လာ။ ကိုခိုင်မြသိန်းလေ့ ဈီးကောင်းကောင်းမျှော်ယင်းနန့် လူပျိုကြီးဖြစ်လားရေဟန်....နတ်ယောင်ကားတ၀က်၊ အမှန်တ၀က်မီးလာရေ။ ကျန်တော်လေ့ ဇာပြန်ပြောရမှန်းမသိ ဖြစ်လားရေ။ ယင်းချင့်က အမှန်ပါ။ ကျန်တော် ကိုယ့်မွီးရပ်မြီရခိုင်ပြည်မှာ အသက် (၁၇) နှစ်သားထိ နီထိုင်ခရေ။ သမက်ဝယ်ရေလို့ တခါလေ့မကြားဖူးခ။ မြင်လေ့မမြင်ဖူး။ သမီးတက်တေလို့ တခါလေ့မကြားဖူးခ။ မမြင်ဖူးခပါ။ သမက်တက်တေလို့ရာ ကြားဖူးမြင်ဖူးခရေ။ အေကုက ဗြောင်ပြန်ဖြစ်နီရေ။

ဆယ်စုနှစ် နှစ်စုကျော် ရခိုင်ပြည်နန့်ဝီးကွာလားရေနောက်ပိုင်းမှာ သမက်ဝယ်ရေဓလေ့ချေတခု ရခိုင်ပြည်မှာ ရှင်သန်ကျင့်သုံးနီရေ ဆိုစွာကို ကြားလိုက်ရရေခါ ဂေါင်းထဲမှာ ကောင်းချုပ်ချက်ခတ်လားရေ။ မယုံတ၀က်နန့် ဟုတ်ယင့်လားဟိုင်....နင်ရို့လိမ်ပြောနီကတ်တေဟန်။ ငါကိုတချက် ဖွင့်ပြ။ နားထောင်ကြည့်မေ တချက်။ Shwevideo.net ကိုဖွင့်လိုက်တေ။ ရုပ်ရှင်လိုင်မှာ တင်ထားရေ ရှင်သန်နိုးထအာရက္ခကို ဖွင့်ရေ။ နောက်ဆုံး သရုပ်ဖေါ်ဇာတ်ပြကွက်တခုမှာ လားတွိ့ရရေ။ ဘုန်းလျှံက ခန့်စည်သူကိုပြောရေ စကားပြောခန်းတခုမှာ `ကျန်တော်တို့ ရခိုင်ဒေသမှာ ဓလေ့တခုရှိတယ်။ သမီးရှင်ကနေ သမက်ရှင်ကို ၀ယ်ရတယ်။ အဲဒါရခိုင်ဓလေ့လေ` ပြောထားရေ။ အေစကားကို ကြားလိုက်ရရေခါ ကျန်တော့်နားရွက်တိ ကြီးလားရေ။ ဒေါသလေ့ ဖြစ်လားရေ။ ရှက်လေ့ရှက်တေပိုင် တွိ့ရေ။ မပြောတတ်ပျာလို့ရာ ပြန်ဖြေလိုက်ရရေ။ အယင်က သမက်တက်တေဓလေ့ချေအကြောင်းကိုရာ ပြန်ပြောလိုက်တေ။ ယင်းဓလေ့က အမျိုးသမီးတကိုတန်ဘိုးမြှင့်တင်ရာရောက်တေ။ ချစ်စရာကောင်းရေ ဓလေ့တခု။ ယင်းပိုင်နန့် ညာဉ့် ၁၁ နာရီလောက်မှာ စိတ်က တခုခုတွေးယင်း အိမ်ပြန်ပါလတ်တေ။ စိတ်က အိမ်ပြန်မရောက်ဘဲ အိန္ဒိယနိုင်ငံကိုရာ ရောက်လားခရေ။

အိန္ဒိယနိုင်ငံက Dowry (လင်ဝယ်လက်ထပ်စနစ်) လက်ထပ်စနစ်ကို လားသတိရရေ။ ဟိန္ဒူလူမျိုးတိမှာ သူရို့ယိုင်ကျေးမှုအရ သမီးသျှင်က သမက်သျှင်ကို ဖဲသာအမြောက်များပီး ၀ယ်ယူရရေစနစ်ဟိရေ။ အေစနစ်ကို လက်ဟိခေါတ်ကာလမှာ မဟိသင့်ပျာလို့ အမျိုးသမီးတိတိုက်ပွဲယင်း တဖြည်းဖြည်းနန့် အစိုးရဥပဒေတိက တားဖြစ်ထားရေအဆင့်ကိုထိ ရောက်ဟိပါလတ်တေ။ အိန္ဒိယနိုင်ငံ အထင်ကရအမျိုးသမီးဂေါင်းဆောင်းတယောက်ဖြစ်ခရေ အိန္ဒရာဂန္ဒီကိုယ်တိုင် ပါလီမာန်မှာဥပဒေချမှတ်ပြီးကေ တားဖြစ်ခရေ။ သို့သော် ယင်းအချိန်က ထင်သလောက်မအောင်မြင်ခရေပိုင် ထိရောက်မှုလေ့ ကောင်းနည်းခရေ။ အေကုတောခါ ပျောက်လုနီပါးဖြစ်ပါလတ်ပျာလို့ အိန္ဒိယအမျိုးသမီးလူ့အခွင်းရေး လှုပ်ယှားရေဘလောခ်တိမှာ ဖတ်ရရေ။

အေ Dowry လက်ထပ်စနစ်ကြောင့် အမျိုးသမီးငယ်ရို့ဘ၀တိ ဆုံးချုံးမှု၊ နစ်နာမှု၊ ဖိနှိပ်ခံရမှု၊ မတော်နတရား ပြုကျင့်ခံရမှုတိ အများကြီးကို အိန္ဒိမှာကိုယ်တိုင်နီထိုင်ဖူးခလို့ သိခွင့်၊ မြင်ခွင့်ရခရေလို့ ဆိုရဖို့။ ဥမမာ မိသားစုတခုမှာ သမီးများလားကေ ဖခင်ဖြစ်သူက သမီးတိကို လင်ပီးဇာတ်ယင်း ဟိသမျှဖဲသာတိ ကုန်ခန်းလားလို့ ကုန်းကောက်စရာမဟိရေ ဘ၀ကိုရောက်လားရေ။ ဇာလောက်ပင်ချမ်းသာလီပါတ်စီ သမီးသုံးယောက်လောက်ပါလာကေ အေတိုင်မွဲကျလားရေ။ တချို့ဆိုကေ အစ်ကိုယ်၊ မောင်ဖွားဖြစ်သူရို့ပါ ညီမ၊ အဲမဖြစ်သူရို့ လင်သားရနိုင်ရေးအတွက် ငွေးကြေးလိုက်ရှာစုဆောင်းရရေ။ တချို့ပညာတတ်အမျိုးသမီးချေတိဆိုကေ သားလင်ဝယ်ယူရေးအတွက် ကျောင်းထွက်လို့ အလုပ်လုပ်၊ ဖဲသာရှာစုဆောင်းကတ်ရရေ။ ယင်းပိုင် လင်တယောက်ရရေးအတွက် အမျိုးမျိုးအခက်ခဲတိကို ရင်ဆိုင်ပျာ ဖဲသာရှာကတ်ရရေ။ ယင်းပိုင် သားလင်တယောက်ကို ဖဲသာမြောက်များစွာ ပီးဝယ်ပဇာတ်နိုင်မှ ဂုဏ်ဟိရေလို့ ယူဆကတ်တေ။ တချို့မိဖတိမှာလေ့ သမီးသုံးယောက်လောက်ကို လင်ဝယ်ပီးဇာတ်လို့ ကုန်ကျရေ ငွေကြေးကို သားတယောက်တည်းနန့် အမြတ်ထွက်အောင်ထိ ရောင်းစားရေအလေ့ထကို ဆောင်ရွက်ကတ်တေ။ လင်ရလားခကေလေ့ ဖဲသာငွေးကြေးတင်ဝယ်မှုနည်းပါက လင်ဖြစ်သူ၊ ယောက္ခမဖြစ်သူ၊ ခအိုဖြစ်သူရို့ နှိပ်စက်မှုကိုခံကတ်ရရေ။ ယင်းပိုင်နှိပ်စက်မှုကို မခံနိုင်ကေ မိဖ၊ မောင်ဖြစ်သူရို့ဘက်ကို အပူလာကပ်ရရေ။ သမီးတယောက်ရထားစွာရေ ဧရာမမီးပုံမှာရီစက်ချရရေပိုင် ဘ၀မီးပူဟပ်ခြင်းကို ခါးစည်းခံကတ်ရရေ။

တချို့ လူလပ်တန်းစား၊ ဆင်းရဲသားမိသားစုတိမှာဆိုကေ လင်မ၀ယ်နိုင်လို့ အပျိုကြီးဘ၀နန့် အိမ်တွင်းပုန်ယင်း ဘ၀နိဂုဏ်းချုပ်လားရစွာတိက အဏမတက်က။ ဘ၀ကိုအယှုံးပီး ကြိုးစွပ်ချသီဆုံးလားကတ်တေ အမျိုးသမီးချေတိလေ့ တပုံတခေါင်းကြီး။ တချို့အမျိုးသမီးတိဆိုကေ ဖခင်ဖြစ်သူက စိတ်မှားယုတ်မာမှုတိအောက်မှာ ဘ၀ပျက်ရစွာတိက တမျိုး၊ အစ်ကိုယ်၊ မောင်ဖြစ်သူရို့က ဗလကာယပြုပြီးမှ ညီမ၊ အဲမဖြစ်သူရို့ လင်ဝယ်ပီးဇာတ်ခြင်းခံရရေ။ အဖြစ်ပျက်ချေတခုကို တင်ပြပါမေ။ အိန္ဒိယနိုင်ငံ ဘီဟာပြည်နယ်က နာလန္တာတက္ကသိုလ်မှာ ကျောင်းပြနီရေ ကျောင်းဆရာတယောက်မှာ သမီးသုံးယောက်ဟိရေ။ သမီးတိက ရှိဆင့်နောက်ကြီးလာကတ်တေ။ သမီးအကြီးဆုံးဖြစ်သူကို လင်ဝယ်မပီးဇာတ်နိုင်ရေခါ ဖခင်ဖြစ်သူကျောင်းဆရာက သူ့သမီးကို ပြစ်မှားရေ။ ကိုယ်ဝန်ရလို့ ဖုံးဖိမနိုင်ရေခါ အရပ်ထဲက ယောက်ျားချေတိနန့် ကမြင်းရေဆိုပြီးကေ အိမ်ကနှင်ချလိုက်တေ။ မမချေခင်မှာ လေးဖက်မိုက်လားပြီးကေ ဗုဓ္ဒဂါယာ၊ ပါတာနာရထားလမ်းမှာ ရထားလားနီချိန် ဂေါင်းဝင်တိုက်ပြီးကေ ဘ၀ကိုအဆုံးစီရင်လိုက်တေ။ သတင်စာတိမှာ ဟောလဲတကျော် ပါခပါရေ။

ချမ်းသာရေအသိုင်းဝိုင်းတိမှာလေ့ သားသမီးတိကို အိမ်ထောင်ခရာဝါသချပီးကေ နှစ်ဖက်သောမိဖတိက လက်ထပ်ခါစဇနီးမောင်နှံကို စီးပွားရေအဆင်ပြောလာ ၀ိုင်ပြီးကေလက်ဖွဲကတ်တေလို့ရာ ကြားဖူး၊ မြင်ဖူးရေ။ မိဖတိုင်းက သားသမီးတိကို ကောင်းကြောင်းရာ ကြားချင်၊ မြင်ချင်ကတ်တေ။ အေချင့်က သဘာဝပါ။ သမက်သျှင်က သမီးသျှင်ကို ရွှီငွေ၊ ကျွဲ၊ နွား၊ စပါး၊ လယ်ယာတိနန့် တင်တောင်ရေ ရခိုင့်ရို့ရာယိုင်ကျေးမှုကို ကျော်လွန်ပြီးကေ Dowry (လင်ဝယ်စနစ်)ကို ကျင့်သုံးလာကတ်တေ လူချမ်းသာတိလုပ်ရပ်ကြောင့် နောင်ကို လူဆင်းရဲတိဒုက္ခရောက်နိုင်ရေ။ အေကုဆိုကေ ဆယ်စုနှစ် နှစ်စုကျော် ကျင့်သုံးလာကတ်တေ။ ဗြုန်းတိုင်းဖျောက်ပစ်လိုက်ဖို့ကား လုံးဝမဖြစ်နိုင်။ လင်ဝယ်စနစ်ကိုရာ ရခိုင်အများစုက အတုယူကျင်သုံးလာကေ ရခိုင်အမျိုးသမီးချေတိဘ၀ မတွေးဝံ့စရာအန္ဒရာယ်တိနန့် ရင်ဆိုင်လာနိုင်ရေ။

ဖဲသာငွေကြေးချမ်းသာလို့ သမီးဖြစ်သူရိုိ့ကို လင်သားဝယ်ယူပီးဇာတ်ခြင်းစနစ်ရာ ရခိုင်ပြည်မှာအေထက်မက ထွန်းကားလာကေ အမျိုးသားပညာတတ်လူငယ်ချေရို့အချစ်ကို ဥစ္စာဓနနန့်ရောင်းစားရေဘ၀ကိုရောက်လားရေပိုင် အမျိုးသမီးချေရို့ဘ၀တိလေ့ ကိုယ်ချစ်တေ၊ ကြစ်တေလူငယ်ချေတိ ဆုံစည်းခွင့်မရဘဲ အိမ်ထောင်ရေပဓိပက္ခတိနန့် ကြုံလာနိုင်ရေ။ မိဖမောင်ဖွားတိဘက်က သားလင်ခိုင်စေမှုကြောင်း ငွေညှစ်တေအဖြစ်နန့်လေ့ မကြုံနိုင်လို့ ဒါသီမပြောနိုင်။ ရခိုင်သမီးပျိုချေတိ ဖဲသာမဟိကေ လင်မရနိုင်ရေအဆင့်ကို မရောက်လားလို့လေ့ မပြောနိုင်။ အေပိုင်ရာကြုံလာကေ အလစ်သုတ်ဖို့ချောင်းနီရေ ဗမာမြန်မာတိအတွက်က အကွက်ကောင်းပျာ။ ရခိုင်သူမချေတိက ကုလားကိုမယူစွာက သေချာရေ။ ဗမာမြန်မာဆိုကေ ကိုးကွယ်ရေဘာသာလေ့တူရေ၊ လူမျိုးလေ့နီးစပ်တေ၊ အေအချက်ရေ ဗမာမြန်မာတိအတွက် ရခိုင်လူမျိုးကို မျိုးဖျောက်ဖို့ အကွက်ကောင်းဖြစ်လားနိုင်ရေ။

အေချင့်တိကို ၀ိုင်းပြီးကေ ပြုပျင်လားသင့်ရေ။ အထူးသဖြင့် ရခိုင်လူငယ်ပညာတတ်ချေတိ ဓနဥစ္စာနန့်ရောင်းဝယ်ခြင်းခံရမှုတိကို ဆန့်ကျင်သင့်ရေလို့ တိုက်တွန်းချင်ရေ။ အိမ်ထောင်ပြုခြင်းမှာ ဥစ္စာဓနလောဘက် မမက်မောဖို့ အရေးကြီးရေ။ မဖြစ်သင့်လို့လေ့ မြင်ပါရေ။ လုံးဝလုံးဝ မဖြစ်သင့်ပါ။

ရခိုင်အမျိုးသမီးချေတိကလေ့ ဘွဲရ၊ ဆရာဝန်၊ စစ်ဗိုလ်၊ ပါမောက္ခတိကိုရမှ အိမ်ထောင်ရေတင့်တေရေ၊ ဂုဏ်ဟိရေဆိုရေ အတွေးတိကို ဖယ်ယှားလို့ စစ်မှန်ရေချစ်ခြင်းမောတ္တာတိ၊ တယောက်ကိုတယောက် အပြန်အလှန်နားလည်မှုတိနန့် တည်ဆောက်ထားရေ အိမ်ထောင်ရေတိကို ရွီးချယ်တည်ဆောက်စီချင်ရေလို့ စေတနာသမုဒ္ဒရာနန့် တိုက်တွန်းလိုက်ရပါရေ။

အေလောက်ပျာ။ ထောက်ပြ၊ ရွီးပြဖို့ဆိုကေက အများကြီးရာ။

ကျန်းမာချမ်းသာကတ်ပါစီ။ Dowry စနစ်က လွတ်မြောက်နိုင်ကတ်ပါစီ။

ခိုင်မြသိန်း (ချောင်သာကြီး)
၀၁၊ ၁၀၊ ၂၀၁၀
Glada Hudik

မုနိဇာတိမာန်

2011-09-16T11:00:00.000-07:00

ဘာသာတရား မလိုက်စားလေ့
အေ..ဘုရားကြီးကို မြင်လိုက်တိုင်း
ငါ့..မျက်ရည်တိ ၀ိုင်းဝိုင်းလည်.......။

အမှတ်တရဆိုကေလေ့
ဇာတိမာန်တိ ထကြွ
ငါ့ခန္ဓာကိုယ် ကြက်သီထ
အံကြိတ်နီရရေ.............။

ခိုင်မြသိန်း (ချောင်းသာကြီး)
၀၉၊ ၀၉၊ ၂၀၁၁
Glada Hudik

ဖြတ်မရ

2011-08-19T02:15:00.000-07:00

လူသိသျှင်ကြား
မချစ်ရလေ့
ဂျောင်ချေမှာကပ်
ထပ်ချစ်နီဖို့.......။

ခိုင်မြသိန်း (ချောင်သာကြီး)
၁၂၊ ၀၈၊ ၂၀၁၁
Glada Hudik

စီးခြားစကား

2011-08-01T08:01:00.000-07:00

ဘ၀ချင်း မတူ
အနီထားချင်း မဟန်လို့
ရောင်ပြန်ဟတ်တေ
နှစ်လုံးသားခံစားချက်ကို
ကြောခိုင်းထားခဖို့လား......။

မျက်တမှိတ်
ဂေါင်းတညှိတ်ချေနန့်
ကျေနပ်ကျန်ခရသူကို
`အစ်ကိုယ်တယောက်ပိုင် ချစ်နီမေနန်း
အစ်ကိုယ်ကြီး........´။

ခိုင်မြသိန်း (ချောင်းသာကြီး)
၃၀၊ ၀၇၊ ၂၀၁၁
Glada Hudik

ပရစေတနာ

2011-07-26T01:11:00.000-07:00

သဘာဝအလျှောက် စိ့ကျပင်ပေါက်ဆိုကေလေ့
နွီရောက်တေခါ မြီသြဇာခမ်းခြောက်
ရီကြိုင်ချေတပေါက် လောင်းထားခ......။

နောင်လာနောင်သား ရှိကိုလားဖို့
အရိပ်ကို......ခို
အသီးကို......စား
ခွန်အားသစ်တိ ဖြည့်လီကတ်......။

ခိုင်မြသိန်း (ချောင်းသာကြီး)
၂၀၁၁၊ ၀၇၊ ၂၄
Glada Hudik

လူသာမာန်

2011-07-20T15:51:00.000-07:00

ဖဲသာငွေကြေး ပညာရေး
ချမ်းသာသူဌေး ငါမဟုတ်.....။

စာနာသနား
ထောက်ထားတတ်တေ
လူ့ရပ်ရွာချေမှာ
လူသားစိတ်နန့် လားလာလှုပ်ယှား
ငါကား....သာမာန်အရပ်သားရာ....။

ခိုင်မြသိန်း (ချောင်းသာကြီး)
၂၀၁၁၊ ၀၇၊ ၁၉
Glada Hudik

ပြုံ့နိုင်မှ

2011-07-09T06:32:00.000-07:00

သြဘာလက်ခုပ်သံကြားက
ဝမ်းမြောက်ဂုဏ်ယူ
အောင်နိုင်သူရို့၏ ပြုံ့ရယ်ရွှင်ပြ
နက်ချိုင့်လှရေ အဓိပ္ပါယ်က
တန်ဘိုး အသင်္ချီ.............၊

တန်ဘိုးမဖြတ်နိုင်ရေ သင်ခန်းစာနန့်
ချုံးနိမ့်သူရို့ အနိပ်ဌာရုံမြင်ကွင်း
သက်ပြင်းချ မျက်ရည်စက်တိကြားက
တချက်ပြုံပြနိုင်ကေ

ဇါလဲ.....ယင်း..အောင်နိုင်ခြင်း........။

ခိုင်မြသိန်း (ချောင်းသာကြီး)
၉၊ ၇၊ ၂၀၁၂။
Glada Hudik

The Ten Secrets of Leadership ဂေါင်းဆောင်မှုလျှို့ဝှက်ချက် ဆယ်ခု (4)

2011-06-01T05:08:00.000-07:00

(4) A Leader embodies the times

(၄) အချိန်အခိုက်အတန်းကို ရုပ်လုံးဖေါ်တတ်တေဂေါင်းဆောင်

ထူးခြားသောအရည်အချင်းနန့် ကျန်တော်ရို့ဆိုလိုချင်ရေကဏ္ဍတခုက ဂေါင်းဆောင်တယောက်ရေ သူ၏ထူးခြားအရေးကြီးရေ အခိုက်အတန်းကိုတွိ့လာရေခါ ကျန်တော်ရို့ယင်းဂေါင်းဆောင်ကို အလိုအလျှောက်သိနီပြီးသားလို့ ကျန်တော်ရို့ခံစားရရေ။ သူရေ ကျန်တော်ရို့ပိုင်လူ့အသိုင်းအ၀ိုင်းထဲက လူသားတယောက်ဖြစ်တေ။ ကျန်တော်ရို့ ဇာပိုင်ရင်ဆိုင်ဖြတ်သန်းရလေ သူလေ့ယင်းနည်းတူစွာ။ သီအိုဒို ရိုးစဘဲလ်ကို ဂျွန်မော်လီက မှတ်ချက်ပီးရေပိုင် “ရိုးစဘဲလ်ရေ အမေရိကန်နိုင်ငံသားတယောက်အဖြစ်တခုတည်းမဟုတ်။ ကိုပင်ရို့သိကတ်တေအတိုင်း သူရေအမေရိကန်နိုင်ငံလေ့ဖြစ်တေ။”

အတ္ထုပတ္တိကျမ်းပြုဆရာ ဂျွန်ဘန်းနတ်က “ကျန်တော်ရို့ပြည်သူအများက ၀င့်ဝင့်ဝါ၀ါ အခိုင်အမာပြောတတ်တေ--ရိုးစဘဲလ်က သူရို့၏အကောင်းဆုံး၊ အပြောင်မြောက်ဆုံး ပုဂ္ဂိုလ်ဖြစ်တေ။ စိတ်ကူးယိုင်စံပြပုဂ္ဂိုလ်လေ့ဖြစ်တေ။” ဒေါသကြီးစွာပေါက်ကွဲခြင်း၊ တဟုန်းဟုန်းလီသံဖြင့် ကျန်တော်ရို့ကို သနားခံတောင်းဆိုလာကတ်တေ--ရိုးစဘဲလ်က ငါရို့ကိုကျေနပ်နှစ်သိမ်းပီးရေ။

မဲတ်ဝိစ်တ် (Midwest) မှာ ကျန်တော်စာပြနီခရေခါ သမ္မတ္တရီဂန်အကြောင်းကို ကျန်တော့်ကျောင်းသားတိပြောစွာကို မကြာမကြာ ကြားရရေ။ “သူက ကျန်တော်ပိုင်၊ သူက ကျန်တော့်ဖခင်ကြီးထက်တောင် နွီးထွီးမှုပီးရေ။” ရီဂန်က လူထုနန့်ဆက်ဆံမှုမှာ ပညာဟိဆန်စွာထက် ပြည်သူပြည်သားတိကို နွီးထွီးမှု၊ လုံခြုံမှုကိုပီးနိုင်ခရေ။ ထိုနည်းတူ တလောလုံးကို အကောင်းမြင်ဝါဒနန့် ဂရုဏာပေါများမှုတိကို အခြေခံပနာ ၁၉၉၀ ခုနှစ်တိမှာ သမ္မတ္တကလိန်တန် ပြည်သူနန့်တသားတည်းကျခရေ။ စွမ်းရည်နန့် ကြွယ်ဝချမ်းသာမှုကို ရောစပ်ထားရေ ရောင်စုံပန်းခြင်းတခင်းပိုင် ရောနှောဖန်တီနိုင်ခရေ။

သမ္မတ္တသျှသျှီက အင်္ဂလိပ်ခွီးဘီလူးတကောင်လုပ်ခရရေလို့ အိုင်ဆန်ဟိုဝါ (Eisenhower) က ဖေါ်ပြရေ။ လူမှုဒီမိုကရေစီအတွေးအခေါ်ကို ငှားယူသုံးစွဲခြင်းနန့် ဓနသျှင်ဝါဒကိုဆန့်ကျင်ပြီးကေ အရင်းသျှင်စနစ်ကို ထိမ်းသိမ်းထားရန် အန်ဇာလောင်းရေပိုင် လောင်းတန်းကဇာတ်ခရရေ။

၂၀၀၈ ခုနှစ် ဒီမိုကရစ်တိတ်ပါတီ ဥက္ကဌလောင်းရွီးချယ်ပြိုင်ပွဲသမိုင်ကို နိုင်ငံရေးသမိုင်းက နှစ်ပေါင်းများစွာ ပြန်လည်ဆန်းစစ်နီလိမ့်မေ။ ယင်းပြိုင်ပွဲ့မှာ ပါတီနှစ်ပိုင်းကွဲလားနိုင်ရေ အကြောင်းရင်းကိုဆန့်ကျင်ပြီးကေ ထူးခြားသောစွမ်းရည်ဟိရေ အာဖရိကနွယ်ဖွားအမေရိကနိုင်ငံသား ဘားရပ်အိုဘားမအား ရှိကိုရောက်အောင်တိုးပီးလိုက်တေ။ ယေကေလေ့ ဟဲလာရီကလိန်တန်ရေ အိုဘားမ၏အဓိက ကြောထောက်နောက်ခံဖြစ်လာရေ။ သူမ၏ကန်ပိန်းတခုလုံးမှာ အားနည်းမှု၊ အားသာမှုတိနန့်အတူ လိမ္မာပါးနပ်တေပေါ်လစီတခုက သူမ၏ပထမနာမေ “Hillary” ကို အမေရိကန်နိုင်ငံနန့် ကမ္ဘာတ၀ှမ်းကသိလားကတ်တေ အချက်ပင်ဖြစ်တေ။ အမြင်ဆုံးပြောရကေ “ဒေအမျိုးသမီးကို ကိုပင်ရို့သိရေ။ အချိန်အကြာကြီးသိပြီးသားဖြစ်တေ။ သူမ ဇာလေ၊ သူမ ဇာသူလဲ..ကြစ်သည်ဖြစ်စီ၊ မကြစ်သည်ဖြစ်စီ ကိုပင်ရို့သိနှင်းပြီးသားဖြစ်တေ။” ဟဲလာရီရေ အမှန်ပင် အရာရာတိုင်းမှာ စမ်းထလာရေအမျိုးသမီးတဦးပါ။ သူမရေ သူမ၏ကြီးမားသောအာသီသ၊ မိခင်ဘ၀၊ အမျိုးသမီးများ၏အချစ်ကို ရင်ခုန်အောင်ဖမ်းစား ကဇာတ်နိုင်သော ယောက်ျားရာဂဆတိုးအရွယ်ရောက်နီသူ လင်ယောက်ျား၏အိမ်ထောင်ရေး အံတုမှုတိကို ထည့်သွင်းရုပ်လုံးဖေါ်ယင်း သူမ၏လုပ်လိုရေပန်းတိုင်ကို ရောက်အောင်လှမ်းနိုင်ခရေ။ ဂေါင်းဆောင်တိ၏စွမ်းရည်--ဟဲလာရီရို့ပိုင်--အံ့မခန်းနိုင်လောက်အောင် ဇာအမျိုးသမီးလဲ အေလောက်ရှည်လျှားရေကန်ပိန်းမျိုးကို ဆင်နွှဲနိုင်ဖို့။ အချိန်အခိုက်အခါကို ရုပ်လုံးဖေါ်စွာထဲမှာ ကောင်းကောင်းအံ့သြဖို့ကောင်းရေ အောင်မြင်မှု တစိပ်တဒေသဖြစ်တေ။ လူအရည်အချင်းကို နံပါတ်အလိုက် ဇာကွက်ချဖေါ်ပြရကေ မရွီမတွက်နိုင်အောင်။ တခါတခါ ငြိမ်သက်စွာရောင်ပြန်ဟတ်တေ။ တခါတခါ အုပ်နံရံတံတိုင်းကြီးတချပ်ပိုင် ကာကွယ်ပီးတတ်တေ။ အမျိုးသားအကျိုးစီးပွားအတွက် ဦးတည်ရာလမ်းတလျှောက်မှာ တဖက်တချက်ပေါက်နီရေ ပြိုင်ညောင်ပင်ကြီးတိနန့် ရိပ်သာလမ်းတခုပိုင်…။

ဘာသာပြန်

ခိုင်မြသိန်း (ချောင်းသာကြီး)

Glada Hudik

The Ten Secrets of Leadership ဂေါင်းဆောင်မှုလျှို့ဝှက်ချက် ဆယ်ခု (၃)

2011-05-19T13:18:00.001-07:00

3) Moral conviction is necessary –but only in moderation
ခိုင်ခံရေကိုယ့်ကျင့်တရား ဟိဖို့လိုရေပိုင် လိုက်လျော့ညီထွေမှုကျဖို့လေ့ လိုရေ။

မိုင်ခီဘဲလ်လီ (Machiavelli) ပြောရေပိုင် အမြဲတမ်းအကျင့်ဇာရိတ္တကောင်းမွန်ဖို့ ကြိုးစားနီရေလူတယောက် အကျင့်ပျက်ခြစားနီရေ လူ့အသိုင်းဝိုင်းထဲ ဘ၀ပျက်ဖူးဖို့လေ့ လိုအပ်တေ။ ပုဂ္ဂိုလ်အရပြောရဖို့ဆိုကေ သမ္မတဂျဲမီကာတာ (Jimmy Carter) ရေ ကောင်းယိုင်ကျေးသိမ်မွေ့ရေ လူတယောက်ပါ။ ယေကေလေ့ ဆိုဗီယတ်က အာဖကန်နီစတန်ကို ၀င်သိမ်းပိုက်လိုက်တေ အမှားတခုကြောင့် အလွန်ခါးသီးနာကျည်းမှုနန့် ပြစ်ဒါဏ်ပီးခြင်းခံရအောင် လမ်းခင်းပီးလိုက်တေပိုင် ဖြစ်နီရေ - ဆိုဗီယတ်နိုင်ငံရည်ရွယ်ချက်တိကို သူ၏ပကတိရိုးသားမှုနန့် ပြန်ပြုပျင်နိုင်လိုက်စွာကို အေအချက်က ကောင်းကောင်းဖေါ်ပြလားခရေ။ အမေရိကန်သြဇာအောက်မှာ ကမ္ဘာကြီးမျှတိမှုဟိနီရေဆိုစွာ သမတ္တကာတာမြင်ခရေ။ လောကတခုလုံးနန့်ဆိုင်ရေ လူ့အခွင့်ရေးကို လူသားတိုင်းလိုက်နာသင့်ရေလို့လေ့ ယုံကြည်သူဖြစ်တေ။ သို့သော် ကမ္ဘာနိုင်ငံအများစုက အစိုးရတိရေ သူရို့ပြည်သူတိကို လူ့အခွင့်ရေးချိုးဖေါက်ခြင်း၊ နောက် တခြားနိုင်ငံတိကို ၀င်ရောက်သိမ်းပြီး ထိုနိုင်ငံသားအခွင့်ရေးတိကို ချိုးဖေါက်ခြင်းတိကို သဘာဝကျကျ သဘောပေါက်မှုနည်းရေ။

တခါက လိန်ကွန် (Lincoln) ထောက်ပြဖူးခရေ “အဖျက်သမားတိနန့် ပြေအီးရစွာ တခုလေ့အဓိပ္ပါယ်မဟိ။ အပြီးသတ်မျိုးဖြုတ်လိုက်စွာထက်ဆာကေ တစိချေလူပြောကောင်းအောင် လုပ်ထား။ ယေကေလေ့ စိစပ်ဝင်ဖြီပီးရေလူကို အေအကောင်းတိ ကောင်းအထင်ငယ်ကတ်တေ။ ရွံ့ကတ်တေ။ သိမ်းထားလိုက် ယင်းပြဿနာကို အချိန်အတိုင်တာတခုထိ။ တခါတခါ အပျက်သမားပေါက်စချေတိကို ချယ်မှုန်းရစွာလေ့ ကောင်းကောင်း ကောင်းရေလုပ်ရပ်တခုဖြစ်တေ။”

ကျန်တော်ရို့တွိ့မြင်နိုင်ပါရေ။ လိန်ကွန်ရေ ဇာလောက်ထိ ကြီးမာရေအနှောက်အယှက်နန့် ရင်ဆိုင်လီရဖို့လဲဆိုစွာ တွေးကြည့်ကေ မြင်နိုင်ရေ။ တခုလေ့မသိရေပိုင် နီနိုင်လိုက်သည့်တိုင်အောင် သူရေ ပြည်သူကြားမှာလေ့ မဆန့်ကျင်ခ။ သို့သော် မသိချင်ယောင်ဆောင်သူရို့ကို ထိုးနှက်ဝင်ရောက်ဖို့က သွီးကွဲစီရေ၊ အမြင်စိမ်းလားစီရေ စွန့်စားမှုတိကိုကျော်ဖြတ်ပြီးကေ လုပ်ဖို့ကလေ့ခက်တေ။ ယင်းအုပ်စုတိကလေ့ ရိုမာန်ကတ်သလိပ်ဂိုဏ်ဝင်တိမဟုတ်သည့်အပြင် အဖျက်သမားတိကို ကြောထောက်နောက်ခံ ပြုနီရေ။ ရိုမာန်ကတ်သလိပ်မဟုတ်တေ ဘုရားကျောင်းတိနန့် သူရို့၏ဂိုဏ်သားများကို အဆိုးဆုံးပြိုင်ဖက်ကို ယှဉ်ပြိုင်ဖို့အတွက် မဟာမိတ်အဖြစ်လိုအပ်ခရေ။ အသစ်ရောက်လာသူရို့ကို ခွဲခြားဆက်ဆံမှုမပြုစီရအောင်ဆိုရေပိုင် အယင်ဟိပြီးသားလူတိကို ကျွန်ပြုခြင်းကိုလေ့ ချုံ့ချရန်သာဖြစ်တေ။

အမှားမဟိရေအစိုရဆိုစွာ မဟိ။ တခါတခါမှာ ရပ်တည်ချက်တခုကို အလျှော့မပီးတတ်တေ ကြံကြံခိုင်ရပ်တည်ရေ အကျင့်တိကလေ့ ဂေါင်းဆောင်တယောက်ကို ကြည်ညိုလေးစားစီရေ။ ချီးမွှမ်းထောပဏလေ့ ပြုစီရေ။ နောက်လိုက်ကောင်းတိ ပေါ်ထွက်လာစီတတ်တေ။ မာကိုးစ်ဘရူးတ (Marcus Brutus) က ဂျူးလီယတ်ဆီဆာ (Julius Caesar) ၏ ကြီးမားရေရည်မှန်းချက်ကို သဘောရိုးနန့်ဆန့်ကျင်မှုကြောင်း ဂျူးလီယတ်ဆီဆာ၏ မဟာမိတ် မခ်အန်ထော်နီ (Mark Antony) ရို့ဘက်က ရိုသေလေးစားမှု၊ ထောက်ခံမှုတိကို ရဟိနိုင်ခရေ။ သူပြောခစွာက လူသတ်သမားတိကို ပုဂ္ဂိုလ်ရေးအောင်မြင်မှုနန့် မနာလိုအမုန်းပွားမှုတိမှာ အသုံးမချသင့်။ ခြားနားမှုတခုက မင်းတပါးနန့်တပါးအကြား ဆီဆာ၏စစ်ဆင်မှုသန္နင်္ဂဗျူဟာကို အခွင့်ရေသမားတယောက်အဖြစ် စက်ဆုပ်ရွံ့မုန်းလားကတ်တေ။ နောက်ဆုံးမှာ အန်ထော်နီကို ကိုယ်င်္ဂါအစိတ်ပိုင် အစိတ်စိတ်အမွှာအမွှာဖြစ်အောင် သတ်မိန်းပီးလိုက်စွာရေ ကြောက်မက်ဖွယ်ရာ လူသတ်မှုကြီးကို ကျူးလွန်လိုက်တေ။ မိပျောက်လို့မရရေသမိုင်ကြွီး တင်ကျန်နီခရေ။

ဘာသာပြန်
ခိုင်မြသိန်း (ချောင်းသာကြီး)

The Ten Secrets of Leadership ဂေါင်းဆောင်မှုလျှို့ဝှက်ချက် ဆယ်ခု (၂)

2011-05-19T13:16:00.001-07:00

2) Inspiring rhetoric is necessary – but only in moderation.
ဥာဏ်ရွှင်စီရေ ဟောပြောမှုအတတ်ပညာ ဟိဖို့လိုအပ်တေ။ မျှတမှုဟိဖို့လေ့လိုရေ။

တခါက နပိုလီယံပြောဖူးခရေ “ဂေါင်းဆောင်စွာ မျှော်လင်းချက်ရောင်ခြည်ကိုချပီးရေ ဖေါက်သည်တယောက်ဖြစ်တေ။” ဂေါင်းဆောင်တယောက်ရေ မျှော်တလင်းလင်းဖြစ်စီရေ မျှော်လင်းချက်မျိုးနန့် ဟောပြောမှုကို တတ်ကျွမ်းရေ ပညာသျှင်တယောက်ဖြစ်ဖို့လေ့ လိုအပ်တေ။

စက်တင်ဘာ 9/11 မှာ ပြည်သူရို့နှစ်လုံးသားထဲ အမှတ်ရစွဲကျန်ခရေမိန်းခွန်းကို ဟောပြောပြီးနောက်မှာ လူတိုင်းကသမ္မတဘူးခ်ျကို အီရတ်ကိုဝင်တိုက်စီချင်ကတ်တေ။ အထူးသဖြင့် သူ့မိန်းခွန်းကို ဂရုတစိုက်နားထောင်လိုက်တေခါ လုပ်ဖေါ်ကိုင်ဖက်ဖြစ်တေ တိုနီဘလီယာထက် အဆပေါင်းများစွာ အပြောဆိုသွက်လက်တေ။ လေးနက်အဓိပ္ပါယ်ဟိရေ။ ယေကေလေ့သွင့် အလွန့်အလွန်လှပရေ မိန်းခွန်းချွဲးခြင်းမျိုးက အကျိုးရလာဒ်နည်းစီပြီးကေ အန္ဒရာယ်ဘက်ကို ဦးတည်လားတတ်တေ။ ဥပမာ…အာကာသဟင်းလင်းပြင် ထိမ်းချုပ်မှုအန္ဒရယ်နန့်ပါတ်သက်လို့ သမ္မတရယ်ဂန်မိန်းခွန်းကိုကြည့်ပါ “သေချအောင် ပထ၀ီမြီကြီးကို တိတ်တိတ်ချေ လက်ထိတ်ခါတ်ထားလိုက်ကတ်မေ။”

ဘဲလ်ကလိန်တန်အားသန်ရာ စိတ်အာရုံကိုအထူးစောင်းပီးပြီးကေ အရာရာတိုင်း ချောမွီ့ပြေပြစ်လှပရေ အပြောအဟောမျိုး။ ငယ်သည်ဖြစ်စီ၊ ကြီးသည်ဖြစ်စီ-အကယ်၍-သင်၏မိန်းခွန်းဟောပြောမှုတိုင်း လှပချောမွီ့နီပါက ပြည်သူရို့ သံယောင်လိုက် တုန့်ပြန်တတ်တေ။ နောက်တခု လှပရေစကားစုတိကို ဖြုံးတီးသုံးစွဲထားမှုကြောင့် ထူခြားရေအံ့တုမှုမျိုးနန့် ရင်ဆိုင်လာရရေခါ သင်မှာပြောဆိုရမည့်စကားစုတိ ကုန်ခန်းမှုနန့် အကြီးအကျယ်ရင်ဆိုင်ရတတ်တေ။ ဖြန်ကလိန်ဒီရိုးစ်ဘဲလ်က အခါအားလျှော်စွာ မိန်းခွန်းတိထဲမှာ၊ အလွန့်အလွန်အရေးကြီးရေအခါမျိုးမှာ၊ နားထောင်သူပရိတ်သတ်တိကို စိတ်ဝင်တစား နားထောင်လာစီရန် ချင်းလင်းပြတ်သားရေ အသုံးအနှုန်းတိကို သုံးလေ့ဟိရေ။ လူတိုင်းကစံထားထိုက်တေ ရိုးစ်ဘဲလ်၏တိုက်တွန်းနှိုးဆော်၊ ဆုံးမရေစကားတခုမှာ “ကျန်တော်ရို့တခုကိုလေ့ ကြောက်နီစရာမလို၊ ကိုယ့်ကိုကိုယ်ကြောက်နီစွာရာ။” ပြည်သူတရပ်လုံးနှစ်လုံးသားထဲမှာ အမှတ်ရကျန်ခရေ။ သူ့ပိုင်ငါ့ပိုင် ပြောနိုင်ရေစကားလုံးပါရာ။

ယင်းအပြင် လူထုဟောပြောပွဲ့တိမှာ စွန့်လွှတ်အနစ်နာခံပြီး စိတ်ဓါတ်ကြံခိုင်အောင်၊ အကျင့်ဇာရိတ္တကောင်းမွန်လာအောင်၊ ပြုပြင်လာနိုင်အောင် ပြောင်ပြောင်ပွင့်ပွင့် ပြောဆိုသင့်ရေ။ စီမံခန့်ခွဲတီးဖြတ်သူတယောက်ပိုင် သီအိုဒိုရိုးစ်ဘဲလ်က သန်းပေါင်းများစွာသောလူထုကို အရေးမထားဘဲ “သူခိုးတိ၊ သူခိုးတိ” လို့ ခေါ်လိုက်တေ။ ဒေါမာန်ထလာရေ မျက်လုံးတိကိုမြင်လိုက်တေခါ အရောင်မဟိရေ အရိုးခံအမှန်တရားကို ပြောလိုက်တေ။ ဥာဏ်အမြှော်အမြင်ကြီးနီခြင်းထက် အနှစ်သာရအပြည့်နန့် အားမာန်ဟိစီရေ စကားတိက ထိထိမိမိ ဖြစ်စီရေ။ စွဲမက်စီရေ။
သမ္မတလိန်ကွန်- သူ၏ပြင်းထန်ရေ စိတ်ဆိုးမှုကို စကားလုံး ၈ လုံးနန့် ဖေါ်ပြခရေ- “ကပ်ဖားစားကောင်တိရာ မမှားခကေ၊ မှားစရာအကြောင်းတခုလေ့ မဟိ။” သူ့နိုင်ငံရေးလုပ် သက်တန်းကိုတခုလုံးကို အေစကားလုံးနန့် ချုံပြောခရေ။ ဂေါင်းဆောင်တိုင်း သဘောပေါက်နားလည်ထားဖို့စွာတခုက ပကတိအမှန်ကိုဆန့်ကျင်ပြီး စကားလုံးတိုင်း စကားလုံးတိုင်း စွမ်းရည်ပါဝါမဟိဆိုစွာကို ကောင်းကောင်းသိထားဖို့လိုရေ။

၂၀၀၈ ခုနှစ်အတွင်းက မူလန်းကျောင်းတခုမှာ ဆီးနိတ်လျွတ်တော်အမတ် ဟဲလာရီကလိန်တန်က အိုဘားမ၏ အဘိုးတန်စကားလုံးတိကို ဝေဖန်လိုက်တေ။ အိုဘားမ သွက်သွက်လက်လက် တုန့်ပြန်ခရေ။ အပြောအဟောကျွမ်းကျင်ရေ တက္ကသိုလ်ကဌိကချေတယောက်ပိုင် ဒီမိုကရေစီနိုင်ငံတခုမှာ မပစ်ပယ်နိုင်ရေပြည်သူလူထုကို ကောင်းကောင်းလှုံ့ဆော်၊ ပြောဆိုစည်းရုံးနိုင်ခရေ။

ဟဲလာရီကလိန်တန်ကလေ့ ထောက်ပြစရာအကွက်ချေတိ ဟိခပြန်ရေ။ တတ်စွမ်းနိုင်ရေ ဂေါင်းဆောင်ကြီး ဂျဲဖာဆွင်၊ လိန်ကွန်၊ မာတိန်လူသားကိန်းရို့ပိုင်- အမြှာ်အမြင်ဟိရေစကားလုံးတိနန့်၊ တခါတခါမှာ ပြိုင်ဖက်ကိုအနိုင်ရစီဖို့၊ အလုံးစုံနှိမ်နင်းဖို့၊ တခါတခါမှာ သူမနိုင်ကိုယ်မသာ ဖြစ်စီဖို့၊ တခါတခါမှာ နှစ်ဦးနှစ်ဘက်မျှတစီဖို့၊ သဟဇာတကျစီဖို့ ပင်ပန်းကြီးစွာ ကြိုးစားအားထုတ်ခရရေ။

ဘာသာပြန်
ခိုင်မြသိန်း (ချောင်းသာကြီး)

The Ten Secrets of Leadership ဂေါင်းဆောင်မှုလျှို့ဝှက်ချက် ဆယ်ခု (၁)

2011-05-19T13:15:00.000-07:00

1) Character trumps brains – or at least formal education

၁) ဥာဏ်ဆင်ကဇာတ်တတ်တေ ဦးနှောက်မျိုး- မဟုတ်ကေ အတန်းပညာဟိရမေ။

ဝီစတွန်ချာချဲလ်နန့် အေဘရာဟန်လိန်ကွင်း နှစ်ယောက်စလုံး တက္ကသိုလ်ပညာရပ်များ တတ်ကျွမ်းသူတိမဟုတ်။ အထင်ယှားဆုံးဂေါင်းဆောင်ကြီးတိကြားထဲမှာ သူရို့နာမည်တိရေ အေကုထက်ထိ ကျော်ကြားနီဆဲ။ နောင်လေ့ကျော်ကြားနိုင်ဆဲ။ ရစ်ချတ်နတ်ခ်ဆွန်နန့် ဂျိမီကာတာရို့နှစ်ယောက်စလုံးရေ အလွန်စည်းကမ်းကြီးရေ အမေရိကန်သမ္မတတိလောကထဲမှာ စည်းကမ်းအဟိဆုံးသမ္မတတိအဖြစ် နီရာယူထားနိုင်ခရေပိုင် အကြီးအကျယ်အန္တရာယ်နန့် ရင်ဆိုင်နိုင်ရရေ သမ္မတိလေ့ဖြစ်နိုင်ခရေ။

ရိုနာရယ်ဂန်ရေ အပျင်ကြီးမှု၊ နက်နက်ချိုင်းချိုင်လိမ္မာပါးနပ်မှုမဟိသောကြောင့် မကြာမကြာ ပျက်ရည်ပြုချုံ့ချခံရတတ်တေ။ ယေကေလေ့သွင့် ယင်းမလိမ္မာမှုနန့်ပျင်းရိမှုတိက သူများထက်တပန်းသာနီပြန်ရေ။ လေဘီးယားနိုင်ငံကို ဖြတ်ပျံသန်းလာရေ အမေရိကန်တိုက်လီယိုင်ရေ ရုတ်တရက်ပျက်ကျလုနီပါးဖြစ်နီရေအချိန်မှာ သမ္မတရေဂန်က အိပ်လို့။ ပူးပေါင်းပါဝင်ဖြေယှင်းဖို့စွာကိုထား လှည့်တောင်မကြည့်ဖြစ်။ သူအိပ်မွှံနီရေအသံကြောင့် တခြားလိုက်ပါလာရေနိုင်ငံ့ဂေါင်းဆောင်တိ စိတ်သက်သာရာ ရလားကတ်တေ။ မျက်ရည်ကျ ကြွီကွဲနီဖို့အစား တစုံတရာအတိုင်းတာထိ ပုံမှန်အနီအထား ဖြစ်နီခြင်းက ခေါတ်မှီရေ။ စိတ်ထားအမြဲပုံမှန်ကျရေသမ္မတအဖြစ် အေအဖြစ်ပျက်က သာဓကပြလိုက်တေ။

အမှန်ပါ။ ထင်ယှားကျော်ဇောခရေ အမေရိကန်သမ္မတအများစုထဲမှာ လိမ္မာပါးနပ်မှုအပြည့်စုံဆုံးထဲက ၀ူးဒရောဝီလ်ဆွန်ကိုကြည့်ကတ်ပါမေ။ မယုံနိုင်လောက်တေ အတန်းပညာအနိပ်ဆုံးနန့် အဘိုးတန်ပညာတတ်တိ နီပိုင်လပိုင်တောက်ပနီကတ်တေ ကြားထဲမှာ နံပါတ်တစ်နိုင်ငံ့ဂေါင်းဆောင်နီရာကို ရယူနိုင်ခရေ။ ဇာပညာတတ်တယောက်လေ့ လိုက်လို့မမှီခ။ သူ့ပိုင်မကျော်ဇောခ၊။

ဘာသာပြန်
ခိုင်မြသိန်း (ချောင်းသာကြီး)

ကျောင်းသားမဟုတ်သောကျောင်းသား (နွားကျောင်းသား) P II

2011-05-17T11:37:00.000-07:00

ဝပ်အိပ်နီသောဒေလီ
“အို……နယူဒေလီ….နယူဒေလီ…..” စိတ်ထဲ ရည်ရွယ်ချက်မဟိဘဲ ဗြုန်းဒိုင်းနီရာယူလိုက်၏။ လီယိုင်ပျံမှန်ပြတင်းပေါက်မှ ပထ၀ီမြီကြီး၌၀ပ်လျက်ဟိနီသော နယူဒေလီမြို့အား ပေသောင်းချီအမြင့်မှ လှမ်းမြင်နီရ၏။ နှစ်ပေါင်းတဆယ်ကျော်နီထိုင်ခသော နယူးဒေလီမြို့သည် မွီးရပ်မြီမဟုတ်သော်လေ့ ချက်မြှုတ်မြီအလား အောက်မိ့တမ်းတတတ်၏။ နယူဒေလီသို့ပြန်ချင်သော စိတ်အာသီသများနှင့် လေးနှစ်နီးပါး ထောင်ထဲဒုက္ခဝေဒနာခံစားနီခရ၏။ လုပ်ဖေါ်ကိုင်ဖက်၊ သူငယ်ချင်းအပေါင်းအသင်းများ ဆက်လက်ဟိနီလီကြယင့်လား သို့မဟုတ် တခြားတခြားနိုင်ငံများသို့ ရွှိ့ပြောင်းနီထိုင်လားခကတ်ပျာလား ဟူ၍ကား တစုံတရာမသိရချေ။ မိမိရို့အား ထောင်တွင်းသို့ ထောင်ဝင်စာလာတွိ့သူ ဆရာဦးခိန်မောင်ကလွဲလို့ ဇာသူတဦးတယောက်ကမျှ လာရောက်သတင်းမီးမြန်းမှု မဟိကြသော်လည်း မိတ်ဆွေ၊ သူငယ်ချင်း၊ အပေါင်းအသင်း၊ လုပ်ဖေါ်ကိုင်ဖက် စိတ်ဓါတ်စိတ်ထားကား ပြောင်လှဲလားမည်မထင်။

တခါတခါ ရန်ဖြစ်ကြ၊ တခါတခါမှာလေ့ အသက်ကိုထိ ရည်စူး၍ ရန်ဖြစ်ကြ၊ ဒါဏ်ရာရ ဆီးရုံတင်ကြရသည့် အကြိမ်ကလေ့ မနည်း။ ကိုယ်သတ်ပြီး ကိုယ်ကိုတိုင် အသတ်ခံရသူကို ဆီးတင်ပီးရစွာလေ့ ဇာနှစ်ခါ။ အိမ်ကနှင်ချလို့ အထုပ်ချေကိုထမ်းလို့ ဆင်းပီးရစွာလေ့ တမျိုးဝမ်းနည်းဖို့ အလွန်ကောင်း၏။ တခါတခါ အတူနီထိုင်ကြ၊ ခွင့်လွှတ်တတ်တေ အဖြစ်ပျက်တိကလေ့ အများအပြားဟိကြ၏။

မူးယစ်ဆီးဝါးစွဲလို့ အိမ်ပျောက်တေလူတိကလေ့ တပုံဟိကြ၏။ ကူးစားမရရေ ရောဂါစွဲလောက်အောင်ထိ ဘ၀ပျက်သူကား မဟိကြပါ။ တခါတလေ ကူညီနိုင်ကြသော်လေ တခါတလေ ယှောင်နီတတ်ကြ၏။ မူးယစ်ဆီးစွဲ့နီသောလူတိက စကားပြော အလွန်ကောင်းကြ၏။ နှုတ်ချိုကြ၏။ နားဝင်ချိုအောင်ပြောတတ်ကြ၏။ ယေကေလေ့ ထမင်းတနပ်စာအတွက်သာ ဖြစ်တတ်ကြ၏။ နိုင်ငံရေး၊ အမျိုးသားရေအတွက်ဆိုကေ စိတ်ဝင်တစား ပြောဆိုဆွေးနွေးရေလို့ တခါမဟိ။ အစည်းဝေးပြီးလားကေ သူရာလူစွမ်းကောင်း သုံးသပ်သေဖန်ပြထားစွာချေတိက နားထဲကမကျနိုင်အောင် နားထောင်းလို့ အလွန်ကောင်း၏။

မိဘညီအစ်ကိုယ်မောင်နှစ်မရို့နန့်ခွဲပြီး တိုင်းတပါးမှာ အတူနီထိုင်လာကြသော သူငယ်ချင်း၊ လုပ်ဖော်ကိုင်ဖက်တိကို ညီအစ်ကိုယ်အရင်းအသျှာတိကိုထက် ချစ်ကြ၏။ တခုခုဖြစ်လို့ ကူညီကြရကေ အသက်စွန့်လို့ ကူညီကြ၏။ လူမျိုးလေ့ ခွဲခြားနိုင်ပုံမပေါ်။ ကျောင်းသားဆိုရေ အသိစိတ်ဓါတ်နန့်၊ ဒီမိုကရေစီဆိုရေ အသိစိတ်ဓါတ်နန့် ကူညီကြသည်ကို တွိ့ရ၏။ သို့သော်လည်း အမျိုးသားရေးဆိုရေ ဂေါင်းစည်းအောက်ကိုရောက်လာလျင် အလှပလှ ရန်သူစိတ်ထားကြ၏။ ကိုယ်ထိလက်ရောက် မပြုကျင့်ကြသော်လည့် စိတ်ထဲမှာကား အလွန်နက်ချိုင့်သော အမျိုးသားရေးစိတ်ဓါတ်တိကို တွိ့မြင်ကြရ၏။ ချစ်ဖို့အလွန်ကောင်းရေ အကျင့်စရိုက်ချေတိကို ပီးပီပြင်ပြင် တွိ့မြင်ရ၏။ တန်ဘိုးမဖြတ်နိုင်ရေ ဘ၀အတွိ့်အကြုံတိ ဖြစ်နီကြ၏။ ၀မ်းနည်းပက်လက်ချေ စိုင်စားနီယင်း ၀ပ်အိပ်နီသောဒေလီမြို့ကို လီယိုင်ပြတင်းပေါက်က ယှောင်းကြည်နီ၏။

ဒေလီမြိုကြီးသည် အိန္ဒိယသမိုင်းဝင်မြစ်ကြီးများအနက် မြစ်ကြီးတစင်ဖြစ်သော ယမူနာမြစ်အား နှစ်ဖက်ခွအိပ်လျက် သူ၏သွီးကြောသဖွယ်ချုပ်ချက်ခတ်နီသော ကားလမ်းမတိနန့် မြင်ကွင်းက အလွန်လှပ၏။ ရင်ထဲမှာ အီမြသလိုလို ခံစားရမိ၏။ တချိန်က ဟိန္ဒုတ်မချေတိအလှကို မျက်စိပြူးထွက်အောင် ကြည့်ခကတ်တေ ကျန်တော်ရို့ဘ၀တိ လှိုက်ကာတချပ်ချထားရေပိုင် ခံစားရ၏။ ဟိန္ဒူလူမျိုးတိမှာ အရပ်မြင့်၊ အသား ညို၊ မဲ၊ ၀ါ ရောင်ဖြစ်ပြီးကေ သူရို့ကိုသူရို့ ကမ္ဘာမှာ အမြင့်ဆုံးလူသားအဖြစ် ခံယူကြ၏။ တချို့မှာလည့် မဟာဒုတ်လို့ခေါ်သော အတည်တကျနီထိုင်ခြင်းမဟိဘဲ ထိုပြောင်ဒေပြောင် နီထိုင်ရေလူတိလည့် ဟိကြ၏။ အေကုခေါတ်မှာ သူရို့ကို လမ်းဘေးက ”ဂျော်ကီ“ လို့ ခေါ်ကြ၏။ တချိုမှာလည့် နာလာမြောင်းပုတ်ကို ကိုးကွယ်ကြ၏။ ဘာသာရေးကွဲပြားမှုနန့်ပြောရလျှင် အိန္ဒိယကို ဇာနိုင်ငံလည့်လိုက်မှီမည် မထင်။ ယင်းကဲ့သို့ ဘာသာရေးကွဲပြားသကဲ့သို့ ဇာတ်နိပ်ဇာတ်မြင့်လည့် ယင်းထက်ပိုလို့ ကွဲပြားကြသည့်ဟု ဆိုနိုင်၏။ အမြင့်ဆုံးဇာတ်မှာ ဗြန်မောင်းဇာတ်ပင်ဖြစ်၏။ ဘာသာရေအယူသည်းသိမ်စွာမှာလည့် အေလူမျိုးကဲ့သို့ မဟိ။ ယင်းကြောင်း မူဆလင်ဘုရင်တိ ခေါတ်ပေါင်းမြောက်များစွာ သိမ်းပိုက်အုပ်ချုပ်နိုင်ခသော်လည့် ဟိန္ဒူအယူဝါဒကို စွဲမြဲစွာဆုပ်ကိုင်ထားနိုင်ခသော လူမျိုးဖြစ်၏။

ဟိန္ဒူမချေတိ အပျိုရွယ်မှာ ကြည့်လို့အလွန်လှ၏။ ပျိုရွယ်လွန်လာလျှင် သျှာရီဝတ်နှင့်အိမ်ထောင်သည်မရို့အလှကလည့် ကိန္ဒရီမရို့ကဲ့သို အိန္ဒြရည်ဟိကြ၏။ ယိုင်ကျေးမှုကလေ့ အလွန်ရှိကျသောလူမျိုးဖြစ်နီခါ သူရို့လှုပ်ယှားမှုတိုင်းသည် အလွန်ကျက်သရည်နှင့် ပြည့်စုံ၏။ ကျန်တော်အကြစ်ဆုံးကိုပြောပါဆိုလျင် ဟိန္ဒူရိုးရာဝတ်စုံကို ၀တ်လျက်၊ နှဖူးမှာလည်းအနီကွက်ချေတကွက် ကွက်လို့ လမ်းလျှောက်နီသော ဟိန္ဒူမချေတိ၏ အမူအယာကို စွဲမက်သည်သာမက ဘ၀နှင့်အမျှမက်မောပါ၏လို့ ပြောရမည်ဖြစ်၏။

နောက်တခု အံ့သြဖို့ အလွန်ကောင်း၏။ အင်္ဂလိပ်တိ အိန္ဒိယကို လွတ်လပ်ရေးပီးရန် အစပြုလာသောအခါ မဟတ္တမဂန္ဒီ၏နိုင်ငံရေးပါးနပ်မှုကြောင့် အိန္ဒိယတိုက်ကြီး ဟိန္ဒူလက်ထဲပြန်ရောက်လာအောင် ကြိုးစားခသည်မှာ ကမ္ဘာကသြချလောက်ရအောင် နိုင်ငံရေးပရိယယ် ကျွမ်းကျင်၏ဟု ဆိုရမည်။ အင်္ဂလိပ်တိ အိန္ဒိယတိုက်ကြီးကို သိမ်းယူခစိုင်က မူဆလင်ဘုရင်လက်ထဲက ဖြစ်၏။ ကိုလိုနီရို့သဘောသဘာဝအရ ဇာသူလက်ကသိမ်းယခလေ ယင်းလူလက်ထဲသို့ ပြန်အပ်ရသည့် လက္ခဏာဟိပုံပေါ်၏။ သို့သော်လည့် ပြန်အပ်ရန်လုပ်လာသောအခါမှာ မူဆလင်းဂေါင်းဆောင်တိကို (လက်ဟိ) ပါကိစ္စတန်နိုင်ငံကို လွတ်လပ်ရေး ခွဲယူစီပြီး အိန္ဒိယတိုက်ကြီးကို ဟိန္ဒူလက်ထဲပြန်ရောက်အောင် ကြိုးစားခသည်မှာ မဟတ္တမဂန္ဒီနှင့် ဟိန္ဒူဂေါင်းဆောင်ရို့၏ ထူးခြားသောနိုင်ငံရေးလှုပ်ယှားမှု တရပ်ပင် ဖြစ်၏။ ဤအချက်ကို ရခိုင့်နိုင်ငံရေးဂေါင်းဆောင်းကြီးတိ အရိပ်ကျခပုံမပေါ်။

ယင်းကြောင့် ရခိုင့်နိုင်ငံရေး၊ တော်လှန်းဂေါင်းဆောင်ကြီးရို့ကို ခေါတ်ရီစီးကြောင်းကို လိုက်မမှီသောဂေါင်းဆောင်များဟု ကျန်တော်ယူဆသည်။ နိုင်ငံရေးထိုးစစ်မဆင်တတ်သော နိုင်ငံရေးဂေါင်းဆောင်များဟု ယူဆမိသည်။ သို့သော် ခေါတ်ရီစီးကြောင်းကို လိုက်မှီသော ပုဂ္ဂိုလ်တယောက်ယောက် ပေါ်ပေါက်လာပါက ယင်းပုဂ္ဂိုလ်အား သူရို့၏နောက်လိုက်ဖြစ်လာစီရန်၊ သို့မဟုတ် သူရို့၏လက်ကိုင်တုတ်ဖြစ်လာစီရန် ၀ိုင်လုကြိုးစားကြ၏။ ထိ်ုကဲ့သို့ မဖြစ်လာလျင်ကား ၀ိုင်ပယ်ရန်ကြိုးစားအားထုတ်ကြ၏။ ဤသည်မှာ ရခိုင့်ပညာတတ်မျိုးချစ်လူတန်းစားနှင့် ရခိုင့်ပညာမတတ်မျိုးချစ်လူတန်းစာ ကွာဟနီမှုတရပ်ကို အေနိထ်ိမြင်တွိ့ခြင်းဖြစ်၏။

ငါ…အေဒေလီမြို့ကို ဇာပိုင်ရောက်ပါလတ်လေချင့်…..အတွေးက ကန့်လန့်ဖြတ်ပြီး ၀င်ပါလတ်၏။ ဒေလီမြို့ကိုရောက်ဖို့ မေဇူးရမ်းမှာ (Mizoram, one of states of India) ငါ သုံးနှစ်နီပါး နီခသိမ့်ရေမလားကု……အတွေးတိက ဇာကိုတွေးလို့ တွေးရမှန်းမသိအောင် ၀င်လာကြ၏။ ဇာပင်ပြောပြော မေဇူရမ်းကို ပိုက်လိုက်လို့မရ။ ၀ဲပပိုက်လိုက်က မရ။

ခိုင်မြသိန်း (ချောင်သာကြီး)
Glada Hudik

ကျောင်းသားမဟုတ်သောကျောင်းသား (နွားကျောင်းသား) P I

2011-05-13T11:37:00.000-07:00

ဝီးလို့ကျန်လိုက်အိန္ဒီယာ

“၀ီး…..၀ီးလို့ကျန်လိုက်အန္ဒီယာ၊ လီယိုင်ဆောင်ရာလိုက်ပါလာရေ၊ ကမ္ဘာ့အနောက်ဖက်ခြမ်းသို့လေ့…..” သာခြင်းချေတခု အသိအာရုံထဲ စီးဝင်လာသည်နှင့် တပြိုင်နက် “၀ီး…၀ီးလို့ကျန်လိုက်မြို့စစ်တွေ….” သာခြင်းစာသားကို တန်းသတိရလာ၏။ (၁၇) နှစ်ကျော် ၀ီးကွာနီရသော ရခိုင်ပြည်ကြီးကို သတိရလာ၏။ မွီးရပ်မြီချောင်းသာကြီးသည် ပန်းချီကားတချပ်ပိုင် စက္ခုအာရုံထဲ ထင်း၍ပေါ်ထွက်လာ၏။ အသက်အရွယ်ကြီးရင့်နီလိမ္မည်ဖြစ်သော ဖခင်ကြီး၏မျက်နှာအား မြင်နီရ၏။ စာမပါး၊ သတင်းမကြားဖူးရသိမ့်သော ဖခင်ကြီးကို ကိုယ်ချင်စာနာမိ၏။ မိဖရို့မည်သည် သားသမီးများအားထားသည့် မောတ္တာတရား ခန်းခြောက်လားသည်ဟူ၍ မဟိ။ စာမလာ၊ သတင်းမကြားသောသားအား ဇာရပ်၊ ဇာဒေသမှာဟိနီလီမှန်း အတိကျ မသိရသော်လည်း အသစ်နယ်စခန်းထဲမှ မကုန်မခန်းနိုင်သော မျှော်လင်းချက်နှင့်အတူ သားအပြန်လမ်းကို မှန်းမျှော်နီလီဖို့စွာ သေချာရေ။ ယေပင်ငြားလေ့ သားဖြစ်သူ၏ဘ၀ကံကြမ္မာကား မိဘ၊ ဆွေမျိုးအသိုင်းအ၀ိုင်းများဟိရာ အသစ်နယ်စခန်းနှင့် နီးလာရမည့်အစား ကမ္ဘာ့အနောက်ဖက်ခြမ်းသို့ တင်ပို့ခြင်းခံနီရ၏။

ကာလာကတ္တားမြို့၏ နိုင်ငံတကာလီဆိပ်၌ ဗြိန်တိန်နိုင်ငံပေါက်ဖွား ငှက်ဆင်ကြီးတကောင် ဆိုက်ကပ်လျက် လိုက်ပါလားကြမည့်ခရီးသည်များအား ကြိုဆိုလျက်ဟိ၏။ Kolkatta Police Security Control အောက်၌ဟိသော Airport Immigrant Custody လှောင်ခြိမ့်ထဲမှ ပြည်နှင်ဒါဏ်ခံရသော ငှက်ချေနှစ်ကောင်အား ဆွဲထုတ်ယူလာကြ၏။ လုံခြုံရေးအဖြစ် Kolkatta Police Security Control, Airport Security police and Border Security Force မှ တာဝန်ဟိပုဂ္ဂိုလ်များ ၀ိုင်းရန်လိုက်ပါလာကြ၏။ လီဆိပ်တခုလုံးဟိ နိုင်ငံတကာ ခရီးသည်များသည် မြောက်များစွာသော ကိုယ်ရံတော်အစောင့်အချှောက်များ ၀ိုင်းရန်လျက်ဟိသော ပြည်နှင်ဒါဏ်ခံရသော ငှက်ချေနှစ်ကောင်အား ၀ိုင်းကြည့်နီကြ၏။

ကာလာကတ္တားအခြီိစိုက် Human Rights Law Network မှ ရှိနီ (Advocate) Debashis Barnajee သည် သူနှင့်အတူကိုင်ဆောင်လာသော- တခါသုံးဆွီဒိန်နိုင်ငံကူးလက်မှတ်၊ လီယိုင်လက်မှတ်များ၊ transit Waiver Request လက်မှတ်များ၊ Refugee Certificates များ၊ United Nations High Commission for refugee-India ၏ Protection Officer မှ ထောက်ခံစာများ၊ Home Department of Govd. of West Bangel မှ Deputy Secretary to the Govd. of West Bangel-Mr Shri A.K Saha ၏ အထောက်အထားများ၊ Deputy Commissioner of Police, Security Control, Security Control Organization of West Bangel မှ အထောက်အထားစာရွက်စာတမ်းများ၊ Home Department, Government of West Bangel, Joint Secretary ၏ အထောက်အထားများ၊ The Under Secretary to the Gvod. Of India, Ministry of Home affairs ၏ အထောက်အထားစာရွက်စာတမ်းများ၊ order to Deport and exit Permission from High Court အမိန့်စာ၊ Memorandum of Appeal from Original Order စာရွက်စာတမ်း၊ Central and West Bangel Government’s Decision to Allow to Leave for Sweden စာရွက်၊ The Judgement of 1^st Court and The judgement of High Court to pushback to own country တရားစီရင်ချက်စာရွက်စာတမ်းများအား တခုချင်းစီယှင်းပြ၍ ၄င်းဖိုင်တွဲများကို ကျန်တော်ရို့အား လွှဲပီးလိုက်၏။ နောက်ထပ်လားရမည့် လမ်းခရီးစိုင်ကို ယှင်းပြလျက် ကျန်တော်ရို့အား ဒေါ်လာ (၆၃) ပြားစီ ခွဲပီးလာ၏။

“This’ the first money we have after 4 years in jail.” ပြုတ်မနုံးမျက်နှာနှင့် ကျန်တော် ပျက်လုံးထုတ်သရော်လိုက်၏။
“I pray you may have more money after reaching Sweden” ရှိနီမှာ မရှက်တရှက်ပြုံလျက် ပြန်ဖြေ၏။
“Ok, lets have coffee or tea before boarding” ကျန်တော်ဆော်သြလိုက်သည်။ လုံးခြုံရေးတာဝန်ဟိပုဂ္ဂိုလ်နှစ်ဦး၊ ရှိနီနှင့်ကျန်တော်ရို့နှစ်ယောက်စလုံး ကော်ဖီဆိုင်မှ လဘက်ရည်မှာသောက်နီကြယင်း ၀ိုင်ရံလျက်ဟိသော လုံခြုံရေးပုဂ္ဂိုလ်နှင့် ရှိနီရို့သည် ကျန်တော်ရို့နှင့်ပါတ်သက်၍ ဆွေးနွေးနီကြ၏။ တချို့ကလည်း အစိုးရအားပြစ်တင်ဝေဖန်ကြ၏။ တချို့ကလည်း အိန္ဒီယာဒီမိုကရေစီသည် စစ်မှန်သောဒီမိုကရေစီမဟုတ် ဆိုကြ၏။ ဦးစားပီးဒီမိုကရေစီစနစ်နှင့် ဗျူရိုကရေစီစနစ်နှစ်ခုက စစ်မှန်သောအိန္ဒီယာဒီမိုကရေစီစနစ်အား ချုပ်ကိုင်ဖျက်စီးလိုက်သည်ဟု ဆိုကြ၏။ ဘင်္ဂလီဘာသာစကားဖြင့် ပြောဆိုဆွေးနွေးနီကြသော်လည်း သူရို့၏ဆွေနွေးမှုအားလုံးကို သဘောပေါက်လိုက်၏။ ထို့ကြောင့် သူရို့၏ဆွေးနွေးမှုထဲ ၀င်၍ ကျန်တော်ဝင်ပြောလိုက်သည် “Indian Democracy is not full democracy. It is 45 number in the list of world democratic countries. So, how can it be genuine. Ya, I agree it is favouritism, not democratism. But in media you are loudly saying India is the biggest democratic country in the world. It is really not true” လုံခြုံရေးအဖွဲ့တခုလုံး မျက်စိမျက်နှာ ပျက်လားကြ၏။ သို့သော် ထိုလုံခြုံရေးအဖွဲ့ထဲမှ ဒုတိယတာဝန်ဟိသူတဦးက “We should not compare with western countries. Situation’s not same and our country has a lot of problems. Our democracy is, we can say totally, copy from British Bureaucracy and still it’s going on. In your case we lost our country’s dignity in the international democratic surface.” အကင်းပါးတတ်သော လုံခြုံရေးတာဝန်ဟိသူ အကြီးဆုံးတယောက်က “lets move, lets move. Boarding already starts” ကြားဖြတ်လိုက်၏။ လီယိုင်ထက်သို့တက်သည့်လက်မှတ် (Boarding Card) ဖြတ်ယူလိုက်ပြီး Emigrant gates များအား အစစ်အဆေးမဟိ ဖြတ်ကျော်လာကြသည်။ နောက်ဆုံး လီယိုင်ထက်မတက်ခင် ဖြတ်ကျော်ရမည့် Emigrant gate ကိုကား ၀ိုင်းရံလိုက်ပါလာကြသော လုံခြုံရေးအဖွဲ့သားများ ၀င်ခွင့်မရသောကြောင့် လုံခြုံရေးတာဝန်ဟိသူများကို တယောက်ချင်း လက်ဆွဲနှုတ်ဆက်၍ ကျေးဇူးတင်စကားများ ပြောပြလိုက်၏။ တံကါးဝနား မျှောင်ရပ်နီသော ကျန်တော်ရို့ရှိနီ ( Debashis Banerje) အားလက်ဆွဲ၍ “Thank you very much and please tell my regards to Director of Human Right Law Network. You tried so hard which could pull off our lives from the graveyard of military junta. You had done great job and had great success.” ကျေးဇူးတင်စကားများဖြင့် နှုတ်ဆက်ယင်း ကိုယ်ခန္ဓာချင်းနွီးထွီးစွာ ဖက်လိုက်ပြီးနောက် လှည့်ထွက်လာ၏။ “As soon as you reach, call me, don’t forget it, Ok” ရှိနီမှ ဖုန်းခေါ်ရန် သတိပီးလှမ်းအော်လိုက်၏။ “hti kay cha ထိကေချေ” (ကောင်းဗျာ စိတ်ချ) လက်ထောင်ပြလိုက်၏။

ပလစတိတ်အိပ် တယောက်တလုံနှင့် ကျန်တော်ရို့နှစ်ယောက် လီယိုင်ဟိရာတံခါးနားသို့ လှည့်မထွက်ခင် “Hello Securities..” ရပ်စောင့်ကြည့်နီကြသော လုံခြုံးရေးအဖွဲသားများအား “Good Bye, India. Good Bye India, Good bye…….” အသံတကြီး လက်ပြနှုတ်ဆက်မှုအား လိုက်ပါလားကြမည့် ခရီးသည်များသည် ကျန်တော်ရို့အား ၀ိုင်းလှည့်ကြည့်နီကြ၏ အများအာရုံစိုက်လာမှန်းသိလိုက်သည့်နောက် နောက်တကြိမ်ထပ်အော်လိုက်၏။ “Good Bye India” အော်သံကြားရသော လူအုပ်က မျက်နှာကိုများပြုံ့လျက် “ Par karl ho gija na ki…Mar hta khara ho gija bhai? ဇာလေ..ရူးလားပျာလား၊ ဥနှောက်ပျက်လားပျာလား အစ်ကို” ပြောနီကြ၏။ အများအာရုံစိုက်လာမှန်း သိလိုက်ရသည့်နောက် နောက်တကြိမ် ထပ်အော်လိုက်၏။ “Good Bye India”

မိုင်ထောင်ပေါင်းများစွာ ၀ီးကွာသောခရီးကိုပျံသန်းရန် အဆင်သင့်ဖြစ်နီသော ဗြိန်တိန်နိုင်ငံပေါက်ဖွား ငှက်ဆင်ကြီးသည် တာဝီးလမ်းမကြီးသို့ တလှမ်းချင်း လှမ်းထွက်ခွာလာ၏။ လိုက်ပါလာကြမည့် ခရီးသည်များအား လိုက်နာဆောင်ရွက်ရမည် တာဝန်၊ မတော်တဆ အန္ဒရာယ်တခုခုကြုံလာပါက ရင်ဆိုင်ဖြေယှင်းရမည့် နည်းလမ်းများကို အသေးစိတ် တီဗွီမှတဆင့် ယှင်းပြကြေငြာလာ၏။ ဧရာမငှက်ဆင်ကြီးသည် တနာရီလျင် မိုင် (၂၀၀) ကျော် အမြန်နှုန်းဖြင့် ပေပေါင်းသောင်းချီမြင့်သောအမြင့်သို့ ခုန်ပေါက်ပျံတက်လိုက်၏။ ထိုင်ခုန်နောက်မှီသို့ ကြောမြုတ်လားအောင် ဆွဲယူလိုက်၏။ နှစ်လုံးတဖုန်းဖုန်းခုန်လား၏။ ဂေါင်းမူးလား၏။ ကိုယ်ခန္ဓာ၌ အတွင်းအားမဟိမှန်း သိလိုက်ရ၏။ လိုအပ်သည့် အမြင့်သို့ရောက်သောအခါ ကာလာကတ္တားမြို့အား တပါတ်ဝဲပျံလိုက်ပြီး သူလမ်းကြောင်းအတိုင်း ဦးတည်ပျံသန်းနီ၏။

ဝိတိုရိယပြတိုက် (Victorious Museum)၊ ဟာဝါရာတံထားကြီး (Hawara Bridge)၊ နှင့် တခြားမြတ်နိုးဖွယ်မြင်ကွင်းများအား အထက်စီးမှ လှမ်းမြင်ရ၏။ လီယိုင်မောင်၊ လီယိုင်မယ်များ သည်ရည်သည်ရက်၊ အဖျော်ရည်များနှင့် နတ်သုတ္တာကဲ့သို့မွှီးကြိုင်သော အစားအသောက်များအား မိုးထက်စာစားသောက်ကြရန် ၀ီငှလာကြ၏။ “Sir, breakfast. Would you like to any juice or soft drink?” “A glass of Brandy and one beer, please” မှာလိုက်၏။ ဘရန်ဒီတကျိတ် မျိုသောက်လိုက်သည်။ လေးနှစ်နီးပါး မသောက်မစားဖူသော ဥဏှောက်က ချာလပါတ်လည်လားပါ၏။ တဖြည်းဖြည်းချင်း ဂေါင်းရိုင်မူးလာ၏။ ဘီယာဗူးကို ရှိကခုန်ကပ် စားပွဲခုန်ချေကိုဆွဲထုတ်၍ တင်ထားလိုက်ပြီး အတွေးးနယ်ချဲ့လိုက်၏။

တသက်လုံးမမိ့မပျောက်နိုင်သော အချေခါလူကြီးသူမရို့ပြောစကားကို သတိရလာ၏။ “စိတ္တလင်ကာလက်သမားငါးရာ ငှက်ဆင်လုပ်လို့ ရခိုင်ပြည်ကထွက်ပြီးလားခလီရေလတ်” အဆိုဟိ၏။ “ငှက်ဆင်” ဆိုသောဝေါဟာရကို အချေခါ လုံးစိပါတ်စိနားမလည်ခပါ။ “ငှက်ဆင်” ၏ အဓိပ္ပါယ်ကို ယှင်းပြပါဆိုလျင် ကျန်တော်ရခိုင်သားတယောက်ဖြစ်ကေလေ့ မယှင်းပြတတ်ပါဟု ရိုးသားစွာ ၀န်ခံရပါလိမ္မည်။ ၁၉၉၅ ခုနှစ်က နယူဒေလီ၌ ထရိပူရပြည်နယ်မှ ကျောင်းတက်နီကြသော အိန္ဒိယရခိုင်လူငယ်ရို့နန့် တွိ့ဆုံလိုက်ရသည့်အခါ “ငှက်ဆင်” ဆိုသော ဝေါဟာရကို ယှင်းယှင်းလင်းလင်း သဘောပေါက်လိုက်၏။ “Airplane” ကို ထရိပူရရခိုင်ရို့ ငှက်ဆင်ဟုခေါ်ကြပါ၏။ ရခိုင်ရို့၏ စစ်မှန်သောရခိုင်ဘာသာစကား၊ ဝေါဟာရများသည် အိန္ဒိယရခိုင်သားများ၊ ဘင်္ဂလားရခိုင်သားများကြား၌ ခါးထောက်ရှင်သန်နီကြပါ၏။ သို့သော် ထိုစစ်မှန်သော ရခိုင်ဝေါဟာရများအား ဇာသူတဦးတယောက်မှ စာထက်အက္ခရာ မတင်နိုင်ကြချေ။ ခါးထောက်ရှင်သန်နီသော ရခိုင်ဝေါဟာရ၊ စကားစုများသည် ဟိန္ဒူ၊ ဘင်္ဂလီရို့၏ ၀ါးမျိုမှုလောင်ရိပ်အောက်၌ အချိန်တိုကာလအတွင်း ပျောက်ခြင်းမလှ ပျောက်ကွယ်လားရပါလိမ္မည်။ ထိုနည်းတူ လက်ဟိရခိုင်ပြည်တွင်း၌ သုံးစွဲပြောဆိုနီကြသည့် ရခိုင်ဘာသာစကားကြား၌ ဗမာဝေါဟာရ၊ စကားစုများကို ငှားယူသုံးစွဲနီကြသည်မှာလေ့ လူမျိုးပျောက်ရမည့် အလွန်ကြီးမားသောအန္ဒရာယ်ကြီး တခုပင်ဖြစ်၏။ ကျန်တော်စီးနှင်းလိုက်ပါလာသော လီယိုင်ပျံကို အယင်ကရခိုင်ရို့ “ငှက်ဆင်” ဟု ခေါ်ကြလီဟန်တူ၏။ အကယ်၍ စိတ္တလင်ကာလက်သမားငါးရာရို့၏ ဒန္ဒာရီသည် အကယ်စင်စစ်မှန်ကန်ခပါက စက်ယန္ဒရားဖြင့် ထပျံနိုင်သော “ငှက်ဆင်” သိုမဟုတ် “Air-plane-လီယိုင်ပျံ” ကို ကမ္ဘာမှာ အစောဆုံးတီထွင်ဖန်တီးခသူမှာ ရခိုင်သားဖြစ်နိုင်ဖွယ်ဟိ၏။ ယေကေလေ့သွင့် လက်ဆုတ်လက်ကိုင်ပြန်ရန်ကား ဇာမှာလေး သက်သီအထောက်အထား။

“Hello, good morning passengers. We are flying over New Delhi, the capital of India. We hope you’ve had breakfast. Thanks.” နားဝင်ချိုသာစွာဖြင့် လီယိုမယ်တဦး ကြော်ငြာလိုက်၏။ အို…အေပိုင်နုညံသိမ်မွှီ့ရေ ရခိုင်သူမချေတယောက်ကို ပိုင်ဆိုင်ရကေ ဇာလောက်ကောင်းခီဖို့လေးချင့်။ မယားလိုချင်နီယာလားသိ ငါ။ ကိုယ့်ကိုကိုယ် ပြုံ့မိ၏။

ဆက်မျှော်ပါ။

ခိုင်မြသိန်း (ချောင်းသာကြီး)
Glada Hudik

ရခိုင်သူမချေကြာအိမ်နန်းမှာ ဖြစ်တည်ပါစီ

2011-05-07T14:35:00.000-07:00

ဘုံသုံးဆင့်မှာတည်
ဝိ့ဥာဏ်ပြည်က မင်း
လူဖြစ်ဖို့ မဆင်းသိမ့်လား
သူငယ်ချင်း................။

ဘုန်းကြီးဆွမ်းကို ခိုးစား
သက်မချေတိကို ရဲစားစကားပြော
နီဝင်ကေ ကြက်ခိုးလား
မျောက်နှောင်နှစ်ကောင် ငါ့ရို့
“မောဂ်” ”မောဂ်” မောဂ်” အော်လို့ ထွက်ပြီး
အကြောက်ကြီးရေ ငါ့မှာ
ဝါးတန်းထက်က လူးကျ
စောင်တည်ချောင်းမှာ ရီနစ်ခရေ.........။

“ဟူး....” တကိုယ်လုံး “ချွဲ”
ဗြုန်းခနဲနိုးကျ
အချက်ပြနှုတ်ဆက်လားစွာလာ
ပြတင်းဘောင်တိ “တထိန်းထိန်း” လှုပ်ခပ်
လက်ယပ်ခေါ်နီစွာလာ........................။

ထွက်ကြည့်လိုက်တေ
ဝရံဒါသို့...................။

တိမ်တိုက်တိကင်းစင်
မိုးဂေါင်းကင်လွင့်ပြင်ထဲမှာ
ကြယ်တာယာပတ္တမြားချေတိ တောက်ပ
နွီဦးပေါက်စ လီညှင်းချေတဖြောက်ဖြောက်ထနီရေကြား
စိတ်အာရုံ အခြီဆန့်ပျာ
မင်းနီရာအလွှာသုံးထပ်ကို မှန်းပြီးကေ

“ဘ၀တဖန် လူပြန်ဖြစ်ခါ
ရက္ခဘုံနန်းမှာ ဖြစ်တည်ပါလီ
သူငယ်ချင်း...............” ။

ခိုင်မြသိန်း (ချောင်းသာကြီး)
၀၁၊ ၀၅၊ ၂၀၁၁
Glada Hudik

မထင်မှတ်ဘဲ အိပ်မက်ထဲအလည်ရောက်လာရေ ALP က ဗိုလ်ခိုင်သာအောင်အား ကောင်းရာသုခတိ လားပါစီ။ ခိုင်သာအောင်ရေ ၂၀၀၁ ခုနှစ် ပလက်ဝမြို့နယ် ချင်းလက်ဝ-ကြံခြင်းရွာတိုက်ပွဲ၌ အမျိုးအတွက် အသက်ပီးလားရေ။

ယမာကာ

2011-01-28T14:28:00.000-08:00

ဟုံး...........
ဒေမှာ ငါ့အသက်

ပီး............
အရက်တခွက်.......။

ခြီသလုံးမိုးကြိုးတံ
သဗြီရောင်မျက်နှာ
အသည်းဆန်ခါပေါက်နန့်
သုသာန်ကိုလမ်းဖေါက်
ဆိုက်ရောက်လားပျာ
ဒေ...ရုပ်ခန္ဓာ........။

ခိုင်မြသိန်း (ချောင်းသာကြီး)
၂၈၊ ၀၁၊ ၂၀၁၁
Glad Hudik

ဒုတ်ထောက်မျက်ကန်း

2010-12-29T06:06:00.000-08:00

ရခိုင်စကား ပြောခီမှားလို့
ရခိုင့်စာပီ ဖတ်ခီမှားလို့
ရခိုင့်စာပီ ရွီးခီမှားလို့
မျိုးချစ်မျက်ကန်းရာ ဖြစ်လားခကေ

အသင်္ချီနန့်ကမ္ဘာတသိန်း
မျက်ကန်းမျိုးချစ်ရာ
ဖြစ်ပါလီ.............။

မျက်မှန်အနက်
ဒုတ်ချေတလက်နန့်
သံသရာ ပလတ်ဖေါင်းထက်မှာ
လမ်းလျှောက်နီလီဖို့ယာ
ငါ.................။

ခိုင်မြသိန်း (ချောင်းသာကြီး)
၂၉၊ ၁၂၊ ၂၀၁၀
Glada Hudik

Just I need

2010-12-16T13:53:00.000-08:00

I need not Heaven
I need not Nivanna
Just peace the World

I need not the blessing of God
I need not the bless of Buddha
I need not the blessing of Shiva
Just your deeply blessing of Love

Khine Mra Thein (Choung Tha Gree)

စိတ်ချ

2010-12-16T13:30:00.000-08:00

အေဘ၀
လောကကြီးမှာ
မဆုံရကေလေ့
ကြုံခွင့် တချက်ချေ
ပီးပါ.................။

အေရင်ဖတ်ထဲက အချစ်တိကို
ဖွင့်ဟ အန်ထုတ်ပြီးမှ
ရင်ခုန်သံတဖုတ်ဖုတ်နန့်
နောက်ဆုတ်ကျန်ခမေ
စိတ်ချ...................။

ခိုင်မြသိန်း (ချောင်သာကြီး)
၀၁၊ ၁၂၊ ၂၀၁၀
Glada Hudik

ရှင်သန်နီရေနာကျဉ်းချက်

2010-12-16T13:28:00.000-08:00

မရမက
ရအောင်ကြိုးစားနီစွာက
ဇွဲလုံးလ.....၀ိရိယ......။

နင်
ငါကို အမျိုးဖြှုတ်နှိမ်နင်းနီသမျှ
ငါ့....နာကျဉ်းချက်တိ တဖွဖွရှင်သန်နီသမျှ
ငါ့....ဂေါင်းထောင်ဖို့
ရုံကန်နီဖို့စွာ
သေချာရေ....ကျိန်းသီရေ.........။

ခိုင်မြသိန်း (ချောင်းသာကြီး)
၀၁၊ ၁၂၊ ၂၀၁၀
Glada Hudik

ရက္ခမြီမှာ........

2010-12-16T13:22:00.000-08:00

ငါ့လက်က
ဖေါင်တိန်မှင်စက်
ရခိုင့်စာပီ ထွန်းကားရေးအတွက်
ရီကြိုင်ချေတစက် ဖြစ်ခကေ

ငါ့ဂေါင်းထဲက
စိတ်ကူးစိတ်သန်းချေတိ
ရခိုင်ပြည်သူတိအတွက် ဖြစ်ခကေ

ငါ့ရင်ဘတ်ထဲက
အသည်းနှစ်လုံးတိ
ရခိုင်ပြည်သူတိကို ချစ်ခကေ

ငါ့ခန္ဓာကိုယ်က
ချွဲစက်၊ သွီးစက်
ရခိုင်ပြည်သူတိ လုံချုံဘဲကင်းရေးအတွက်
တပ်ထရံချေက တပ်တိုင်ချေတချောင်း ဖြစ်ခကေ

ငါ့ခန္ဓာ
အချိန်တန်လို့ ပုတ်ပျော့လားခါ
လခြမ်းမြီရိုးမအတွက်
မြီဆီမြီသြဇာရာ ဖြစ်ခကေ

သဂြိုင်္ဟ်လိုက်.......ငါ့ကို
ရက္ခမြီမှာ......................။

ခိုင်မြသိန်း (ချောင်းသာကြီး)
၁၄၊ ၁၂၊ ၂၀၁၀
Glada Hudik

မှားနီရေပါမောက္ခ

2010-12-02T09:47:00.000-08:00

လူမျိုးတမျိုး ရေရှည်တည်တံ့ခိုင်ခန့်ဖိုက
အသိပညာသျှင်၊ အတတ်ပညာသျှင်၊ အနုပညာသျှင်
ဘာသာရေးဂေါင်းဆောင်
နိုင်ငံရေး၊ တော်လှန်ရေး၊ မျိုးချစ်ဂေါင်းဆောင်တိက
အဓိက...............။

တခြားတခြား လူမျိုးတိမှာ
အမျိုးသားစိတ်၊ မျိုးချစ်စိတ်၊ လူမျိုးရေးစိတ်
ရှင်သန်နိုးကြားလာရေး၊ စာပီမြင့်မားလာရေးအတွက်
နိ့ထူးနိ့မြတ်တိမှာ
ကဗျာဖတ်ပြိုင်ပွဲ့လုပ်ကတ်
စာရွီးပြိုင်ပွဲ့လုပ်ကတ်၊ စာစီစာကုန်းပြိုင်ပွဲ့လုပ်ကတ်
မျိုးဆက်သစ်လူငယ်ချေတိကို
မြီတောင်မြှောက်ပီးကတ်၊ လမ်းညွှန်ပြသကတ်နန့်
ပညာသျှင်ပါမောက္ခတိ
တင့်တည်ခန့်ညားလို့.....၊
ဂုဏ်သတင်းတိမွှီးကြိုင်လို့......ကျော်ကြားလို့..........။

ငါရို့
ရခိုင်ပညာသျှင်တိမှာ
နောက်လိုက်ငယ်သားတိကို
”ဗမာစာကိုရွီးဖို့........လက်ထောက်ချ ညွှန်ကြားလို့.......
ဖေါက်သည်ချ သင်ကြားလို..........။”

ထောက်ပြဝေဖန်သူကို ဘဲခေါက်
အမှန်ပြောသူ၊ ရခိုင်စာရွီးသူရို့ကို နောက်ခေါက်၊ မျက်ငြိုခေါက်
ဘွဲထူး၊ ဂုဏ်ထူး၊ ပညာထူးတိနန့်
ဝိုင်း..ခြိမ်းခြောက်လို့........
လူ့အသိုင်းဝိုင်းက မောင်ထုတ်လို့.....
ဂျောင်ပိတ် ၀ိုင်းသတ်လို့.............................။

ကြီးကေ မျှေင်
မြင့်ကေ ဖား
ငယ်ကေ အနိုင်စား
နောက်လိုက်ကြောင်ဖားတိကလေ့
နောက်လိုက်ကောင်း ပီဿလိုက်တေပင်
အများနန့်မိတ်မပျက်ရအောင်
မျက်နှာချိုသွီးပျာ
နီရာထိုင်ကွက်ချေတခု ရရေးအတွက်
စိုစွတ်နီရေမြီကြီးထက်
သတင်းစာခုထိုင်နီရေ................။

ရခိုင့်လူ့အဖွဲ့စည်း အမျိုးသားရေးစိတ် ပြန်လည်ဦးမော့လာရေးက
ရခိုင်စာပီ အဓိကမကျ....လတ်....၊
Communal Spirit လူစုလူဝေးစိတ်ဓါတ်က
အရေးကြီးရေ.....ဆိုကာ....။

ပြောခမေ
“မှားနီရေပါမောက္ခ
Communal Spirit ကို Literary Base မဟိကေ
ပြိုကျတတ်တေ.......။”

“စာပီမဟိရေလူမျိုးတမျိုးစွာ အကွတ်မဟိရေကြမ်းပြင်နန့်တူရေ....။”

“ရီလွတ်ငါးချေပိုင်
ရီမဟိရေကုန်းထက်မှာ အသက်ရှူရကေလေ့
တနားချေရာ..............။”

ခိုင်မြသိန်း (ချောင်းသာကြီး)
၀၃၊ ၁၂၊ ၂၀၁၀
Glada Hudik

စောင့်နီ...နန်း..

2010-11-14T12:52:00.000-08:00

နီအ၀င်ညဇာခမ်း
ပုဇွန်ဆီရောင်သန်းလားကေလေ့
အရောက်လှမ်းလတ်မေ
ပေါက်ပန်းဖြူပင်အောက်က
စောင့်နီ....နန်း.......။

ခိုင်မြသိန်း (ချောင်းသာကြီး)
၁၉၊ ၁၀၊ ၂၀၁၀
Glada Hudik

မြင်းပုနှင့် မြင်းမောင်းသမား

2010-11-14T12:50:00.001-08:00

မြင်းပုတကောင်ကို အ၀ီးပြီးကားလမ်းမကြီးတလျှောက် မောင်းနှင်း၏။ ၀န်တင်ကုန်ကားကြီးတစီး ရုတ်တရက်အနားက ပွတ်မောင်းလားရာ မြင်းပုသည်ကြောက်လန့်၍ ကားလမ်းဘဲဂျောက်ကမ်းဘားသို့ ခုန်ချထွက်ပြီးလား၏။ ကြောက်လန့်ဇောနန့် တိုးထွက်ပြီးနီသော မြင်းပု-ပုတုံးကို နှစ်ခေါက်ချိုးဆွဲကိုင်ကာ ကားလမ်းမကြီးထက်သို့ အားသကုန်ပြန်ဆွဲတင်၏။ မြင်းပုကလည့် လူပါမြင်းလှည်းကိုပါ ဆွဲထွက်ပြီး၏။

ကြောက်ဇောနန့်အတူ တစွတ်ထိုးကမ်းလမ်းမကြီးစောင်းသို့ ထွက်ပြီးယင်းထွက်ပြီးနီသည်ကို လက်လျှော့လိုက်ရသည့် မြင်းမောင်းသမားက “အဝေး.......လတုံး..!..။ ဟိုင်း.....အောင်နိုင်သူ.......သင့်ကြောက်စိတ်ကိုလေ့ အနိုင်ယူပါ..ဟုသိမ့်” ဟု စိတ်ပျက်လက်ပျက် အော်ဆိုလိုက်၏။

“တရိစ္ဆာန်က တရိစ္ဆာန်လားလမ်းထက်မှာရာ မောင်းနှင်းသင့်၏။”

ဘာသာပြန်
ခိုင်မြသိန်း (ချောင်းသာကြီး)
၁၈၊ ၁၀၊ ၂၀၁၀
Glada Hudik

မှတ်ချက်။ ။ Ass ကို ဗမာမှာ မြည်းလို့တွိ့ရပါရေ။ ရခိုင်မှာ ဇာခေါ်လေ မသိပါ။ ယင်းအတွက်နန့် မြင်းပုလို့ ဘာသာပြန်ထားပါရေ။ Ass ကို ရခိုင်ပိုင်ခေါ်စွာကို သိကေတချက် ပြောပီးကတ်ပါ။ အထူးကျေးဇူးတင်လျက်။

အဖြူရောင်ရဲစားစာ

2010-10-17T11:08:00.000-07:00

သို့

....................

လိပ်စာနန့်

မှ

...................

..................

လိပ်စာ

အလယ်မှာ

သလင်ဖြူစာသား

“အဖြူစင်ဆုံးချစ်ပြမေ

ရိုးမြီကျအောင်ထိ”

ခိုင်မြသိန်း (ချောင်းသာကြီး)

၁၀၊ ၁၀၊ ၂၀၁၀

Hudik Glada

ပါရမီဖြည့်ဖက်

2010-09-30T08:09:00.000-07:00

ပါရမီဖြည့်ဖက်ဖြစ်နိုင်ခကေ
ငါ.....ဝေသန္ဒာရာ
တောထွက်တေ
ဈီးခြင်းတောင်းချေကိုထမ်း
လှမ်းပါလတ်ဝေ
မယ်မဒီ........။

ခိုင်မြသိန်း (ချောင်းသာကြီး)
၂၇၊ ၀၉၊ ၂၀၁၀
Glada Hudik

ဝေသန္ဒာရာပြည်ဖုံးကားချပ်

2010-09-30T08:03:00.001-07:00

ဝေသန္ဒာရာ ဓါးဆွဲမိ့ရေ
သားသ္မီးသံယောစိုင်
ဖခင်တယောက်ပီသရေပိုင်
သံလျှက်မာန် ရာဇာသံလေ့ ပီသရေ.........။

ဓါးလွတ်ကျလားရေ နောင်တ
ဘုရားဘ၀ကို
နောက်ဆုတ်လိုက်ရရေပိုင်
မနုဿရဟန္တာအဖြစ်လေ့ ပီသခရေ........။

မယ်မဒီမျက်ရည်
ချောင်းစီးခကေလေ့
ဥပက္ခာတရား
ဇံဝင်စားလားရေခါ
လောကကြီးကို ပြည်ဖုံးကားချ
ကြောခိုင်းထွက်ခွာလားခရေ...................။

ခိုင်မြသိန်း (ချောင်းသာကြီး)
၂၄၊ ၀၉၊ ၂၀၁၀
Glada Hudik

ပုရွက်ဆိတ်နှင့်ဒေါင့်ဒေး

2010-09-30T07:54:00.000-07:00

နီရောင်တောက်ပနီသော မိုးထက်စောစောတခုမှာ ပုရွက်ဆိတ်တကောင် ပေါ့ပါးလျင်မြန်စွာ အစာရှာထွက်လာယင်း လိပ်ပြာအဖြစ်သို့ အသွင်ပြောင်းခါနီးဖြစ်သော ဒေါင့်ဒေးအိမ်နားက ဖြတ်လာ၏။ သက်ဝင်ခါစ ဒေါင့်ဒေးက သူပုတုံးကိုတချက် လှုပ်ယမ်းလိုက်၏။ ပုတုံးလှုယမ်းမှုက ပုရွက်ဆိတ်အား ကဲ့ရဲ့ပြောဆိုရန် ဆွဲဆောင်လိုက်သလိုလို ဖြစ်လီ၏။ “ငရဲကြီးလိုက်တေပင်..။ တရိစ္ဆာန်ဖြစ်ရစွာတောင် ခြီးလက်မစုံ၊ သနားဖို့ကောင်းလိုက်တေပင်...။ ဇာလောက်ရုပ်ဆိုးလိုက်တေ ဘ၀လေးချင့်။ ငါက ထိုနားဒေနား ပြီးလွှားနိုင်ရေ။ ဧရာမကြီးမားရေသစ်ပင်အမြင့်တိကို ပြီးတက်နိုင်ရေ။ နင်ကား အေမရွတ်ခွံချေထဲမှာ ထောင်ကျကျလို့ရာ။ ပုတုံးချေတခုတည်းရာ လှုပ်နိုင်ရေ။ ဘ၀ငရဲဆိုစွာ ယင်းချင့်ရာမနားယေ..။” ဟု ပုရွက်ဆိတ် မျက်မှောင်ကုတ် ပြောလိုက်၏။ ဒေါင့်ဒေးမှာ ပြန်မပြောနိုင်ဘဲ ကြားရုံလောက်ရာ နားထောင်နီလိုက်ရ၏။

သုံးလေးရက်ကြာသောနောက်မှာ ပုရွက်ဆိတ် နောက်တခေါက် အနားကဖြတ်လာသောအခါ မရွတ်ခွံပိုးအိမ်အခွံတခုတည်းရာ ဟောင်းလောင်းတွိ့ရ၏။ ပါတ်ဝန်းကျင်းကိုတချက် သိုင်းဝိုင်းကြည့်လိုက်၏။ ဇာနားရောက်လားခလေ ဒေါင့်ဒေတကောင်း.... စိတ်မှာရည်ရွက်လိုက်၏။ အလွန်လှပသော ရောင်စုံအပြည့်နန့် လိပ်ပြာတောင်ပန်ခပ်နီသော အရိပ်ကြီးတခု ကျလာသည်ကို အလန့်တကြီးတွိ့လိုက်ရ၏။ လိပ်ပြာက ”တချက် ကြည့်စမ်..!..!..! အဆွေသနားရေ ဒေါင့်ဒေးသူငယ်ချင်းပါရာ...။ လျင်မြန်သွက်လက်တေ အဆွေခြီချောင်းတိ ခွန်အားဟိသလောက် ကျနှုပ်ကိုမှီအောင် လိုက်ပြီးကြည့်ပလင်..။ ကျနှုပ်ပြောရေစကားချေတိကို နားထောင်ချင်ကေ ကျနှုပ်ကိုမှီအောင် ချိတ်တက်ပါလတ်...အဆွေ..။“ ဟု ပြောယင်း ဆောင်းဦးပေါက် လီပြေလီညှင်းထဲ ပျံတက်လားလီ၏။

”ရုပ်သွင်ပြင်တိရေ ထင်ယောင်ထင်မှား ဖြစ်စီတတ်၏“

ဘာသာပြန်
ခိုင်မြသိန်း (ချောင်းသာကြီး)
၂၈၊ ၀၉၊ ၂၀၁၀
Glada Hudik

ဥပက္ခာ

2010-09-07T11:22:00.000-07:00

လူချစ်လူခင်

ပွားစီချင်ကေ

မြင်တိုင်းမပြော

နှုတ်၌ငုံလော

စိတ်၌သိုထား

သုခပွားရေ

လူ့ရပ်ပြည်မှာ.........။

ခိုင်မြသိန်း (ချောင်းသာကြီး)

၀၅၊ ၀၉၊ ၂၀၁၀

Glada Hudik

ပြန်ထားခပါ နီသားတကျ

2010-09-07T11:13:00.000-07:00

ဘ၀တပိုင်းကျိုးအောင်ထိ

အထီးကျန်နီသားကျနီရေ

ရီအိုင်ချေတခု

လီဗွီးချေတိ ကျရောက်

ရီကြိုင်ချေတိလေ့

နှောက့်လားခပျာ...........။

အနစ်ထိုင်

ရီကြိုင်ဘ၀

ပြန်ရဖို့က

ကောင်းခက်လားခပျာ.........။

ခိုင်မြသိန်း (ချောင်းသာကြီး)

၀၁၊ ၀၉၊ ၂၀၁၀

Glada Hudik

စစ်သူကြီးယှုံးရေစစ်ပွဲ့

2010-08-22T02:52:00.000-07:00

စစ်သူကြီးရို့မည်သည်

အသက်ကိုရာ အသီခံလားရေ

စစ်ပွဲ့အတွင်းမှာ

ဒူးထောက်၊ လက်မြှောက်သည်ဟူ၍ မဟိ။

ယေပင်ငြားလေ့

သူရို့၏အချစ်ဘုရင်မရှိမှောက်

သန္နဂဗျူဟာပျောက်

ဒူးထောက်၊ လက်မြှောက်ရစမြဲ......။

ခိုင်မြသိန်း (ချောင်းသာကြီး)

၂၁၊ ၀၈၊ ၂၀၁၀

Glada Hudik

သိ-သိလျက်နန့်

2010-08-20T02:10:00.000-07:00

ခြုံမှန်းသိယင့်

ဝင်-၀င်တိုးမိရေ.......။

အပြစ်မှန်းသိယင့်

ကျူး-ကျူးလွန်မိရေ......။

မီးမှန်းသိလျက်

ပိုးဖလံမျိုး

တစွတ်ထိုး......။

ခိုင်မြသိန်း (ချောင်းသာကြီး)

၁၉၊ ၀၈၊ ၂၀၁၀

Glada Hudik

ဇာတိမာန်

2010-08-19T02:19:00.000-07:00

အာားမတန်လို့

မာန်ကို လျှော့ထားရကေလေ့

အမျိုးဂုဏ်ဟန် ဇာတိမာန်ကို

လာမထိကဲ့......။

ဇာမဏီငှက်ရို့မည်သည်

အသက်ကိုရာ အသီခံလားဖို့

အမောက်ကို အကိုင်မခံ......။

ခိုင်မြသိန်း (ချောင်းသာကြီး)

၁၈၊ ၀၈၊ ၂၀၁၀

Glada Hudik

ချစ်လို့ရာ

2010-08-19T02:08:00.000-07:00

ချစ်တေ

နင်၏ပျော်ရွှင်မှုတိကို ချစ်တေ

ဝမ်းမြောက်မှုတိကို သိစီချင်လို့......။

ချစ်တေ

နင်၏၀မ်းနည်းငိုချိုက်သံတိကို ချစ်တေ

မျက်ရည်ပူတိကို ခံစားတတ်စီချင်လို့......။

ချစ်တေ

နင်၏ရယ်မောခြင်းတိကို ချစ်တေ

နှစ်လုံးထဲကခံစားချက်တိကို ထိတွိ့ခံစားတတ်စီချင်လို့......။

ချစ်တေ

နင်၏ကျဆုးံမှုတိကို ချစ်တေ

တိုးတက်အောင်မြင်မှုတိကို ရစီချင်လို့......။

ချစ်တေ

နင်၏ဖရိုဖရဲပျက်စီးမှုတိကို ချစ်တေ

မာန်မာနကိုခ၀ါချ ရိုးကုပ်ကြိုးစားတတ်စီးချင်လို့......။

ချစ်တေ

နင်၏အပြုံ့တိကို ချစ်တေ

နင်စွာ-ငါရာ၊ ငါစွာ-နင်ရာလို့ သိစီချင်လို့......။

ချစ်တေ

နင်၏စိတ်ဆိုးဒေါဿထွက်မှုတိကို အချစ်ဆုံးချစ်တေ

အမြဲ....ငါ့ကို သတိရနီစီချင်လို့......။

လုပ်မိသမျှ အပြုအမူတိက

ချစ်လို့......ချစ်လို့

နင့်ကို ချစ်အားကြီးလို့......။

ခိုင်မြသိန်း (ချောင်းသာကြီး)

၁၅၊ ၀၈၊ ၂၀၁၀

Glada Hudik

ထောင်ဂျောက်

2010-08-19T01:27:00.000-07:00

ထိမ်းချုပ်လို့မရရေ အနန်းတိ

ဖောက်ပြန်တတ်တေ အာရုံခံစားမှု

ရက်စက်တတ်တေ လက်ချောင်းချေတိ

ပြီးကေ

စူးစိုက်ကြည့်တတ်တေ မျက်လုံး

လှပချိုမြီရေ စကားလုံး

နုညံ့သိမ်မွေ့ရေ ယုယမှုတိနန့်

မြှူဆွယ်လိုက်စွာက......

နင့်ရင်ခွင်ထဲ

ပုံလျက်ခြွီကျ

ငါ့အချစ်တိ ရုံးထွက်လို့မရလိုက်ပျာ။

ခိုင်မြသိန်း (ချောင်းသာကြီး)

၀၉၊ ၀၈၊ ၂၀၁၀

Glada Hudik

မျိုးမပျက်ချင်ကေ

2010-08-08T13:20:00.000-07:00

အသားထဲက

လောက်ထွက်လာက

ပြည်ပျက်ရရေ......။

သစ်ဆွီးလာက

ပုလုတ်ကျ

လောင်းပျက်ရရေ......။

သွီးပုတ်လာက

ခန္ဓာကိုယ်ကျ

ဘ၀နိကုန်းချုပ်ရရေ......။

လောက်ကောင်တိကို ထွတ်

ပုလုတ်တိကို ဖြတ်ထုတ်သတ်

သွီးပုတ်တိကို ဖောက်ထုတ်ကတ်......။

ခိုင်မြသိန်း (ချောင်သာကြီး)

၀၄၊ ၀၈၊ ၂၀၁၀။

Glada Hudik

အချစ်ပင်းခူအိမ်

2010-08-06T02:02:00.000-07:00

အငိုက်မိ့ပြီး

ရင်ခုန်မိ့စွာ

ပြန်ဆုတ်ရခက်နီပျာ..............။

ခိုင်မြသိန်း (ချောင်းသာကြီး)

၀၆၊ ၀၈၊ ၂၀၁၀

Glada Hudik

စေတနာ

2010-08-03T13:58:00.000-07:00

ငါ့လက်က

သဇင်ပန်းကို

ဖူးဇာမဆုံ

ကံမကြုံလို့

မပန်ဆင်နိုင်ခကေလေ့

ရခိုင်သားချေတယောက်နန့်ဆိုကေ

ကျေနပ်တေ...............။

ခိုင်မြသိန်း (ချောင်းသာကြီး)

၀၁၊ ၀၈၊ ၂၀၁၀

Glada Hudik

သူနာပြု

2010-07-26T11:01:00.001-07:00

ဇာလေချင့်
ကိုယ်ပူနီသိမ့်ရေ........။

“ဟုံး...တရက်လုံး ခေါ်လားနီပြီးကေ
အေကုမှ.....မလာကဲ့”
တဖက်သို့ လှည့်ထွက်
မျက်ရည်စက်တိလေ့ ၀ပ်လို့.........။

ဆီးဝယ်ခရေ
“မသောက်.........”
ငေါက်ထားလိုက်တေဝေ........
ဒေါသသည် တချက်
အချစ်သည် တသက်လတ်
ဆီးသောက်ကတ်မေ.....နန့်........။

န...ဟီး....ဟယ်.........
မသောက်......ဆို...လို့....ပင်.........။

ဒေါက်....ဒေါက်....ဒေါက်...
တံခါးခေါက်စွာလာ.........။

“အုံ......ကျန်တော်
နီမကောင်းသူကို
ဆီးလာတိုက်စွာပါ..........။”

“အို....ဟုတ်လာ............။”

ခိုင်မြသိန်း (ချောင်းသာကြီး)
၂၁၊ ၀၁၊ ၂၀၁၀

ကြည့်ချင်ရေ

2010-07-19T02:10:00.000-07:00

ရခိုင့်ရိုးရာဝတ်စုံ

ပက်ခုံးစုံမှာ

ကိုယ်ရုံတင်လို့

မြင်ချင်ရေ..........။

ဝေသာလီဘယတ်

သဇင်ပန်းကို

ဆံထုံးမှာချပ်လို့

မြင်ချင်ရေ.........။

ဆွမ်းအုပ်ခါးတင်

သဒ္ဒါရွှင်

ကျောင်းဝင်လမ်းမှာ

မြင်ချင်ရေ........နှမ။

ခိုင်မြသိန်း (ချောင်းသာကြီး)

၁၈၊ ၀၇၊ ၂၀၁၀

Glada Hudikစစစ

မျှော်နီသည်

2010-07-14T12:40:00.000-07:00

“သူ......မလာလည့်

စောင့်နီပါသည်”

online ရိပ်ခို

ရွှီကျီညို

ခွန်းချိုစကား ပြောပီးပါ......။

ခိုင်မြသိန်း (ချောင်းသာကြီး)

၁၃၊ ၀၇၊ ၂၀၁၀

Glada Hudik

ဗဟုဝှဒ်ချစ်သူ

2010-07-06T04:03:00.001-07:00

ရာဇပလ္လင်လုလို့

တိုင်းပျက်ရရေပိုင်

အချစ်ဇံဝင်ယစ်မူးလို့

လင်္ကာဒီပ ပြည်ပျက်ခရရေ.......။

မချစ်ပါဆို သီတာပျိုက

စိတ်တွင်ဝယ်ဆို သစ္စာမာဏ္ဍိုင်စကား

“သင်ကား.....နီညှိုသက်ပျောက်

တွင်းရောက်အောင်ထိ ချစ်ခပါ၏.......

သင်၏မောတ္တာ ငါ့ရင်ထဲမှာ

ဟိလီပါက ခဲသားရွီးရာ

ရုပ်လုံးပေါ်စေသတည်း.....”

ဒသဂီရိရုပ်လုံး အံဖုံးမှာဆွဲ

တိုင်းခန်းလှည့်လည်ဆဲ ရာမ

တဒင်က နင်းမိခလို့

ခြီဖ၀ါး မီးထတောက်ရရေ.........။

ခိုင်မြသိန်း (ချောင်းသာကြီး)

၀၃၊ ၀၇၊ ၂၀၁၀

Glada Hudik

လွတ်မြောက်ခြင်း

2010-06-15T01:39:00.000-07:00

စာပီမျက်စိ

အလင်းထိသော်

ပွင့်လင်းလာမည်

မိုးသောက်ရောင်နီ

ရောင်နီမိုးသောက်

အာရုံရောက်သော်

လွတ်မည်ဒုက္ခ

သူကျွန်ဘ၀က.........။

ခိုင်မြသိန်း (ချောင်းသာကြီး)

၁၂၊ ၀၆၊ ၂၀၁၀

ရီအီးတခွက်ပီး

2010-05-06T02:41:00.000-07:00

ညသန်းခေါင်ယံမှာ

အချစ်မုန်တိုင်းတိုက်

ငါ့နှစ်လုံးသား

ရီနစ်နီရေ...........။

ယင်းနောက်

သစ္စာတရားကိုဖြားရီသတ်

အသဲနှစ်လွှာမှာဆားဝပ်

ဟူး............ရင်ပူရေ

ရီအီးတဖလားပီး ညီမချေ။

ခိုင်မြသိန်း (ချောင်းသာကြီး)

၀၆၊ ၀၅၊ ၂၀၁၀

Glada Hudik

မြီစာကြီနီရရေနှစ်လုံးသား

2010-05-04T11:09:00.000-07:00

လီညှင်းချေ လှုပ်ယမ်းလိုက်စွာနန့်
နင့်ပင်လယ်ပြင်က
လှိုင်းလုံးချေတိလှုပ်ရွ
ငါ့နှစ်လုံးသားကမ်းမြောင်က
မြီစာကြီနီရရေ ညီမချေ။

ခိုင်မြသိန်း (ချောင်းသာကြီး)
၃၊ ၀၅၊ ၂၀၁၀
Glada Hudik

ကပ်ပီယ မင်းမျှောင်

2010-03-17T10:19:00.000-07:00

ကျပ်ပီးလို့ “ရွဲ” ပြန်မရရေလူကို

ယောက္ဖခေါ်နီရစွာက ငါရို့ဘ၀........။

ဆီမာန်းမပါ ပြင်ဖြူသဲပွင့်ပြာပြာ

မကျက်တကျက်အုပ်ခဲတိနန့် ရောတည်ဆောက်

ရခိုင်ပြည်မှာ ဘုရားတုတိ မှိုရ်ပိုင်ပေါက်နီကတ်တေ

ဇိတင်ယင့်လေ....ဇိတင်ယင့်..........။

ရွှီပရဗိုက်၊ မြ၊ စိမ် ဘုရားရုပ်ထုတိ ဗမာပြည်ကိုရောက်

မဟာကျိမ်ဘုရားလေ့ ရန်ကုန်မှာသိမ်ဆောက်တေ

သဓု....သာဓု....သာဓု.....မြောက်ပါ၏....ဘုရား.....။

ဥစ္စဓနကြွယ်ဝလာသူများ

ရန်ကုန်ကို ပြောင်ရွှိ့လား

မျိုးရော၊ ယိုင်ကျေးမှုရော

ကပ်ဖားနီရရေ ရခိုင်သူမချေ၊ ရခိုင်သားချေရို့.........။

လိုတိုင်းရ ရဟန်ကြီးများ အဋိတ္ထံ

ဝိုင်းရံကတ်တေ လူချမ်းသာရို့

အတ္တကောင်းကျိုး ကိုယ့်ကောင်းကျိုး...................။

ခိုင်မြသိန်း (ချောင်းသာကြီး)

၁၆၊ ၀၃၊ ၂၀၁၀။

Glada Hudik, Sweden

သူနာပြု

2010-02-10T10:17:00.000-08:00

ဇာလေချင့်
ကိုယ်ပူနီသိမ့်ရေ........။

“ဟုံး...တရက်လုံး ခေါ်လားနီပြီးကေ
အေကုမှ.....မလာကဲ့”
တဖက်သို့ လှည့်ထွက်
မျက်ရည်စက်တိလေ့ ၀ပ်လို့.........။

ဆီးဝယ်ခရေ
“မသောက်.........”
ငေါက်ထားလိုက်တေဝေ........
ဒေါသသည် တချက်
အချစ်သည် တသက်လတ်
ဆီးသောက်ကတ်မေ.....နန့်........။

န...ဟီး....ဟယ်.........
မသောက်..........ဆို.....လို့.....ပင်.........။

ဒေါက်....ဒေါက်....ဒေါက်...
တံခါးခေါက်စွာလာ.........။

“အုံ......ကျန်တော်
နီမကောင်းသူကို
ဆီးလာတိုက်စွာပါ..........။”

“အို....ဟုတ်လာ............။”

ခိုင်မြသိန်း (ချောင်းသာကြီး)
၂၁၊ ၀၁၊ ၂၀၁၀

ရင်ခွင်

2010-02-06T10:08:00.000-08:00

လမင်းကြီးကို လက်ညှိုးထိုးပြ

ကြယ်တာယာတိကို မှန်းဆ
ပျော်ကြီးဝနီခရေ...........ငါ
တခိ့ခိ့ အရယ်ကြူး
အူတက်အောင်မြူးခရေ
ယင်း....ရင်ခွင်ထဲမှာ.....................။

ဆံပင်ညိုတိကို ကုတ်ဆွဲ
အင်္ကျီတိကို ဆုတ်ဖြဲ
ရင်သားထဲ လက်ထိုးနှိုက်
အလိုလိုက်မခံရကေ.......ငါ
တအာအာ ငိုကြီးကျ
အငြိုးကြီး ငိုပြခရေ
ယင်း....ရင်ခွင်ထဲမှာ.....................။

အလိုမကျက
ရင်ဖတ်ကို ကျောက်
မိတ်ကို ခြီနန့်ထောက်ခါထောက်
လမ်းလျှောက်လို့ သာခြင်းဆိုလဲ
တရီးတမောမကျကေ.....ငါ
တီတီတာတာ ပလီပလာ စကားများ
သီးပေါက်ထားခရေ
ယင်း...ရင်ခွင်ထဲမှာ......................။

ခိုင်မြသိန်း (ချောင်းသာကြီး)
၎၊ ၂၊ ၂၀၁၀
Glada Hudik
Sweden

ဖုန်းကွယ်ခံကျွန်ပုန်းကိုလိုနီ (Hidden Colony)

2010-01-27T08:27:00.000-08:00

“ကိုလိုနီ” (Colony) ဆိုလျင် အင်အားကြီးနိုင်ငံတခုက တခြားအင်အားငယ်နိုင်ငံတခုကို (သို့မဟုတ်) နိုင်ငံအများကို သဘောတူသည်ဖြစ်စီ၊ မတူသည်ဖြစ်စီ စစ်ရေးအရကျူးကျော် ၀င်ရောက်သိမ်းပိုက်ပြီး အချုပ်အချာကိုထိမ်းချုပ်ကာ လက်အောက်ခံနိုင်ငံပြုလုပ်သည်ဟု ယေဘူယနားလည်ကြသည်။ “ကုန်ကြမ်းထုတ် ကုန်ချောယူ” ဆိုသည့် စီးပွားရေအရသော်၎င်း၊ စစ်ရေးအရ “အစောင့်ယှောက်ခံနိုင်ငံ” အဖြစ်၎င်း၊ သို့မဟုတ် “ရှိတန်းစစ်စခန်း” အဖြစ်၎င်း၊ နှစ်ခုစလုံးအတွက်သော်၎င်း၊ နိုင်ငံတကာနယ်ချဲ့များ ကျင့်သုံးခသည့်နယ်မြီများဖြစ်သည်။

ယိုင်ကျေးသောနယ်ချဲ့များသည် မိမိရို့အကျိုးအမြတ်ရဟိရေးအတွက် နယ်ချဲ့ခံနယ်မြီးများ တိုးတက်ရေးကို အာရုံစိုက်ခကတ်သည်။ လမ်းပန်းဆက်သွယ်ရေး၊ ပညာရေး၊ အုပ်ချုပ်ရေး၊ ကုန်သွယ်ရေး၊ ယိုင်ကျေမှု၊ အဖက်ဖက်မှ ဒေသခံများတိုးတက်အောင် ဖန်တီးခကတ်သည်။ ဒေသခံအလိုတော်ဟိများ တိုးတက်လီ နယ်ချဲ့များအမြတ်ရလီ။ တချိန်တည်းမှာ အလိုတော်ဟိမဟုတ်သော ဒေသခံများ အမြင်ကျယ်လာလီ လွတ်လပ်ရေးတိုက်ပွဲများ ပေါ်ထွက်လာလီ ဖြစ်၏။

ယင်းကြောင်း မတိုးတက်သောဒေသများမှာ ဒေသငယ်မှဒေသကြီးသို့၊ မြို့ပြနိုင်ငံမှ အမျိုးသားနိုင်ငံအဆင့်သို့ မြင့်မားခကတ်ရသည်။ လွတ်လပ်သောအမျိုးသားများနိုင်ငံ၊ ဓနသဟာယနိုင်ငံ၊ အစောင့်ယှောက်ခံနိုင်ငံများ ပေါ်ထွန်းလာကြသည်။ မတူကွဲပြားခြားနားသော ယိုင်ကျေးမှု၊ ရိုးရာဓလေ့များ၊ လူနည်းစုများ ရှင်သန်တည်တံ့ရေးကို အလေးပီးခသည်။ ကောင်းကျိုးများဟိခသလို၊ ဆိုးကျိုးများလည်း အမြောက်အများဟိခပါ၏။ နယ်ချဲ့ခံနိုင်ငံများ၏ လူသားအရင်းမြစ်များ၊ သဘာဝအရင်းအမြစ်များကို နယ်ချဲ့နိုင်ငံများက သူရို့အကျိုးအမြတ်အတွက် ဘက်စုံအသုံးချခကတ်သည်။ နယ်မြီများကိုမူ ဒေသခံပြည်သူများ ဆန္ဒမပါဘဲ သူရို့အုပ်ချုပ်ရလွယ်အောင် အခြမ်းခြမ်းစိတ်ဖြာကတ်သည်။ စိတ်ပိုင်းဆိုင်ရာများကို ကိုလိုနီကျွန်စိတ်များ သွတ်သွင်းထားခကတ်သည်။ နယ်ချဲ့များကို အသျှင်သခင်များဟု အမြင်ရောက်စီအောင်လုပ်ကြသည်။ တော်လှန်လိုစိတ်များ ကင်းမဲ့အောင်ဖန်တီးထားကြသည်။ ၁၉၆၀ ခုနှစ်မှာ ကမ္ဘာ့ကုလသမဂ္ဂက နိုင်ငံတကာနယ်ချဲ့စနစ် (International Colonialism) ချုပ်ငြိမ်းလားပျာဟု ကြေငြာလိုက်ချိန်မှာ မလွတ်လပ်သိမ့်သော လွတ်လပ်ရေးတိုက်ပွဲဝင်နိုင်ငံများအတွက် အကျပ်ရိုက်လားရသည်။ ယင်းအချိန်မှာ ကမ္ဘာကြီး၌ အုပ်စု (၃) စု ခွဲထားသည်။ အရင်းသျှင်ကမ္ဘာကို ပထမကမ္ဘာ၊ (1^st World)၊ ဆိုချယ်လစ်ကမ္ဘာကို ဒုတိယကမ္ဘာ (2^nd World)၊ လွတ်လပ်စနိုင်ငံများကို တတိယကမ္ဘာ (3^rd World) ဟူ၍ ခွဲခြားထားခကတ်၏။

သို့သော် လွတ်လပ်စကမ္ဘာအတွင်း (နိုင်ငံများအတွင်း) မလွတ်လပ်သိမ့်သောအမျိုးသားများ မြောက်များစွာဟိနီသိမ့်သည်။ သမိုင်အရ ကိုယ့်မင်းကိုယ့်ချင်းနှင့် နီလာသောအမျိုးသားများကို ပြည်သူ့ဆန္ဒမပါဘဲ ကမ္ဘာ့နယ်ချဲ့များက ဤတတိယကမ္ဘာအတွင်း ထည့်သွင်းထားခကတ်၏။ သူရို့သည် မလွတ်လပ်သိမ့်သော ကိုလိုနီများဖြစ်ကြသည်။ သို့သော် ကမ္ဘာ့ကိုလိုနီစနစ် ချုပ်ငြိမ်းလားပျာဟု ကြောငြာလိုက်ချိန်မှာ ဒေသန္ဒရကိုလိုနီနယ်ချဲ့များ (Regional Colonists) လက်အောက်မှာ ၄င်းရို့ကျန်ဟိနီခရ၏။

ဤလွတ်လပ်စကမ္ဘာများသည် ကမ္ဘာနယ်ချဲ့များက ဒေသခံပြည်သူများ (၀ါ) လူမျိုးများဆန္ဒကိုမယူဘဲ သူရို့အုပ်ချုပ်မှု အဆင်ပြေမှု၊ နယ်ချဲ့အချင်းချင်းသဘောတူညီမှုများအပေါ် အောက်ခြီခံပြီး နယ်မြီများခွဲခြားမှုအပေါ် လူမျိုးတမျိုးထက်ပို၍နီထိုင်သော တိုင်းပြည်များဖြစ်ကြသည်။ ဤတိုင်းပြည်များတွင် တချို့က လူ့အခွင့်ရေး၊ ဒီမိုကရေစီရေး၊ ကိုယ့်ကြမ္မာကိုယ်ဆုံးဖြတ်ပိုင်ခွင့်ရဟိရေးကို အာမခံချက်ဟိပြီး နိုင်ငံရေးအရ တန်းတူအခွင့်ရေးများဟိသော ဖိုင်ဒရယ်နိုင်ငံအဖြစ်၎င်း၊ ကွန်ဖိုင်ဒရယ်နိုင်ငံအဖြစ်၎င်း တည်ဆောက်နိုင်ကြပြီး၊ ဤအခွင့်ရေးများမပီးသောနိုင်ငံမှာ ဒေသန္ဒရကိုလိုနီစနစ် (Regional Colonialism) ကို ဆက်လက်ကျင့်သုံးလားကြသည်။

သို့သော် ကမ္ဘာက ၄င်းဒေသန္ဒရကိုလိုနီနယ်ချဲများ (Regional Colonists) ကို နယ်ချဲ့များဟု မသတ်မှတ်ကြသဖြင့် သူရို့သည် “ဖုန်းကွယ်ခံ နယ်ချဲ့များ (Hidden Colonists)” ဖြစ်လာကြ၏။ သူရို့လက်အောက်မှာ နယ်ချဲ့ခံအမျိုးသားများသည် “ဖုန်းကွယ်ခံ ကျွန်ပုန်းကိုလိုနီ (Hidden Colony)” ဖြစ်လာကြရသည်။ ဤသည်ကို စတုတ္ထကမ္ဘာ (4^th World) ဟု သတ်မှတ်ရမည်။ အေနိကမ္ဘာတွင် “ကိုယ်စားပြုမခံရသော အမျိုးသားများနှင့် ပြည်သူများအဖွဲ့ (Unrepresented Nations and Peoples Organiztion – UNPO)” သည် စတုတ္ထကမ္ဘာ (4^th World) အဖွဲ့ဝင် ကျွန်ပုန်းကိုလိုနီများအသင်း ဖြစ်သည်။ တမျိုးပြောရပါလျင် မလွတ်လပ်သိမ့်သော ကျွန်ပုန်းကိုလိုနီများ၏ ကမ္ဘာ့ကုလသမဂ္ဂ (Shadowed UN) ဖြစ်သည်။ ဤအ၀ိုင်းအ၀န်းက လွတ်လပ်လားလျင် (UNO) ၏ အဖွဲ့ဝင်ဖြစ်လာရမည်။ ၁၉၉၈ ခုနှစ်တွင် (UNPO) ၏ ကြွေးကြော်သံသည် “လွတ်လပ်သောနိုင်ငံများပြည်ထောင်စု (Federation of Independent State) ဖြစ်လာသည်။ ကျန်တော်ရို့ (NUPA) သဘာပတိကြီး အခင်-မောင်စိန်ညွန့်က ၁၉၉၆ ခုနှစ်မှာ “လွတ်လပ်သောလူမျိုးများ ဆန္ဒအလျောက် ပူးပေါင်းနီထိုင်သော စနစ် (Voluntary Association of Free Nations) ကို ကျင့်သုံးလားမည်ဟု မဟာမိတ်များ (KNU, KNPP, KIO, MNSP, DPNS and PLF) ရို့နှင့် တွိ့ဆုံစိုင်က ပြောကြားဖူးခပါသည်။

အေနိ ဗမာပြည်ထောင်စုခေါ် နိုင်ငံတွင် ချမ်း၊ ချင်း၊ ကချင်၊ ကရင်၊ ကရင်နီ၊ မွန်၊ ရခိုင်ရို့သည် ကျွန်ပုန်းကိုလိုနီများဖြစ်ကြပါသည်။ ဗမာစစ်အာဏာသျှင်သည် နယ်ချဲ့ပုန်း (Hidden Colonist) ဖြစ်သည်။ ဤကျွန်ပုန်းကိုလိုနီစနစ် (Hidden Colonialism) တွင် နယ်ချဲ့စစ်အာဏာသျှင် နအဖ က ဗမာမဟုတ်သောလူမျိုးများကို ဗမာမှုပြု (Burmanization) ရန် အောက်ပါစနစ်များကို ကျင့်သုံးနီသည်။

၁) ဗမာယုံးသုံးအမျိုးသားရေးဝါဒ (Burman Official Nationalism)

၂) ဗမာဒေသကို စီးပွားရေးအရ ဗဟိုပြုဝါဒ (Economic Centralism)

၃) ယိုင်ကျေးမှုအရ ၀ါးမျိုမှု (Cultural Hegemonism)

၎) ကိုလိုနီသွီးသားရောနှောမှု (Colonial Assimilation) များကို ကျင့်သုံးနီသည်။

အကျိုးဆက်အဖြစ် နအဖစစ်အာဏာသျှင်လက်အောက် ကျွန်ပုန်းကိုလိုနီများသည် အောက်ပါ စနစ်ဆိုးအောက်တွင် ဗမာမှုပြုခြင်း (Burmanization) ခံနီရသည်။

၁) တဆင့်ခံလူမျိုးငယ်များ (Sub-nation Status)

၂) ရွှိ့ပြောင်းအလုပ်သမားများ (Migrant Workers)

၃) ယိုင်ကျေမှုဓလေ့ထုံးစံများ ဖျက်ဆီးခံရခြင်း (Cultural Genocide)

၎) လူမျိုးပျောက်ကွယ်ခြင်း (National Extinction or Ethnic Cleansing) အထိ ရောက်လားရမည်။

ဗမာယုံးသုံးအမျိုးသားရေးဝါဒ (Burman Official nationalism)

“ဗမာပြည်သည် တို့ပြည်၊ ဗမာစကားသည် တို့စကား၊ ဗမာစာသည် တို့စာ၊ ဗမာပြည်ကို ချစ်ပါ၊ ဗမာစကားကို လေးစားပါ၊ ဗမာစာကို မြတ်နိုးပါ” ဟူ၍ အုပ်ချုပ်သူ ဗမာပါလီမာန်အစိုးရသော်၎င်း၊ စစ်အာဏာသျှင်အစိုးရသော်၎င်း ကြွေးကြော်ကျင့်သုံးကြပါသည်။ ဗမာပြည်လွတ်လပ်ရေးအတွက် တိုက်ပွဲဝင်နီသည့်ကာလက ဗမာလူမျိုးတရပ်လုံးကို အမျိုးသားရေစိတ်ဓါတ် တက်ကြွစီရန်သုံးခစိုင် မှန်ခသလောက် လွတ်လပ်ရေးရပြီးနောက် ဆက်လက်ကျင့်သုံးခြင်သည် အခြားအမျိုးသားများအား “၀ါးမျိုရေး” မူကို ကျင့်သုံးရာရောက်သည်။ အေနိဗမာမဟုတ်သော အမျိုးသားဒေသများတွင် ဤကြွေးကြော်သံများနှင့်အတူ နအဖစစ်အစိုးရက “ဗမာ” လုပ်နီသဖြင့် ဗမာမဟုတ်သော အမျိုးသားများသည် “လူမျိုးငယ်များ” (Sub-nations) အဆင့်သို့ ကျရောက်ခရသည်။ မိမိရို့၏ယိုင်ကျေးမှုဓလေ့ထုံးစံများ၊ အမျိုးသားလက္ခဏာများ ၀ါးမျိုးခံခရသည်။ အမျိုးသားရေးစိတ်ဓါတ်များ လျော့ကျလာခရသည်။ နောက်ဆုံး မိမိရို့အမျိုးသားကို မြတ်နိုးစိတ်ကုန်ခန်းလာကြသည်။ ဤသည်မှာ မိမိရို့လူမျိုးပျောက်ကွယ်ရမည့်လမ်းကို လက်ပိုက်ထိုင်ကြည့်နီရခြင်းဖြစ်သည်။

ဗမာဒေသကိုစီးပွားရေးအရ ဗဟိုပြုခြင် (Economic Centralism)

လမ်းပန်းဆက်သွယ်ရေးသည် နိုင်ငံတနိုင်ငံ၏ စီပွားရေးအသက်သွီးကြောဖြစ်သည်။ လမ်းပန်းဆက်သွယ်ရေး ဖြတ်တောက်ခံရသော ဒေသသည် စီးပွားရေးပျက်ပြိုရမည်သာဖြစ်သည်။ လမ်းပန်းဆက်သွယ်ရေးကို အမှီသဟဲပြုနီရသော စီးပွားရေးလုပ်ငန်းသျှင်များ စီးပွားပျက်ရသည်။ ယေဇူနှင့် လမ်းပန်းဆက်သွယ်ရေး ကောင်းမွန်သောဒေသသို့ ပြောင်ရွှိ့လားရသည်။ စက်ရုံအလုပ်ရုံမဟိသောဒေသသည် ကုန်ကြမ်းထုတ်၊ ကုန်ချောပို့ခံရသော ကိုလိုနီဈီးကွက်ဖြစ်ရ၏။ ယင်းဒေသမှ ပညာတတ်များသည် အလုပ်လက်မဲ့ဖြစ်ပြီး စက်ရုံအလုပ်ရုံဟိရာဒေသသို့ ရွှိ့ပြောင်းလားရသည်။ အေနိဗမာဒေသကို လမ်းပန်းဆက်သွယ်ရေး အကောင်းဆုံးဖြစ်အောင်လုပ်ထားသည်။ ကုန်ချောစက်ရုံများ ဗမာဒေသတွင် ဗဟိုပြုတည်ဆောက်ထားသည်။ စီးပွားရေးဗဟိုချက်မ ဖြစ်အောင်ဖန်တီးထားသည်။ ဗမာမဟုတ်သော အမျိုးသားများဒေသမှ စီးပွားရေးအဆင်မပြေသူများ၊ အလုပ်လက်မဲ့များ၊ ပညာတတ်များ ဗမာဒေသသို့ မလွဲမယှောင်သာ ရွှိ့ပြောင်းလားခရသည်။ အမျိုးသားများဒေသတွင် လူဦးရည်လျော့နည်းလာရသည်။ ဥဏှောက်ယိုစီးမှုများ ဖြစ်လာရသည်။ အမျိုးသားများဒေသ၌ အတတ်ပညာသျှင်များ၊ အသိပညာသျှင်များ မိမိမြီကိုစွန့်ခွာ လားကြရသည်။

ယိုင်ကျေးမှုအရ ၀ါးမျိုမှု (Cultural hegemonsim)

ဗမာစာကို ယုံးသုံးစာ၊ ဗမာစကားကို ယုံးသုံးစကား၊ ဗမာ့ယိုင်ကျေးမှုကို အမျိုးသားယိုင်ကျေးမှုအဖြစ် အသိအမှတ်ပြုလိုက်ရာမှ တခြားဗမာမဟုတ်သော အမျိုးသားများ၏ စကား၊ စာပီ၊ ယိုင်ကျေးမှုစသော အမျိုးသားစလက္ခဏာများ မှေးမှီလားရသည်။ ယိုင်ကျေးမှုဝါးမျိုခံလိုက်ရသည်။ ဤသည်မှာ လူမျိုးတမျိုး၏ အမျိုးသားရေစိတ်ဓါတ်ကို ချိုးနှိမ်ခံလိုက်ရခြင်းဖြစ်သည်။ မျိုးချစ်စိတ်ဓါတ်ကျဆင်းစီသည်။ အခြားတဖက်မှာ ဗမာပြုခြင်းကို အတင်ကြီးစိတ် ဖြစ်ပေါ်စီ၏။ မိမိလူမျိုးနှင့်ယိုင်ကျေးမှုကို အထင်ငယ်အမြင်ငယ် ဖြစ်စီပါသည်။

ကိုလိုနီသွီးရောနှောမှု (Colonial Assimilation)

ယင်းကဲ့သို ဗမာအမျိုးသားရေးကို ပြည်ထောင်စု၏ ယုံးသုံးအမျိုးသားရေးအဖြစ် ဖန်တီထားခြင်း၊ ဗမာပြည်ကို စီးပွားရေးဗဟိုချက်မ ဖန်တီးလိုက်ခြင်း၊ ဗမာယိုင်ကျေးမှုကို နိုင်ငံတော်ယိုင်ကျေးမှုအဖြစ် သတ်မှတ်လိုက်ခြင်းများသည် ဗမာမဟုတ်သော တခြားအမျိုးသား၏ ဘ၀တည်ငြိမ်မှုကို ပျက်စီးစီသည်။

၎င်းရို့၏ယိုင်ကျေးမှုများကို ၀ါးမျိုးလွှမ်းမိုးလိုက်ခြင်းသည် ထိုလူမျိုးကို ပျောက်ပျက်စီသည်။ အမျိုးသားလူမျိုးများသည် အသိတရားအရသော်၎င်း၊ ရုပ်ဘ၀အရသော်၎င်း၊ ခံစားချက်၊ ခံယူချက်များ ပြောင်းလဲလာရသည်။ အမျိုးသားဘ၀ပျောက်ကွယ်ခရသည်။

ယင်းကြောင်း ကျွန်ပုန်းကိုလိုနီဘ၀ကျရောက်နီရသော အမျိုးသားများ၏ နောက်ဆုံးဘ၀မှာ “လူမျိုးဆိတ်သုဉ်းမှု (၀ါ) ပျောက်ကွယ်မှု” ဖြစ်သည်။ ငါရို့သည် မိမိရို့လူမျိုးဆိတ်သုဉ်းပျောက်ကွယ်ရေး လမ်းကြောင်းမှ ငါရို့လူမျိုးကို ကယ်တင်ရမည်။ ဤလုပ်ငန်းသည် မျိုးဆက်တဆက်ပြီးတဆက် လက်ဆင့်ကမ်းဆောင်ရွက်ရမည့် သမိုင်ပီးတာဝန်ဖြစ်သည်။ ငါရို့သည် နောင်မျိုးဆင်များအား “အချုံးပီးဝါဒ (Defeatism) ကို သမိုင်းဆိုးမွီအဖြစ် မပီးအပ်သင့်။ ငါရို့၏အဖိုးအဖီးများသည် ငါရို့ကို ဤဆိုးမွီများ မပီခ၍ အေနိတိုင် အမျိုးသားဘ၀ အာမခံချက်ဟိမည့် အမျိုးသားရေးတာဝန်များကို ထမ်းဆောင်ရန် တာဝန်ပီးခသဖြင့် ဆက်လက်ထမ်းဆောင်နီခြင်းဖြစ်သည်။ နောင်မျိုးဆက်သစ်များကိုလည်း ဆက်လက်လက်ဆင့်ကမ်းရမည် ဖြစ်သည်။ နိဂုံးချုပ်ရလျင် နိုင်ငံတကာကိုလိုနီစနစ်မှာ လူမျိုးများရှင်သန်တိုးတက်မှုဟိခသလောက် ဒေသန္ဒရကိုလိုနီတွင် တနည်း ကျွန်ပုန်းကိုလိုနီစနစ်တွင် လူမျိုးဆိတ်သုဉ်းမှုကို ဖြစ်ပေါ်စီသည်ဖြစ်၍ ငါရို့အမျိုးသားမပျောက်ပျက်၊ မဆိတ်သုဉ်းရအောင် အမျိုးသားတည်တံ့ရှင်သန်ရေးအတွက် ငါရို့နှင့်တကွ နောင်မျိုးဆက်များသည် အဆပေါင်းများစွာ ဆက်လက်တိုက်ပွဲဝင်ကြရမည်ဖြစ်သည်။ ငါရို့၏အမျိုးသားဘ၀ ရှင်သန်ရေးအတွက် တိုက်ပွဲဝင်ရာတွင် ပထမအဆင့်အားဖြင့် လူမျိုးမပျောက်ရအောင် ဘက်ပေါင်းစုံမှ ခုခံကာကွယ်ရမည်မှာ ရခိုင်သားတိုင်းတာဝန်ဖြစ်သည်။

“ကိုယ့်ကြမ္မာကိုယ်ဆုံးဖြတ်ဖန်တီးခွင်မဟိသော လူမျိုးတမျိုးသည် ဂုဏ်ကျက်သရည်လည်းမဟိ၊ တန်းတူရေးလည်းမဟိ၊ အမျိုးသားဘ၀လုံခြုံမှုနှင့် နယ်မြီတည်တံ့ခိုင်မြဲရေးလည်း အာမခံချက်မဟိ။”

(မှတ်ချက်။ ။ စိတ်ပိုင်းဆိုင်ရာ၊ ရုပ်ပိုင်းဆိုင်ရာ “ဗမာ” မှုပြုခံရသော ရခိုင့်လူအဖွဲ့စည်း၏ ဖြစ်ရပ်မှန်များ။

၁) အယင်ကာလက ရခိုင့်လူ့အဖွဲစည်းမှ ရခိုင်ရို့သည် ရခိုင်ပြည်တွင် အလုပ်လက်မဲ့ဘ၀ကို ဖြေယှင်းနိုင်ရန်အတွက် ရွင်ဂျာ (Migrants) ဘ၀ဖြင့် စီးပွားရေးဗဟိုချက်မအဖြစ် ဖန်တီးထားသော ဗမာဒေသသို့ မလွဲမယှောင်သာ ပြောင်းရွှိလားကြရသည်။ သူရို့သည် မည်သည့်နီရာသို့ပင်ရောက်ရောက် အိမ်ထောင်ပြုချိန်ရောက်လျင် မိမိရို့ဆွေမျိုးသားချင်းသော်၎င်း၊ မိမိရပ်ရွာမှသော်၎င်း လားရောက်အိမ်ထောင်ပြုလေ့ ဟိကြသည်။ လူမျိုးခြား၊ ဘာသာခြားများကို အိမ်ထောင်ပြုလေ့ မဟိ။ ယှားယှားပါးပါး အိမ်ထောင်ပြုမိခလျင်လည်း ၄င်းမိသားစုသည် ရခိုင်မိသားစုသာဖြစ်ခရပါသည်။ အေကုကာလတွင်ကား လုံးဝပြောင်းလဲလားပျာဖြစ်၏။ ရခိုင်-ချမ်း၊ ချင်း-ရခိုင်၊ မွန်-ရခိုင်၊ ရခိုင်-ကယင်၊ ရခိုင်-ဗမာ စသည်ဖြင့် အိမ်ထောင်ပြုမိခလျင် ရလာသောသားသမီးများမှာ ဗမာဖြစ်လားရသည်။ ယင်းထက်ဆိုးဝါးသည်မှာ အမိရခိုင်-အဖရခိုင်ဖြစ်လျက် “ကျွန်တော်ဗမာ” ဖြစ်နီကြပါ၏။ မိဖများထိမ်းသိမ်းမှု အထူးအရေးကြီးလာသည်။

၂) အယင်က ရခိုင်ရို့သည် မိမိဘာသာစကားကို အမြတ်တနိုးတန်ဘိုးထား ပြောကြသည်။ သားသမီးများကို အပြင်တွင်ဗမာစကား သို့မဟုတ် တခြားဘာသာစကား ပြောချင်သလောက်ပြော ပြဿနာမဟိသော်လည်း အိမ်ကိုရောက်လျင် ရခိုင်စကား (မိခင်စကား) ကိုသာ ပြောစီသည်။

အေကုမူ သားသမီးများဗမာစကား (၀ါ) ဘာသာခြားစကားကို အိမ်တွင်းပြောနီသည့်အခါ နားထောင်ကောင်းသလိုလို မိဖများကလိုက်ပြောကြသည်။ မိဖိများကိုယ်တိုင် ဘာသာခြားစကားကို လိုလိုချင်ချင် ပြောနီကြသည်။ တချို့ဆိုလျှင် ရခိုင်ပြည်မှဗမာပြည်ဖက်ကူးသည်နှင့် ရခိုင်စကားမပြောတတ်ပါပျာ။ ယင်းထက်ဆိုးသည်မှာ ရခိုင်အသံနှင့်ထိန်း၍မရ၊ ဗမာအသံဖြင့် ထိန်းမှရသည့် အဆင့်ဖြစ်နီပါသည်။

၃) စာပီနှင့် ပါတ်သက်လာလျှင် အေနိ့ဗမာစာသည်ပင်လျင် ရခိုင်စာဖြစ်နီသည်။ ဗမာစာမူလသည် ရခိုင်စာဖြစ်သည်။ မြစေတီကျောက်စာက သက်သီပြနီပါသည်။ (သို့သော် လက်ဟိမြန်မာစာသည် ဗမာဝေါဟာရ လွှမ်းမိုးထားသည်)။ အယင်က ရခိုင်ပြည်တွင်း မြန်မာစာကိုပြလျင် ရခိုင်ရို့ရခိုင်အသံနှင့် ဖတ်ကြပါသည်။ ဗမာဆရာ၊ ဆရာမများ (၂) လ (၃) လ အကြာတွင် ရခိုင်ဆရာ၊ ဆရာမများ ဖြစ်လားကြရသည်။ အေကုမူ ရခိုင်ပြည်တွင်း “မြန်မာစာ” ကို “ဗမာအသံ” ဖြင့် ဖတ်ရမည်ဟု နအဖ က အတင်းအဓမ္မခိုင်းစေလာသည်။ ဤလုပ်ရပ်အားလုံးသည် “ဗမာမှု” ပြုခံနီရသော ရခိုင်သားရို့၏ ဘ၀မှန်ဖြစ်သည်။ ကျွန်ပုန်းကိုလိုနီဘ၀ နောက်ဆုံးလားရာလမ်းသည် “ရခိုင်လူမျိုးဘ၀” ပျောက်ကွယ်ရေးပင်ဖြစ်သည်။

စည်းရုံးရေးနှင့်ပြန်ကြားရေဌာန

ရခိုင်ပြည်အမျိုးညီညွတ်ရေးပါတီ (NUPA)

ဘာသာရေးဆိတ်သုန်မှုနှင့် မြန်မာမှုပြုခံရခိုင်စာပီ

2009-12-03T04:51:00.000-08:00

ဘာသာရေးဆိတ်သုန်မှုနှင့် မြန်မာမှုပြုခံရခိုင်စာပီ

သမုဒ္ဒရာ၊ တောတောင်ရီမြီ၊ လီ၊ သြကာသလောက ဖြစ်ပေါ်ခပြီး သက်ဟိသတ္တ၀ါ၊ လူတရိစ္ဆာန်အစဟိသည်ဖြင့်ပေါ်ထွန်းခသည့် သတ္တလောကကြီးကိုသင်္ခါရလောက၏ ပြုပျင်ပြောင်းလဲ စီမံဖန်တီးမှုမှာ နှစ်ပရိစ္ဆေဒ အသင်္ချအသင်္ချာ ကြာမြင့်ခပါသည်၊၊ အသိညာဏ်ဟိသော လူသတ္တာဝါရို့ လောကသုံးပါးကို စိုးမိုးခကာ လူသားရို့၏ယိုင်ကျေးမှုကို တည်ဆောက်ခပါသည်၊၊ ခေါမ၊ ရောမခေတ်များမှ အနောက်တိုင်းယိုင်ကျေးမူ၊ အရှိတိုင်း ယိုင်ကျေးမှုများ ဖြစ်ထွန်းရန်ကျောက်ခေတ်၊ သံခေတ်စသဖြင့် ခေတ်ပေါင်းများစွာကို ဖြတ်သန်းလာခရပါသည်။ ထိုသို့ ဖြတ်သန်းလာခရာ၌ လွန်ခရေ နှစ်ထောင်စုကာလအတွင်းများမှာ လူ့ယိုင်ကျေးမှုသည်သိသာထင်ရှားစွာ တိုးတက်ခပါသည်၊၊

ဗုဒ္ဓပွင့်တော်မူခြင်း၊ ခရစ်တော်မွီးဖွားခြင်းစသော ဘာသာအယူဝါဒများသာမက လူမူရေး၊ နိုင်ငံရေး၊ ဘာသာရေး၊ စာပီယိုင်ကျေးမှုများလည်း လွန်ခရေထောင်စုနှစ်များကာလအတွင်း အောက်ခြီတည်ခပေသည်၊၊ ယင်းအောက်ခြီစတည်ခသည်နှင့်အတူ ရခိုင်နိုင်ငံသည်လည်း

ကျောက်ခေတ်မှသည် လူသားရို့စိုက်ပျိုးခြင်း၊ ချက်ပြုတ်စားသောက်ခြင်း၊ ကိုးကွယ်ယုံကြည်ခြင်းအထိ ယိုင်ကျေးနီကြသည့် အထောက်အထားများကို တွိရပါသည်၊၊

ဒွါရ၀တီသံတွဲပင်ဖြစ်ပါသည်။ လွန်ခရေ နှစ်ထောင်စုများစွာကပင် ရခိုင့်နိုင်ငံသားရို့ မြို့ပြကျွန်းရွာများဖွဲ့စည်းကာ ဘုရင်များအုပ်ချုပ်သောနိုင်ငံ တည်ထောင်ခပါသည်၊၊

ရခိုင့်နိုင်ငံအဖို့ကား ဗုဒ္ဓဘုရား သက်တော်ထင်ရှားဟိစိုင်က ဓည၀တီခေတ်၊ စန္ဒသူရိယမင်းလက်ထက် ဘုရားသျှင်အားပင့်ဖိတ်၍ ဗုဒ္ဓမြတ်စွာဘုရားသျှင်သည် ရခိုင်ပြည်သို့ကြွရောက်ကာ မဟာမုနိရုပ်ထုတော်အားသွန်းလုပ်ရန်ခွင့်ပြုတော်မူခလီပါသည်၊၊

သင်္ခါရမတည်မြဲခြင်းတရား၊ ဗုဒ္ဓ၏အဘိဓမ္မာကိုနာယူကာ ကနိထိတိုင် ခိုင်လုံသောဗုဒ္ဓဘာသာ ယိုင်ကျေးမူကိုရဟိခပါသည်၊ ဗုဒ္ဓဘာသာနှင့်အတူ စာပီယိုင်ကျေးမှုမှသည် ပိသုကာအတတ်၊ ပညာရပ်များအထိ တိုးတက်ဖွံွ့ဖြိုးလာခပါသည်၊၊ စန္ဒသူရိယခေတ်မှစတင်ကာ ဓည၀တီ၊ ဝေသာလီ၊ လေးမြို့၊ မြောက်ဦးခေတ်အထိစီးပွားရေး၊ နိုင်ငံရေး၊ လူမှုရေး၊ စာပီယိုင်ကျေးမှုမှာ

အထွတ်ထိပ်သို့ရောက်ဟိခပါသည်၊၊ သို့သော်မြောက်ဦးခေတ်နှောင်းပိုင်းမှာကား တိုင်းတပါး၏ယုတ်မာမှုကြောင့် ပျက်စီးခြင်းမလှပျက်စီးခရပါသည်၊၊

ရခိုင်နိုင်ငံတော်သည်ဤကဲ့သို့ သမိုင်းအမွီအနှစ်များနှင့်အတူ တခေတ်ပြီးတခေတ် နိုင်ငံရေး၊ စီးပွားရေး၊ လူမူရေး၊ စာပီယိုင်ကျေးမှု ဖံြွ့ဖိုးတိုးတက်ခသည်ကို ရခိုင်ပြည်သူ ပြည်သားများအားလုံး အသိပင်ဖြစ်ပါသည်၊၊ ကမ္ဘာ့ပြည်သူများလည်းသိကြပါ၏၊၊

ကနိကမ္ဘာ့အလယ်တွင်လူမျိုးတမျိုးသည် လွတ်လပ်သောလူမျိုးတမျိုးအဖြစ် ဆက်လက်တည်တံ့ခိုင်မြဲလိုလျှင် မိမိရို့၏ဘာသာတရား၊ နောက်ခံသမိုင်း၊ စာပီယိုင်ကျေးမူများကို မိမိရို့ဆင့်ပွားသိနားလည် ချစ်မြတ်နိုးရန်လိုအပ်ပါသည်၊၊ သိနားလည်နိုင်အောင်လည်း ကြိုးစားအားထုတ်ကြရမည် ဖြစ်ပါ၏။ ထို့ကြောင့် မိမိရို့၏စာပီ၊ ဘာသာတရား၊ ယိုင်ကျေးမှုသမိုင်းများကို သိနားလည်ချစ်မြတ်နိုးရန်မှာ ရခိုင်သားအားလုံး၏ အလွန်အရေးကြီးသော တာဝန်ကြီးတရပ်ဖြစ်ပါသည်။

ရခိုင်လူမျိုးရို့မှာလည်း ရခိုင်နိုင်ငံတော်နှင့်ရခိုင်လူမျိုးကို ကမ္ဘာ့အလယ်တွင် တင့်တယ်ထည်ဝါစွာ မြင်လိုကြားလိုပါလျှင် မိမိရို့၏စာပီ၊ ဘာသာတရား၊ ယိုင်ကျေးမှုသမိုင်းကို ရခိုင်သူရခိုင်သားရို့ ထုတ်ဖော်ရွီးသားကြရန်၊ သိနားလည်ရန် ကြိုးစားအားထုတ်ကြရန် လိုအပ်ပေသည်၊၊ ထိုသို့ဖြစ်ပေါ်လာစီရန်လည်း ရခိုင့်စာပီပညာသျှင်များနှင့် ရခိုင့်တော်လှန်ရေး ဂေါင်းဆောင်ကြီးများ (၀ါ) ရခိုင့်မျိုးချစ်ပြည်ချစ်များမှာ ပို၍တာဝန်ဟိပါသည်။

ရခိုင်စာပီယိုင်ကျေးမှုကိုမှ ရခိုင်မျိုးချစ်ပြည်ချစ်ဂေါင်းဆောင်ကြီးများက တန်ဘိုးမထား၊ မချစ်မမြတ်နိုးလျှင် ဇာပိုင် မျိုးချစ်ပြည်ချစ်ဂေါင်းဆောင်ဟု အကျွန်ုပ်ရို့ခေါ်ဆိုနိုင်ပါမည်နည်း။ (အမျိုးသားစည်းလုံးညီညွတ်မှု) ဆိုပျာာ စကားလုံအလှပလှချေသုံးပြီး

မိုးဦးကျဖားချေတိပိုင် လိုင်ကြောတင်းအောင် ငြင်းနီကတ်တေရခိုင်အမျိုးသား တော်လှန်ရေးဂေါင်းဆောင်တချို့ကိုလည်း တွိဖူးပါသည်။ သူရို့သည် (ရီမချိုးဘဲ သနပ်ခါးနှိမ်းထားသော တလင်ကွာမဆမနှင့် ထပ်တူဖြစ်၏)။ ယင်းပိုင်အရည်အချင်းညံ့ဖျင်းသော နိုင်ငံရေးဦးဆောင်မှုနှင့် ဇာပိုင် အမျိုးသားစည်းလုံးညီညွတ်မှုကို တည်ဆောက်၍ ရနိုင်ပါမည်နည်း။ ရခိုင်စာပီမထွန်းကားသမျှကာလပတ်လုံး ရခိုင်အမျိုးသားစည်းလုံးညီညွတ်မှုကို ဇာခါလည်း တည်ဆောက်၍ ရနိုင်လိမ့်မည်မဟုတ်ပါ၊၊

အေနီရာမှာ စာရွီးသူတစိ့ချေတင်ပြချင်ပါသည်။ စာရွီးသူသည်အိန္ဒိယနိုင်ငံ မီဇူရမ်ပြည်နယ်သို့ (၁၉၉၄) ခုနှစ်တွင် ရခိုင်ဒုက္ခသည်များအရေးကိစ္စကြောင့် လားရောက်ခီပါသည်၊၊ ဗာကိစ္ဆရီဘုန်းကြီးကျောင်း၌ တညဥ့်တည်းခိုနီရာတွင် စောင်တည်တောင်ကျောင်း ဆရာတော်အသျှင်ကြီးကေသရအပါအ၀င် တခြားမိတ်ဆွေပန်းဇင်းပျိုများနှင့် စကားလက်ဆုံကျဖူးခပါသည်။ စကားဝိုင်း၌ ရခိုင်ပြည်ရေ အင်္ဂလိပ်လက်အောက်က၄င်း၊ ဗမာလက်အောက်က၄င်း၊ ပဇာကြောင့် လွတ်လပ်ရေးမရပါသနည်း။ ရခိုင်သူ

ရခိုင်သားသည်၎င်း၊ ရခိုင့်တော်လှန်ရေးသည်၎င်း၊ ဇာကြောင့်စည်းလုံးညီညွတ်မှု ပြိုကွဲနီရသနည်း။ စကားရပ်နှစ်ခုထွက်လာပါသည်။

သူ့အမြင်ကိုယ့်အမြင် ပြောဆိုဆွေးနွေးယင်းနှင့် အဖြေမရဖြစ်နီပါသည်၊၊ စာရွီးသူသည် ရခိုင်ပြည်၏ ဘာသာတရားဆိတ်သုန်နီမှု၊ ရခိုင်စာပီမထွန်းကားမှုကြောင့် ရခိုင်သားကရခိုင်သားကို အသိအမှတ်မပြုမှု။ အပြန်အလှန်မလေးစားမှုများကြောင့်၊ ရခိုင်သားများ၊ စာရိတ္တပျက်ပြား၍ စည်းလုံးညီညွတ်မှုမရခြင်းဖြစ်ပါသည်ဟု ဆွေးနွေးပြပါသည်၊၊

စည်းလုံးညီညွတ်မှုမဟိခြင်းကြောင့် အင်္ဂလိပ်လက်အောက်ကသော်၎င်း၊ ဗမာလက်အောက်ကသော်၎င်း၊ လွတ်လပ်ရေးမရခြင်း ဖြစ်ပါသည်။ ရခိုင်သားက ရခိုင်သားကိုအသိအမှတ်မပြုမှု အဓိကဗီဇလက္ခဏာသည် ရခိုင်စာပီမှာ မူတည်ပါသည်။ ရခိုင်စာပီနှင့် ဘာသာတရားထွန်းကားလျှင် ရခိုင်သားများညီညွတ်ကာ လွတ်လပ်ရေးအရသာကို ခံစားစံစားရစွာ ကောင်းကောင်းကြာလားခဗျာ ဖြစ်ပါ၏။ ဤသည်ကို ဘာကိစ္ဆရီဆရာတော်ကြီးကလွဲလို့ အရာတဦးတယောက်၏လက်ခံမှုကိုမှ မရခပါ။

ဘာသာရေးဆိတ်သုန်မှု

ဘာသာရေးဆိတ်သုန်မှုနှင့်ပတ်သက်၍ စာရွီးသူကိုယ်တွိ တချို့ကိုတင်ပြပါမည်။ စာရွီးသူရို့ရွာ ဘုန်းကြီးကျောင်း၌ အမြင့်တမိုက်ခန့်ရွှေဘုရား (၁၅) ပါး၊ ငွေဘုရား (၂၅) ပါးကို ငယ်စိုင်ခါကပင်သင်္ကြန်ကျတိုင်း ရွှီအုပ်ထဲကယူပြီး ဘုရားရီချိုးရာတွင် မြင်ဖူးလေ့ဟိပါသည်။ အကြောင်းအမျိုးမျိုးကြောင့် ဘုန်းတော်ကြီးကျောင်းတွင် ဘုန်းကြီးမြဲလေ့မဟိပါ။

တရက်နိမှာဘုန်းကြီးတပါး ကျောင်းလာထိုင်ပါသည်၊၊ များမကြာခင် ရွှေဘုရားတပါးနှင့်ငွေဘုရားသုံးပါး စပျောက်လားပါသည်၊၊ ရွာသားများ သင်္ကြန်ဘုရားရီချိုးသောခါ သိရပါသည်၊၊ ထိုကဲ့သို့ ဘုရားပျောက်မှုကိုသိတိုင်း ရွာထဲက မသင်ခါသူများကိုရဲခေါ်ပြီး သတ်ပုတ်စစ်ဆီးလေ့ဟိပါသည်၊၊ လက်ပူးလက်တွဲကား မမိပါ၊၊

နှစ်များမကြာခင် ဘုန်းကြီးကျောင်းဟိ ဘုရားပလ္လင်ခုန်တန်းမှာတင်ထားသော ရွှီအုပ်ထဲက ရွှီဘုရား (၁၅) ပါး၊ ငွေဘုရား (၂၅) ပါးရို့ ဒေသစာရီကြွလားဟန်ပေါ်ပါသည်၊၊ ဘုရားတပါးလည်း ကိမ်းဝပ်ခြင်းမဟိလိုက်ပါယာ၊၊

ယင်းနှစ်မိုးရာသီညဉ့်တညဉ့်မှာ ဘုန်ကြီးကျောင်းနား စေတီ(၅) လုံးအနက် ပျက်စီးနီသောစေတီတလုံးကို မီးလက်လက်နှင့် ဖောက်ထွင်းနီသည်ကို ရွာသားများမြင်ရပါသည်။ ရွာသားများဝိုင်းဝန်းလိုက်ရာ လူကိုကား မမိလိုက်ပါ။ သို့သော်စေတီဌာပနာကား တခုလည်းမကျန်ပါ။ အစအနတစိချေကိုရာ တွိရပါသည်။ ၄င်းကျန်ဟိသောဌာပနာများကို ဘုန်းကြီးကျောင်းသို့တင်ထားရန် ရွာသားများ ဆုံးဖြတ်ကြပါသည်။ ကျောင်းထိုင်ဘုန်းတော်ကြီးကိုကား ကျောင်း၌မတွိရပါ။

ကျောင်းသားမောင်သျှင်များကိုမိန်းစမ်းကြည့်ရာ “ဆရာတော်ညဇာက လူစိမ်းနှစ်ယောက်သုံးယောက်နန့် တိုက်ခန်းထဲမှာ စကားတိုးတိုးပြောပနာ မဆမဂေါင်းချ ကြက်တွန်ချိန်ကပင် ပျောက်လားခပါရေ” ဟုပြောကြပါ၏။ ယင်းနိညဉ့်ခါကပင် ရွာကဘုန်းကြီး

ကျောင်းသို့တခါလည်းမကြွခလီပါပျာ။ ရွှီဘုရား၊ ငွေဘုရား၊ စေတီဌာပနာများနှင့်အတူ နိဗ္ဗာန်ဖုံသို့ ကြွလှမ်းလားပုံပေါ်ပါ၏။

နောက်တနှစ်ဆောင်းရာသီမှာ ချောင်းသာအလယ်ကျွန်း ရွာဟောင်းဘုန်းကြီးကျောင်းကို ဓါးမြတိုက်ပါသည်။ ရွှီဘုရား၊ ငွေဘုရား တပါးမကျန်ပါလားခပါသည်။ ရွှီရောင်ကွပ်ထားသော ပီစောင်တအုပ်လည်း ပါလားခပါသည်။ ဓါးမြတိုက်မှုနှင့်အများမကြာ သားလွန်းတောင်ထိပ် ကံဆိပ်ရွာအနီး တောကျောင်းဘုန်းကြီးကျောင်းရှာနားက စေတီကိုဖောက်ထွင်းသံကြားရပါသည်။ တဆက်တည်း တောင်ပုတ်ကေရွာနားက သားလွန်းတောင်ဖျားမှာတည်ထားသော ဘုရားနောက်ပြန်ဘုရားကို ဖောက်ထွင်းပါသည်။ မိုးရာသီနားရောက်ခါနီးမှာ ပုဏ္ဏားကြီးဘုန်းကြီးကျောင်းက ရွှီပရပိုက်ပီစောင်ကို ဓါးမြတိုက်ပါသည်။ နောက်တနှစ်မှာ ရခိုင်ပြည်တွင် နာမည်ကြီးဘုရားတဆူဖြစ်သော

မျောက်ကြိမ်ဘုရားကို ဓါးမြတိုက်ပါသည်။

စာရွီးသူသည် အိန္ဒိယနိုင်ငံသို့မထွက်ရောက်မှီ နွီရာသီများ၌ ခရီးလားလေ့ဟိပါသည်။ ၁၉၈၇ - ခုနှစ် မြောက်ဦးမြို့နယ် ဆရစ်ချောင်းဘုန်းကြီးကျောင်းမှ မြဘုရား၊ စိန်ဘုရား၊ မဟာကျန်ဘုရားသုံးပါုး ဓါးမြအတိုက်ခံရပါသည်။ မြဘုရားမှာ မီးခံတိုက်တာကိုထမ်းမပါ၍ ကျန်ခပါသည်။ ကျန်နှစ်ပါးကား ကံဆိုးမိုးမှောင်ကျ ခိုးသားငါးရာနောက်တကောက်ကောက်

လိုက်ပါလားရပါ၏။ လက်နက်ကိုင်ဓါးမြများမှာ အယောက် (၂၀) ကျော်ပြီး၊ သူရို့၌ စက်ထိုင်ဘုတ်ပါပါသည်။ စာရွီးသူသည် ဆရစ်ချောင်းဇရပ်ဆိပ်၌ ညဉ့်အိပ်လျှက်ဟိပါသည်။ ခုနှစ်ရက်တပတ်အဖမ်းခံရပါသည်။ စစ်ဆီးသတ်ပုတ်ခြင်းခံရပါသည်။ ရွာထဲမှ

အသိမိတ်ဆွေမိသားစုတစုထောက်ခံ၍ လွတ်မြောက်လာပါသည်။

လွတ်မြောက်လာပြီးနောက်မြောက်ဦးမြို့တွင် ငပိရောင်းနီစိုင် မြောက်ဦးမြို့နယ် ခမီးရွာတရွာဖြစ်သော အကြီးတော်မရွာ ရွာသူကြီးနှင့် ဘုန်းကြီးကျောင်း ဓါးမြအတိုက်ခံရပါသည်။ ရွှီဘုရားများပါလားပါသည်။၊ ရွာသူကြီးထံမှရွှီငွေရတနာများ၊ ဒင်္ဂါးများ သိန်းနှစ်ဆယ်ခန့် ပါလားခပါသည်။ ဤသည်ကို ကျားထောက်နောက်ခံပြုသူများမှာ အုပ်ချုပ်သူအာဏာပိုင် ဖက်ခွက်စားများဖြစ်နိုင်ပါသည်။

ရခိုင်ပြည်အတွင်း တူးဖော်ရဟိသော တန်ဖိုးမဖြတ်နိုင်သော သမိုင်းဝင်ရတနာများ၊ ခိုးယူတူးဖော်မှုများ၊ ဓါးမြတိုက်မှုများမှ ရဟိသည့်သမိုင်းဝင်ပစ္စည်းများကို ရခိုင်ပြည်အာဏာပိုင်များမှတဆင့် မြန်မာပြည်အာဏာပိုင်မှောင်ခိုဈီးကွက်သို့

တင်ပို့ရောင်းချကြပါသည်။

၎င်းမှောင်ခိုဈီးကွက်မှ တန်ဖိုးမဖြတ်နိုင်သော ရတနာတချို့ကို ဖက်ခွက်ထောက်လှမ်းရေးများက နိုင်ငံခြားသို့တင်ပို့ရောင်းချကြပါ၏။ ၁၉၈၇ -

ခုနှစ် မြောက်ဦးမြို့နယ် ဆရစ်ချောင်းဘုန်းကြီးကျောင်း ဓါးမြတိုက်မှုမှ စိန်ဘုရားတပါးနှင့်မဟာကျန်ဘုရားတပါးကို စစ်တွေရန်ကုန်သင်္ဘောတွင်

ဖက်ခွက်ထောက်လှမ်းရေးများဖမ်းမိကြောင်း သတင်းထွက်ပေါ်လာပါသည်။ သို့သော်မူရင်းနီရာ ဆရစ်ချောင်းရွာဘုန်းကြီးကျောင်းသို့ကား ပြန်အပ်သံမကြားရပါ။

ဖက်ခွက်ထောက်လှမ်းရေးများလက်သို့ အပ်လိုက်ရကြောင်း ကြားသိရပါသည်။

ဖက်ခွက်များသည် ၁၉၉၆ ခုနှစ် ရခိုင်ပြည်မြောက်ဦးနန်းရာကုန်းကို သုံးလတိုင်တိုင် တူးဖော်ပါသည်။ စိန်၊ ရွှီ၊ နီလာ၊ ပတ္တမြား အဖိုးတန်ရတနာများအားလုံးကို သိမ်းယူလားပါသည်။ နန်းရာကုန်း၏အောင်မြီများကိုလည်း ရွှီကျင်ပိုင်ယှောင်ကျင်ပါသည်။ မြောက်ဦးနီ ရခိုင်ပြည်သူများကိုလက်နက်နှင့်ခြောက်ပြီး အစားထိုးမရတန်ဖိုးမဖြတ်နိုင်သော ရှိဟောင်းပစ္စည်းများကို သိမ်းယူပါသည်။ ဥဿလင်းတိုင်း (ပလက်ဝမြို့နယ်) ဥဿလင်းစေတီကို ၁၉၉၆ - ခု နှစ်ဆန်းပိုင်းတွင် သရော်အိုင်ဖက်ခွက်စခန်းက ဖောက်ထွင်းပါသည်။ ရွှီဘုရား၊ ငွေဘုရား၊ စိန်ဘုရား၊ မြဘုရား တပါးမကျန် သိမ်းယူလားခပါသည်။

ယင်းနှစ်နိုဝင်ဘာလ ကူတောင်ကျွန်းရွာ ရခိုင်ဘုရင်မင်းဘာကြီး တည်ထားကိုးကွယ်ခသော ဘုရားပြိုဘုရားကို တူးဖော်ပါသည်။ ညာဏ်တော် (၂) လက္မစိန်သားအစစ်ဖြင့် ထုလုပ်ထားသော ဘုရားတဆူ၊ မြအစစ်ဖြင့်ထုလုပ်ထားသော ဘုရားတဆူနှင့် စစ်တွေရသေ့တောင်ကားလမ်းနား ဂူလေးဝဘုရားတူးဖော်မှုမှရဟိသော စိန်လေးလုံး၊ ရွှီပန်းခိုင်၊ ငွေပန်းခိုင်များ၊ အတွင်းဌာပနာများအားလုံးကို ဖက်ခွက်များ ရန်ကုန်သို့

သိမ်းယူလားပါသည်။ ယင်းကဲ့သို့ ရခိုင်ပြည်တွင်ဘုန်ကြီးကျောင်းဓါးမြတိုက်မှု၊ ဘုရားစေတီဖောက်ထွင်းးမှု၊ ရှိဟောင်းပစ္စည်းတူးဖော်ခိုးယူမှုရို့သည် ရခိုင်ပြည်အနှံ့ဖြစ်ပွားနီပါသည်။ ကနိထိပင်ပေါ်ပျူလာဖြစ် ရီပန်းစားနီပါသည်။

ဘာသာတရားဆိတ်သုန်မှုမှာ ရခိုင်ပြည်ထဲ တခုတည်းကားမဟုတ်ပါ။ ရခိုင့်တော်လှန်ရေးလောကထဲမှာလည်း ထိုနည်းလည်ကောင်းဖြစ်ပါ၏။

စာရွီးသူသည် (၈၈၈၈) အရေးအခင်း ဖြစ်ပြီးနောက် အိန္ဒိယနိုင်ငံသို့ထွက်ပြီး လွတ်မြောက်လာပါသည်။၊ အိန္ဒိယနိုင်ငံ မဉ္ဇူရမ်ပြည်နယ်သက်ဒိစတြိတ်တွင် နှစ်နှစ်နီးပါးနီခရပါသည်။ ရခိုင်ပြည်လွတ်လပ်ရေးအတွက် အဂယင့်အမှန် မျိုးချစ်ပြည်ချစ်စိတ်နှင့် ကိုယ်ကျိုးစွန့်အနစ်နာခံပြီး တော်လှန်တိုက်ပွဲဝင်နီသော တော်လှန်ရေးသမားများကိုတွိဖူးရေပိုင် ရခိုင်ရှိဟောင်းဘုရားများကိုရောင်း၍

ရခိုင့်တော်လှန်ရေးကိုတည်ဆောက်မည့် ရခိုင်မျိုးချစ်ပြည်ချစ် ဂေါင်းဆောင်တချို့ကိုလည်း တွိဖူးပါ၏။ ထိုပုဂ္ဂိုလ်များမှာ ဘုန်းကြီးကျောင်း၌ မှီခိုကပ်ခိုနီကြရသူများဖြစ်ပါသည်။ စာရွီးသူအံ့သြမိပါသည်။ ရခိုင်ပြည်ကိုရှိဆောင်လမ်းပြလုပ်မည့် ရခိုင်မျိုးချစ်တော်လှန်ရေးသမားများ ရှိဟောင်းရခိုင်ဘုရားများကိုရောင်း၍ ရခိုင်တော်လှန်ရေးကို တည်ဆောက်မည်ဆိုသည်မှာ အလွန်ထူးဆန်းပါ၏။

အံ့သြဖို့လည်းကောင်းပါ၏။ ဤအယူအဆကား ရခိုင်ပြည်သူပြည်သားများအား ငရဲပြိတ္တာဘ၀မှ အကျွတ်တရားရအောင်ကယ်တင်မည့်အစား အ၀ီစိ့ငရဲကြီးသို့ ကျောက်ဟှက်ကြိုးဖြတ် ပစ်ချလိုက်သည်နှင့်တူပါသည်။

မြန်မာမှုပြုခံ ရခိုင်စာပီ

(စာပီပျောက်က လူမျိုးပျောက်သည်။ စာပီမြင့်မှလူမျိုးမြင့်သည်) ဆိုသည့်စကားနှင့်အညီ ရခိုင်စာပီနှင့်ပတ်သက်၍ မိန်းခွန်းထွက်လာပါသည်။ ရခိုင်လူမျိုးများ၏အတိတ်သမိုင်းကို မည်သည့်အက္ခရာစာပီဖြင့်မှတ်တမ်းတင်ထားခပါသနည်း၊ ရတု၊ လကာင်္ ၊ အရွဲ့၊ ကဗျာစသည့်များကို မည်သည့်အက္ခရာစာပီဖြင့်ရွီးသားခပါသနည်း။ အဖြေမှာယှင်းယှင်းချေဖြစ်ပါ၏။ ရခိုင်စာပီအက္ခရာနှင့် မှတ်တမ်းတင်ထားခသည် မဟုတ်ပါလား။ ငြင်းမည့်သူလည်း ဟိမည်မထင်ပါ။ ယင်းပိုင်ဆိုကေ ခေတ်ကြီး (၄) ခေတ်နှင့်အတူ ဆင်းသက်လာသော ရခိုင့်စာပီပဇာကြောင့်ပျောက်ကွယ်နီရပါသနည်း။ ပဇာကြောင့် မြန်မာမှုပြုခံနီရပါသနည်း။ ရခိုင့်နိုင်ငံတော်မာရယုမင်းအစ မဟာသမတမင်းအဆုံး မင်းပေါင်း (၂၅၀) ကျော်နန်းစံနှစ်ပေါင်း (၅၀၀၀) ကျော် ဓည၀တီ၊ ဝေသာလီ၊ လေးမြို့၊

မြောက်ဦး ခေတ်ကြီး (၄) ခေတ်ဖြင့် နီထိုင်လာရာ စာပီယိုင်ကျေးမှု၊ အနုပညာသည်မြောက်ဦးခေတ်တွင် အထွတ်အထိပ်သို့ရောက်ခပါသည်။

သို့သော်လည်း မဟာသမတရာဇာမင်းမတိုင်မှီကပင် ရခိုင်ရို့သည်ဖောင်ပျက်ဝါးပိုင်ပြိုကွဲကာ မြန်မာလက်အောက်ရောက်ခရပါ၏။

ကနိဆိုလျှင် ရခိုင်နိုင်ငံတော်သည်သူတပါးလက်အောက်၌ နှစ်ပေါင်း (၂၂၄) နှစ် ပြည့်လားခပြီးဖြစ်ပါ၏။ ရခိုင်စာပီပျောက်ကွယ်နီရသည်မှာလည်း ကနိအထိဖြစ်သည်။

ရခိုင်နိုင်ငံတော်သည်သူတပါးလက်အောက်ကျရောက်မှုနှင့်အတူ ရခိုင်စာပီ၊ ယိုင်ကျေးမှု၊ သမိုင်းအမွီအနှစ်အားလုံး မြန်မာမှုပြုခံရပါသည်။ သို့ဖြစ်ပါသော်လည်း မည်သူတဦးတယောက်ကမှ ရခိုင့်စာပီမူရင်းကို ထုတ်ဖော်ရွီးသားခြင်း မဟိပေ။ အထူးသဖြင့်လွတ်လပ်နယ်မြီရောက် ရခိုင့်စာပီပညာသျှင်များ ပိုဆိုးပါသည်။ မြန်စာပီ၊ မြန်မာလီသံလွှမ်းနီသောစာပီ၊ မြန်မာတ၀က်ရခိုင်တ၀က် ကပျက်စာပီများကိုရာ

မှင်ယောင်လိုက် ရွီးနီကတ်ပါသည်။ တော်လှန်ရေးလောကတွင် ဖုတ်စား၍မကုန် မြင်တိ်ွနီရပါသည်။

ကနိခေတ်မြန်မာစာကို ရခိုင်သားများက ရခိုင်စာဟုအသျှင်ခံလျှက် ဟိပါသည်။ ကနိခေတ်မြန်မာစာသည် မြန်မာဝေါဟာရများဖြင့် ရွီးသားထားသည်ဖြစ်သဖြင့် မြန်မာစာဖြစ်ပါသည်။ ရခိုင်စာမဟုတ်ပါ။ မြန်မာဝေါဟာရများဖြင့် ရွီးသားထားသောမြန်မာစာကို ဇာပိုင်လုပ် ရခိုင်စာလို့အသျှင်ခံလို့ရပါဖို့လဲ့။ စကေတပွေ အရှက်ဟိစီချင်ပါသည်။ အသျှင်ခံချင်ပါလျှင် ကိုယ်ပိုင်ရခိုင်ဝေါဟာရများနှင့် ရခိုင်ပိုင်ရွီးကတ်ရဖို့ မဟုတ်ပါလား။

မြန်မာစာပီကို ရခိုင်စာပီပညာသျှင်များက မှင်ယောင်လိုက် ခိုးချနီသိမ့်ရေအပြင်၊ ရခိုင်မူရင်း စာပီရတု၊ လင်္ကာ၊ အရွဲ့၊ ကဗျာ၊ ကျောက်စာ၊ ပီစာများကိုလည်း ရက်ရက်စက်စက် လက်မတွန့်ဘဲ မြန်မာမှုပြုလျှက်ဟိပါ၏။ ကောင်းကောင်းဝမ်းနည်းဖို့ကောင်းစွာက ရခိုင့်တော်လှန်ရေးနယ်မြီထုတ် စာစောင်မဂ္ဂဇိန်းရို့ဖြစ်ပါသည်။ မဆလခေတ်

ပြည်တွင်းရခိုင်ပညာသျှင်ကြီးများပြုစုသော ရခိုင်ပြည်နယ်ဖြစ်စိုင် သမိုင်းစာအုပ် စာပီကဏ္ဍတွင်လည်း သုဝဏ္ဏဒေ၀ီစောပြည့်ညို၏ သိန်ကန်မိန်တွင်ရတုကို မြန်မာမှုပြုထားပါသည်။

ရခိုင်ကံကြမ္မာ နှစ်(၂၀၀) ( ၁၃၄၆ - ခုနှစ်ပြာသိုလပြည့်ကျော် (၇) ရက်နိထုတ်) တွင်လည်း ၀တီခိုင်(ရခိုင်ပြည်လွတ်မြောက်ရေးပါတီ) သည် သုဝဏ္ဏဒေ၀ီရွှန်းလိုက်ရတုပိုဒ်စုံကို လက်မတွန့်ဘဲ မြန်မာမှုပြုထားသည်။ မူရင်း သုဝဏ္ဏဒေ၀ီ၏ရွှန်းလိုက်ရတုနှင့် ရခိုင်ကံကြမ္မာနှစ်(၂၀၀) ပါ မြန်မာမူခံရတုကို တိုက်ဆိုင်ကြည့်ပါက မည်သည်လောက် ကွာခြားသည်ကို တွိမြင်ရမည်ဖြစ်ပါသည်။

(၁) သိန်ကန်မိန်တွင်၊ ဆယ့်နှစ်ခွင်ကို၊ လွမ်းပင်မြင့်စည်၊ ကြာရှည်တာအကူး၊ တပေါင်းမင်းလွင်၊ ရွက်ကျင်တောင်လေမြူးက၊ ပြိုက်သွယ်နူးစီးသွယ်ဖြာ၊ မတတ်သာချေ၊ ဤထွေထွေကို၊ ကြည့်လေသမျှသာတည်း၊ ပင်တိုင်းမှာညှာရွက်ကြွေ၊ လေပြင်ခတ်လိုက်၊ ပရစ်ဝေေ၀နှင့်၊ ငှက်ရွှေမောင်နှံစုံ၊ ပန်းနှစ်ခက်ကို၊ ယူလျှက်နှုတ်ဝယ်ငုံ၍၊ စာခွံတုံရွှေနှစ်လို့၊ တထူးထွေလာ၊ ဘာသာလူလို၊ မကိုနှုတ်ဖြင့်တို့၍၊ ဤသို့ချစ်ဘွယ်ဆင်၊ ရာသီခွင်ဆယ့်နှစ်လမ်း၊ ငြမ်းလို့အညီ၊ မိဂသီပင်၊ ရှေ့ဆီမြင်သော်၊ စက်ခွင်မှာယောင်ယမ်းခ့၊ဲ ထောက်လှမ်းမစာနာ၊ ပညာအထု၊ မြတ်သူ့ကြည့်မှန်၊ ကြာလေဟန်မူ၊ သူရတန်မင်း၏ရင်သွေး၊ ဒန်ရမာဇာလီ၊ ဒူရဘီနှင့်၊ ချစ်ညီတူကြရေးကို၊ နောက်မေးမလျှောက်လို၊ နေလည်းနှစ်စင်း၊ နှစ်ပွင့်စုံညီ၊ မဒ္ဒီရှေ့အဟိုတို့၊ တောင်ကျွန်းညိုလောကဓါတ်၊ တိုင်းမဇ္ဈိမာ၊ ယင်းကဖြာသည်၊ ရာဇာမျိုးရို့မြတ်၏၊ ဆက်မပြတ်သိမ်းယူပြန်၊ သာဂီအဆက်၊ နွယ်မပျက်သည်၊ ကနက်ဖြန့်ကာစံ၏၊ ရှစ်တန်ပလ္လင်ရိုး၊ ဘိုးကဆက်ခံ၊ ဘနန်းစံသည်၊ နန်းရံတို့အမျိုးတည်း၊ ကတိုးအနံ့လို၊ သင်းပျံ့မွှီးကြိုင်၊ ရှစ်ရပ်လှိုင်သည်၊ မဏ္ဍိုင်ချက်မြှုတ်သိုထက်၊ နဂိုပြည်ဝေသာလီ၊

ဓညနှစ်ခန်း၊ နှစ်ပြည်မှန်းသည်၊ ထီးနန်းအစီရီတည့်၊ မျိုးသာကီစဉ်မပျက်၊ နှစ်ပေါင်းရှည်ကြာ၊ မဟာနွယ်ရို့တက်၏၊ မယှက်မနှောပြီ၊ ရှစ်သောင်းအချာ၊ ဆက်ကာစိုးစံ၊ နန်းရံမယ့်ဌာနီသို့၊ ရာသီမစွန်းခင်၊ အောင်စည်ယွမ်း၍၊ စက်ပန်းဖြန့်စေချင်သည်၊ နောက်ခွင်ကြာလွန်းစွတကားလည်။ ။

(နှိုင်းယှဉ်ကြည့်ရန်သုဝဏ္ဏဒေ၀ီရွှန်းလိုက်ရတုမူရင်း)

(၁) သိန်ကန်မိန်တွင်၊ ဆယ့်နှစ်ခွင်ကို၊ လွန်ပင်မြင့်စည်၊ ကြာရှည်တာအကူး၊ တပေါင်းမင်လွင်၊ ရွက်ကျင်တောင်လီမြူးက၊ ပြစ်သွယ်နူးစီးသွယ်ဖြာ၊ မတတ်သာပြီ၊ မှိုင်းလို့ရီကေ၊ ကြည့်လီသမျှသာတည်း၊ ပင်တိုင်မှာညှာရွက်ကြွီ၊ လီပြင်းခတ်လိုက်၊ ပရစ်ဝီ၀ီနှင့်၊

ငှက်ရွှီမောင်နှံစုံ၊ လိုင်ချင်းတွဲယှက်၊ ပန်းနုခက်ကို၊ ယူလျှက်နှုတ်ဝယ်မုံ၍၊ စာခွန့်တုံရွှင်နှစ်လို၊ တထူးထွေလာ၊ ဘာသာလူလို၊ မကိုနှုတ်ဖြင့်တို့၍၊ ဤသို့ချစ်ဖွယ်ဆင်၊ ရာသီခွင်ဆယ့်နှစ်လမ်း၊ ငြမ်းနှင့်အညီ၊ မိဂသီပင်၊ ရှိကမြင်သော်၊ စက်ခွင်မှာယောင်ယမ်းခယ့်၊ ထောက်လှမ်းမစာနာ၊

ပညာအထု၊ မြတ်သူ့ကြည့်မှန်၊ ကြာလီဟန်မူ၊ သူရတန်ရင်သွီး၊ ဒန်ရမာဇာလီ၊ ဒူရဘီနှင့်၊ ချစ်ညီတူခရီးကို၊ နောက်မီးမလျှောက်လို၊ နီလည်းနှစ်ဆင့်၊ နှစ်ပွင့်စုံညီ၊ မဒ္ဒီရှိအဟိုရို့၊ တောင်ကျွန်းညိုလောကဓါတ်၊ တိုင်းမဇ္ဈိမာ၊ ယင်းကဖြာကေ၊ ရာဇာအမျိုးမြတ်၏၊

ဆက်မပြတ်သိမ်းယူပြန်၊ သာကီအဆက်၊ နွယ်မပျက်ကေ၊ ကနက်ဖြန့်ကာစံ၏၊ သျှစ်တန်ပလ္လင်ရိုး၊ ဘိုးကဆက်ခံ၊ ဘနန်းစံကေ၊ နန်းရံကိုယ့်အမျိုးတည်း။ ကတိုးနံ့ဥဒဟို၊ သင်းပျံ့မွှီးကြိုင်၊ သျှစ်ရပ်လှိုင်သည်၊ မဏ္ဍိုင်ချက်မြုပ်သိုထက်၊ ပြည်နဂိုရ်ဝေသာလီ၊ ဓညနှစ်ခန်း၊

နှစ်ပြည်လွှမ်းကေ၊ ထီးနန်းအစီရီတည်း။ မျိုးသာကီစဉ်မပျက်၊ နှစ်ပေါင်းရှည်ကြာ၊ မဟာနွယ်မျိုးတက်၏။ မယှက်မနှောပြီ၊ သျှစ်သောင်းအချာ၊

ဆက်ကာစိုးစံ၊ နန်းရံမယ့်ဌာနီသို့၊ ရာသီခွင်မစွန်းခင်၊ အောင်စည်ရွှန်းလို့၊ စက်ပန်းဖြန်စီချင်ရေ၊ နောက်ခွင်ကြာလွန်းစွတကားလည်း။

ဤစာအုပ်တွင်ဝတီခိုင်က (ကြည့်လီသမျှ) ကို(ကြည့်လေသမျှ) ဟူ၍၄င်း၊ (ညှာရွက်ကြွီ) ကို (ညှာရွက်ကြွေ)ွ ဟူ၍၄င်း၊ (လီပြင်းခတ်လိုက်) ကို

(လေပြင်းခတ်လိုက်) ဟူ၍၄င်း၊ (ပရစ်ဝီ၀ီ) ကို (ပရစ်ဝေေ၀) ဟူ၍၄င်း၊ (မင်း၏ရင်သွီး) ကို (မင်း၏ရင်သွေး) ဟူ၍၄င်း၊ (နီ) ကို (နေ) ဟူ၍၄င်း၊ (နောက်မီး) ကို (နောက်မေး) ဟူ၍၄င်း အရှက်တရားကင်းမဲ့စွာ မြန်မာမှုပြုထားသည်ကို တြွိမင်ရပါသည်။ ဤနီရာတွင် စာရွီးသူသည် ရခိုင် (နောက်မီး) ကို မြန်မာကလည်း (နောက်မီး) အဖြစ် အတူတူသုံးသည်ဟု သတိထားမိပါသည်။ ရခိုင် (မီး) ကို မြန်မာက (မေး) ဟူ၍ မသုံးစွဲပါ၊ ၀တီခိုင်၏ (နောက်မေး) ဟူ၍ မြန်မာလွန်ကျွန်မှုဝါဒသည်ကား ရှက်ဖွယ်အတိ ဖြစ်ပါသည်။

မှတ်ချက်။ ။ ရခိုင့်ကံကြမျာနှစ်(၂၀၀) ပါ သုဝဏ္ဏဒေ၀ီရွှန်းလိုက်ရတုပိုဒ်စုံနှင့် မူရင်းသုဝဏ္ဏဒေ၀ီရွှန်းလိုက်ရတုပိုဒ်စုံကိုဆုံးခန်တိုင်အောင် နှိုင်းယှဉ်ကြည့်လိုပါက ဗျာဒိတ်ပန်းမဂ္ဂဇိန်းအမှတ်(၁) ကိုရှာယူဖတ်ကြည့်ပါ။

ရခိုင်အားမာန်စာစောင် (၁) အဖွင့်ကဗျာအဖြစ် ဖဒူမင်းညိုရွီးစပ်သော မှောက်တော်ဧခြင်း (၁) ကို (ပေါ်ဦးကမ္ဘာ၊ ကြာငါးပွင့်လိုက်၊ ရောင်မြိုက်ဥာဏ်ဖြူ၊ ငါးဆူရှင်နည်း၊ ပွင့်မည်ချည်းတွင်၊၊ မိတ္တည်းမရောက်၊ လေးပါးနောက်ဝယ်၊ ငါးထောင်ထောက်တာ၊ သာသနာတွင်၊ ငါးစင်းအမြတ်၊ န၀တ်ရေကျ၊၊ ငါးရာရသား၊ ဂစ္ဆပနဒီ၊ ဤသည်ညာမွန်၊ ယဉ်ထန်တဘက်၊ ပင်လယ်ထွက်သော်၊ နှစ်ဘက်ကမ်းခြီ၊ ဖြားရေမှီဝယ်၊ ရှေ့ဆီပြုဗ္ဗာ၊ အာကာမှီခိုင်း၊ တောင်ပြိုင်းပြိုင်း၌၊ ဆိုင်းဆိုင်းမဏ္ဍိုင်၊ ရခိုင်ညွန့်ဖူး၊ မွန်ကြည်မြူးသို့၊ မြောက်ဥရွှေနန်း၊ တည်လတ်ထွန်းသည်၊

ဤကျွန်းဇမ္ဗူထူးတည်လေ) ဟူ၍ ရွီးသားထားသည်ကို တိရွ ပါသည်။

ဤနီရာမှာ ရခိုင်စာပီကိုမြန်မာမှုပြုထားသည်ကိုတွိရပါသည်။ (ငါးဆူရှင်နည်း) ဆိုသည့်အဓိပ္ပါယ်ဖွင့်ဆိုချက်မှာ ဘုရားငါးဆူကို ညွှန်းဆိုခြင်းဖြစ်ပါလိမ္မည်။ (ငါးဆူရှင်နည်း) ကိုမြန်မာများက (ငါးဆူသျှင်နည်း) ဟုအသံထွက်ပါသည်၊ ရခိုင်ရို့ကား (ရှင်) ဆိုသောဝေါဟာရကို (သျှင်) ဟု အသံမထွက်ပါ၊ (သျှင်) ကို ရခိုင်ရို့က ဘုရားတရား၌ အများသုံးစွဲပါသည်၊ (အရှင်ဘုရား) ဟူ၍ မဟိပါ၊ (အသျှင်ဘုရား) ဟူ၍ရာ

ဟိပါသည်။ ထိုသို့ပြောဆိုရွီးသားကြသည်မှာ မြန်မာများဖြစ်ပါသည်၊ (ရှင်) ကိုရခိုင်ရို့က (ရုပ်ရှင်တော်မဟာမုနိ၊ ဆံတော်ရှင်ဘုရား) စသည့်နီရာများ၌ သုံးစွဲပါသည်။ (ရှင်) ဟူသည်မှာ (အသက်ရှင်သည်) ဟူ၍ အဓိပ္ပါယ်ရပါသည်။ (အရှင်၊ အသီ) ဟူ၍ ရခိုင်ရို့ကသုံးပါသည်။

(ဖြားရေမှီဝယ်) အသုံးအနှုံးမှာလည်း ရခိုင်သားများက ရခိုင်စာပီကိုမြန်မာမှုပြုထားခြင်း ဖြစ်ပါသည်။ (ရေ) ကိုဗမာရို့က (ယေ) လို့အသံထွက်ပါသည်။ (ရေ) ကိုရခိုင်ရို့က (လားရေ၊ လာရေ၊ စားရေ၊ တွိခရေ၊ မြင်ခရေ၊ နီခရေ) ဟူ၍ သုံးပါသည်။ ထို(ရေ) ကို(ရီ) ဟူ၍

ရခိုင်စာပီ၌ ပြောဆိုရွီးသားပါသည်။ (ရီကြိုင်ချောင်း၊ သောက်ရီ၊ သုံးရီ၊ ဖြားရီ၊ ကန်ရီ၊ တွင်းရီ၊ ချောင်းရီ၊ ရီအိုင်) စသည်ဖြင့်သုံးစွဲခေါ်ဝေါ်ပါသည်။ (ရှေ့ဆီပြုဗ္ဗာ) ဆိုသည့်အပိုဒ်၌လည်း (ရှေ့) စကားလုံးမှာ မြန်မာမှုပြုခံရခိုင်စာပီဖြစ်ပါသည်။ (ရှေ့) ကိုမူရင်း ရခိုင်စာပီ၌ကား (ရှိ) သို့မဟုတ် (ရှိယ့်) ဟူ၍ တွိရပါသည်၊ ရခိုင်စကား၌လည်း အခုထက်ထိ(အရှိ၊ အနောက်) ဟူ၍ ပြောဆိုသုံးစွဲလျှက်ဟိပါသည်။

၎င်းရခိုင့်အားမာန်စာစောင် (၁) အဖွင့်ကဗျာ (၂) အဖြစ်တော်လှန်ရေးစာဆို မင်းသားကြီးရွှီဗန်းရွီးသားခသော သီတန်းစားရတုကို ရခိုင်တော်လှန်ရေးသမားများက လက်အား၍ မြန်မာမှုပြုထားပါသည်။ (မင်းသားအမှန်၊ ငါလျှင်ကြံက၊ နိုင်ငံရပ်စည်၊ တိုင်းပြည်အတွက်၊ ကိုယ့်အသက်ကို၊ ရက်ရက်စွန့်ခွာ၊ ကုလားရွာ၌၊ ခန္ဓာရုပ်ဟောင်း၊ ဘ၀ပြောင်းခ့၊ဲ ဖြစ်ကြောင်းသံသာ၊ သတ္တ၀ါတို့၊ မှန်စွာမချွတ်၊ သူမသတ်လည်း၊ မလွတ်တခါ၊ သေအံ့ရာတည်း၊ ကမ္ဘာမကြေ၊ သူတို့တွေလည်၊ အနေမစိုး၊ ငါမြေတိုးသော်၊ အရိုးတခါ၊ တွန်လိမ့်ရာ၏၊ နောင်လာနောင်လူ၊ ရခိုင်သူတို့၊ အယူမပြောင်း၊ ငါ့လမ်းကြောင်းကို၊ ကောင်းကောင်းလိုက်လာ၊ တိုင်းဓညာကို၊ တခါမုချ၊ ငါရို့ရအံ့။ လုံးလရှေ့သန်၊ လိုလျှင်ကြံက၊ နိဗ္ဗာန်မချွတ်၊ လက်ဝါးခတ်သည်၊ စွဲမှတ်ဤစာသေတမ်းစာတည်း) ဟူ၍ ဖြစ်ပါသည်။

(သေအံ့ရာတည်း၊ လုံးလရှေ့သန်၊ စွဲမှတ်ဤစာသေတမ်းတည်း) စသောအပိုဒ်များတွင်(သေ၊ ရှေ့) ဆိုသည့်ဝေါဟာရများမှာ မြန်မာမှုပြုခံ ရခိုင်စာပီဖြစ်ပါသည်။ (သေ) ( ရှေ့) ဟူ၍ ရခိုင်ရို့က သုံးစွဲခြင်းမဟိပါ။ ရခိုင့်စာပီ၌ (သီ) ( ရှိ) ဟူ၍ရာ သုံးစွဲပါသည်။ စကားပြောရာတွင်လည်း

ဤအတိုင်းပင်ပြောဆိုသုံးနှုံးပါသည်။ (သူတို့တွေလည်း) ဆိုသည့်အပိုဒ်၌လည်း (တွေ) ဆိုသောဝေါဟာရကို ရခိုင်၌လုံးဝမတွိရပါ။ (တွေ) သည်မြန်မာစကား စစ်စစ်ဖြစ်ပါသည်။ ဗမာမှုအပြုမခံရသိမ့်သော (ဓည၀တီနိဂုံးရွာများသမိုင်းသာခြင်း၊ မူရင်းသုဝဏ္ဏဒေ၀ီ၏ ရွှန်းလိုက်ရတု) များကို ဖတ်ကြည့်လေ့လာကြည့်လျှင် ရခိုင်စာပီအရွီး အသားအစစ်များကို တွိရပါလိမ့်မည်။ (ရွှန်း) ဆိုသောဝေါဟာရကိုလည်း (ရွှန်း) လား (သျွှန်း) လား သုတေသနပြုရန်လိုအပ်ပါသည်။

အမြင်

အမျိုးသီလကိုစောင်ထိမ်းရေဆိုသော ရခိုင်သားကြီးရို့ အေကနိအမျိုးသီလကို ဖျက်ဆီးနီရေဆိုကေ မမှားပါ။ ရခိုင့်ကံကြမ္မာနှစ် (၂၀၀)၊ ရခိုင်အားမာန်စာစောင်၊ ရခိုင်ဘ၀၊ ဓည၀တီစာစောင်၊ လမ်းပြကြယ်စာစောင်၊ ယခု (ရခိုင်အမျိုးသားသတင်းစာ) ရို့သည်

ရခိုင့်တော်လှန်ရေးနယ်မြီကထွက်သော စာအုပ်စာစောင်များဖြစ်ပါသည်။ သို့သော်လည်း ရခိုင်စကားရခိုင်ဝေါဟာရ တလုံးတပါဒမျှ မတွိရပါ။

အထက်စာစောင်များပါ ဆောင်းပါးကဗျာများသည်ရခိုင်စာပီထဲသို့ လုံးဝသွတ်သွင်းမရသော မြန်မာစာပီများဖြစ်ပါသည်။ အေပိုင် မြန်မာစာပီကို ရခိုင်လူငယ်ထုအတွင်းသို့ ရခိုင့်မျိုးချစ်များက အတင်းအဓမ္မသွတ်သွင်းပီးနီမည်ဆိုပါလျှင် အများမကြာရခိုင်သားကို

ပြတိုက်ထဲမှာကြည့်လီကတ်ပါဖိ။

ရခိုင်စာပီကို လျစ်လျူပြု အမှုမဲ့အမှတ်မဲ့ပစ္စလက္ခတ် ပစ်ထားသည့်အပြင် မူရင်းရခိုင်စာပီများကိုလည်း တတ်အားသမျှမြန်မာမှုပြုနီသော ရခိုင်မျိုးချစ်ကြီးများကို ပဇောင်ပျင်လို့ မျိုးချစ်တေဟုဆိုပါဖို့။ မိမိရို့မှာ ကိုယ်ပိုင်စာပီအက္ခရာ၊ ကိုယ်ပိုင်ဘာသာစကား ဟိပါလျှက်သားနှင့် သူများစာပီ၊ သူများစကားကိုအငှါးသုံးစွဲခြင်းသည် ကျွန်စရိုက်လက္ခဏာဖြစ်သည်။ တောင်ကျော်များက အားလုံးဖတ်နားလည်အောင်

မြန်မာပိုင်ရွီး ရခြင်းဖြစ်သည်ဟု ဆင်ခြီပီးလေ့ဟိပါ၏။ တောင်ကျော်တိကို ရခိုင့်အသိုင်းအ၀ိုင်းထဲက လုံးဝပစ်ပါယ်ရမည်ဖြစ်ပါသည်။ (ငတောင်ကျော်) တိ အသက်ရှင်ဟိနီသမျှ ရခိုင်သားကျွန်ဘ၀က မလွတ်မြောက်နိုင်ပါ။ ငတောင်ကျော်တိသည် ရခိုင့်လူ့အဖွဲ့အစည်းနှင့် ရခိုင့်တော်လှန်ရေးကိုတိုက်ရိုက်တမျိုး၊ သွယ်ဝိုက်တဖုံဖျက်ဆီးနီသော

ကာလနာများဖြစ်ပါသည်။

စာရိတ္တပျက်ပြားမှု၊ ဘာသာတရားအား အလေးအနက်မထားမှု၊ တယောက်ကိုတယောက် အပြန်အလှန်မလေးစားမှု၊ တယောက်ကိုတယောက် ဗိုလ်ကျစိုးမိုးလိုမှုရို့သည် ရခိုင်သား၏ကျွန်ဗီဇလက္ခဏာဖြစ်သည်။ ရခိုင်တချို့ရခိုင်စကားမပြောတတ်ပါယာ။ (ယ) နှင့်(ရ) ကိုကွဲအောင် အသံမထွက်တတ်ပါယာ။ အေပိုင်ဖြစ်လာရခြင်းသည် ရခိုင့်စာပီ မထွန်းကားမူအပေါ် အဓိကမူတည်ပါသည်။ မြန်မာကိုကျည်း အပြစ်ပြောလို့မပြီးပါ။ ကိုယ်မျက်ချီးကိုကိုယ် မြင်ချိန်တန်ပါဗျာယ်ဖြစ်ပါကြောင်း။ အချုပ်ပြောရဖို့ဆိုကေ မြန်မာကိုခေါ်ခီစွာလည်း ရခိုင်သားပါ။ ရခိုင့်စာပီကိုမြန်မာပြုနီသူများမှာလည်း ရခိုင်သားပါ။ ရခိုင်ဘုရားများကို သိုက်တူးရောင်းစားစွာလည်း ရခိုင်သားပါ။ မြန်မာမှုပြုခံရခိုင့်စာပီနှင့်အတူ ရခိုင်သားဦးဏှောက်မြန်မာမှုပြုခံလားရသည်။

လွယ်လွယ်ကူကူနှင့် ဖျောက်ဖျက်နိုင်လိမ့်မည်မဟုတ်ပါ။ ၄င်းကို ရခိုင်စကားတွင် (ဂြင်းကပ်လားယာ) ဟုပြောပါသည်။ အေပိုင်ဆိုကေ ဆရာကြီးရို့ကျွန်တော်ရို့တိက မျိုးဆက်သစ်တိကို ဇာအမွီမျိုးပီးရပါဖို့လဲ။ သမိုင်းဝင်ဘုရားကိုရောင်းလို့ တော်လှန်ရေးလုပ်ဖို့စွာလား။ ဘုန်းကြီးကျောင်းကိုဓါးမြတိုက်လို့ လူမှုဖုံလုံရေးလုပ်ဖို့စွာလား။ (ခင်ဗျားပျောတာ ကျနော်မကျားဘူး၊ ယခိုင်စကားမေ့သွားပျီ) ဆိုရေ အမွီမျိုလား။ သမိုင်းပီးတာဝန်ထမ်းဆောင်ယင်း သမိုင်းကြွီးတင်နီကတ်တေ ရခိုင်မျိုးချစ်၊ ပြည်ချစ်တိ ပဇောင်စိုင်းစားကတ်တေရောင်။ ။

ကျော်ဝင်းချေ (ချောင်းသာကြီး)

၁၉၉၈ ပါတ်ဝန်းကျင်လောက်မှာ ရွီးသားပါသည်။ နိစွဲ့ကို အသေချာ မမှတ်မိ့လိုက်ပါယာ။ ရခိုင်ကျောင်းသားလူငယ်များ အစည်းအရုံးမှ ထုတ်ဝီသော “ပတောက်စည်သံ” မဂ္ဂဇင်း၌ ဖေါ်ပြပြီးဖြစ်ပါသည်။

မိဖအဖြစ်မှစွန့်လွှတ်လိုက်သည်

2009-11-07T13:44:00.000-08:00

မှတ်ချက်။ (စာရွီးသူ ၀န်ခံချက်) ။ အေ၀တ္ထုသည် ကိုဦးသာဇံမိသားစုနှင့် ကိုဖိုးလှမိသားစုများ၏ ကိုယ်တွိအဖြစ်အပျက်ကို အခြေခံရွီးသား ဖေါ်ပြပါသည်။ ၄င်းရို့ခွင့်ပြချက်ကြောင်း ထုတ်ဖေါ်ရွီးသားခြင်းဖြစ်ပါသည်။ အားလုံးကိုအထူးကျေးဇူးတင်ဟိပါကြောင်း....

(အခန်း ၁)
မိုးဂုတ်စက်ဝိုင်းတခုလုံးအား ကြယ်တာယာများနှင့် ထိမ်ထိမ်သာအောင် တန်းဆောင်ဘုန်းလ ညာဉ့်တညာဉ့်ကိုအလှဆင်ထားကြသည်။ နတ်မြစ်တဖက်ကမ်းမှ တာကါနာ (ကယုချောင်း) မြို့၏ညအလှကလည်း လျှစ်စစ်မာကျူရီရောင်စုံကြာပွင့်များနှင့် အလှဆင်ထားသည်က မိုးဂုတ်စက်ဝိုင်ကို အပြိုင်အဆိုင်။ စီတန်းနီသော ဖြူဝါရောင်မီးသီးကြီးများအောက်မှာ ဆလိုက်မီးသီးငယ်များ တရှုတ်ရှုတ်တချွီးချွီး ပြီးလွှားနီကြသည်ကလည်း မီးရောင်အောက်မှာ မနီဖူးသူတဦး၏ နှစ်လုံးသားကို လွယ်ကူစွာဆွဲဆောင်နီကြ၏။ လှည့်ယူဖမ်းစာနီကြ၏။ စိတ်ဝင်စားစရာ၊ နှစ်သက်စရာမြင်ကွင်းသစ်များကို ကြည့်ရှု့ရစွာက စိတ်ထဲမှာကြည်နုစရာတမျိုး။ ယင်းကဲ့သို့သော တိုးတက်မှုများနှင့် ကိုယ့်တိုင်းကိုယ့်ပြည်ကို အလှဆင်ချင်စိတ်က တသွင်သွင်စီကျလာ၏။ စိတ်အာရုံတခုလုံးကို လွှမ်းမိုးနီရာယူထားလိုက်၏။ “အို……နက်ဖန်မိုးသောက်အာရုံရောက်ကေ ငါရို့လည်း ယင်းဖက်ကမ်းမှာဟိနီလီဖို့……..” စိတ်ထဲမှာ ရည်ရွယ်ယင်း ဒယောစွမ်ကို မဖြုတ်တမ်းဆွုကိုင်ထားသော ညီမငယ်ကို ကောက်ရွက်လိုက်သည်။ “အကိုကြီး..မိမိ….ဇာမာလဲ၊ မိမိကို…….ဇာခါတွိ့ရဖို့လဲ”။ အဖ မမြင်ဖူး၊ မိခင်ကိုရာတမ်းတတတ်သော ၀ါဝါ၏မျက်ရည်ရွှမ်းနီသော မျက်လုံးအစုံနှင့် သူမ၏မိခင်ကို လွမ်းဆွဲနီသောစကားသံများက အစ်ကိုယ်ကြီး၏နှစ်လုံးသားကို တစစီကြွီမွလားစေ၏။ ပြောမထွက်နိုင်သော ခံစားချက်၊ နာကျဉ်းချက်များ အစ်ကိုယ်ကြီးရင်ထဲမှာ အလုံးကြီးဆို့လို့။ မျက်နှာကို အရဲတင်းပျာ မပွင့်တပွင့်ပြုံလျက် တဘက်ကမ်းကိုလက်ညှိုးထိုးကာ… “မိမိနန့်ဘာဘာရို့ ထိုဘက်ကမ်းမှာ။ နက်ဖန်ခါ မိုးထက်စောစောကြီး အပုချေ၊ အကိုချေ၊ အမယ်ကြီး၊ အကိုကြီးရို့ကို လာခေါ်လာဖို့။ အပုချေဖို့ မုန်အများကြီး ၀ယ်လာဖို့လတ်။ အင်္ကျီအလှပချေတိလည်း ၀ယ်လာဖို့လတ်။ ထော….ထိုမှာကြည့်ဇမ်ချက် မီးသီးချေတိပြီးနီကတ်တေထွား…။ ပဇောင်လှရေချင့်…..၊ ကြည့်ဇမ်ချက်…..” “မိမိ..ယင်းမာလာ” “အုံ….ယင်းဖက်ကမ်းမှာ။ ကကောင်းလိမ်မာရေကား….အေသူ။ နက်ဖန်ခါ မိမိနန့် အပုချေနန့် ဂါရီအတူတူစီးကတ်ဖို့တေ။ ၀ူး………၀ူး……၊ ပွင်း……ပွင်း…..ပွင်း………နန့် ပင် မြည်ပျာ ၀ူး…..ထွက်လားလီဖိုယေ။ ဂါရီရှိဆုံးမာ အသူထိုင်ဖို့လဲ….” “၀ါဝါ….ထိုင်ဖို့….”။

“လာ….လာ….ပြန်ကတ်မေဝေး…၊ တနားချေကြာကေ နစက.က အိပ်စရင်းလာစစ်ဖို့၊ မှတ်ပုံတင်လာစစ်ဖို့တေ..။ လာ….လာ….လားကတ်မေ။” ညီချေ၊ ညီမချေရို့ကို လှမ်းခေါ်လိုက်၏။ အပုချေကိုလျော့ပျာ တည်းခိုနီသော ထမင်းဆိုင်သို့ ညီအစ်ကိုယ်မောင်နှစ်မတတော လမ်းလျှောက်ပြန်လာကြသည်။ ထမင်းဆိုင်သည်မကြီး အိမ်ဇိုးဖြူ ဆိုင်ရှိထွက်ကာ ကျန်တော်ရို့အား စောင့်နီဟန်ပေါ်၏။ ကျန်တော်ရို့ကို မြင်စွာနန့် “ဟိုင်း….ဇါကိုလားခီကတ်လေ..နင်ရို့၊ ထောက်လှမ်းရေးက မှတ်ပုံတင်၊ အိပ်စရင်းလာစစ်လို့ မတွိ့ကေ အားလုံးအဖမ်းခံရဖို့တေ…သိယင့်လား။ လာ..အိမ်ထဲကိုဝင်။” အော်၍ လှမ်းခေါ်လိုက်၏။ ဆိုင်သည်မကြီးက သူသမီးကို အိပ်ရာချပီးရန်လည်း “စောယိုင်ဖြူ…..အေ…အချေတိကို ယောင်ပြင်မှာ အိပ်ရာချပီးလိုက်ကား” တဆက်တည်းလှမ်းပြောလိုက်၏။

တန်းစီအိပ်ရာယူထားကြသော ကုန်သယ်အမျိုးသမီးကြီးများ အိပ်စရင်းလာစစ်ရန် မအိပ်ဘဲ ပြောယင်းဆိုယင်း ထိုင်စောင့်နီကြသည်။ အမျိုးသမီးကြီးတဦးက “မောင်မောင်…မင်းရို့ ဇာကလေးဝေ” “စစ်တွေလမ်းမတော်ကပါ” “အရီးလည်း စစ်တွေစံပြကဝေ၊ မင်းရို့ဇာကို လားကတ်တေ”။ “ထိုဖက်ကမ်းကိုလားပါဖို့။” မ၀ံ့မရဲ ပြန်ဖြေလိုက်ရ၏။ “ဘင်္ဂလားကိုလာ၊ မင်းမိဖရို့ ယင်းဖက်ကမ်းမှာလာ။” “ယင်းဖက်ကမ်းမှာဟိလို့ လားကတ်တေမလားယေ” နောက်အမျိုးသမီးကြီးတယောက်က ကြားဝင်ပြောလိုက်၏။ “အရီးရို့လည်း ယင်းဖက်ကမ်းကို လားဖို့ဝေ။ အတူတူလားကတ်ဖို့နန့်။” ပြောဆိုနီကြယင်း ဓါတ်မီးတလက်လက်ထွမ်းလျက် ထောက်လှမ်းရေး အော်ခေါ်သံများကြားလိုက်ရ၏။ ထမင်းဆိုင်သည်မကြီး၊ သမီးဖြစ်သူရို့ ထမင်းဆိုင်ရှိသို့ထွက်လာကာ တဆိုင်ပြီးတဆိုင် ၀င်ထွက်အိပ်စရင်းစစ်လာကြသော နစကစစ်ဗိုလ်၊ ရက်ကွက်ကောင်စီနှင့် ဆယ်အိမ်ကောင်းရို့အား ကြို၍စကားပန္လင်ခံထားကြသည်။ ကွမ်းကြုပ်နှင့်အဖန်ရည်ဘဲကို စားပွဲခုန်မှာချကာ “ထိုင်ပါ..ထိုင်ပါ..ထိုင်ကျပါ။ ကွမ်းယာစားပါဗိုလ်ကျီး။” လှိုက်လှဲစွာကြိုဆိုနီသည်။ တဆက်တည်း ဆိုင်သည်မကြီးက “အကျွန်တို့ဆိုင်မှာ အာဂန္တု (၂၀) လောက်ချိပါတယ်။ မှတ်ပုံတင်က လူတိုင်းပါကျပါတယ်။ အကျွန်ခေါ်ပေးမယ်..အို..ကွမ်းယာစားပါ ဗိုလ်ကျီး။” ယာထားသောကွမ်းယာကို လှမ်ပီးလျက် တည်းခိုနီကြသော ခရီသည်အာဂန္တုများအား လှမ်းခေါ်နီ၏။ ကုန်သယ်အမျိုးသမီးကြီးများ၊ အမျိုးသားများ ထမင်ဆိုင်ခန်းမကြီးသို့ စုလာကြပြီး သူရို့၏မှတ်ပုံတင်များ၊ အကျင့်ဇာရိတ္တကောင်းမွန်းကြောင်း မ၀တထောက်ခံစာ၊ ရပ်ကွက်ဥက္ကဌထောက်ခံစာ၊ ဆယ်အိမ်ဂေါင်းထောက်ခံစာများနှင့်အတူ စစ်ဆေးခံနီကြရ၏။ တချို့ကလည်း နစကစစ်ဗိုလ်နှင့် ရင်းနှီးနီကြပုံပေါ်၏။ ရင်းရင်းနှီးနှီး ပြောကြဆိုကြ၊ ရယ်ကြသွန့်ကြနှင့် ပြီးဆုံးလားကြ၏။ သို့သော် ကျန်တော်ရို့မောင်နှစ်မတတောမှာကား ရင်တခုန်ခုန်နှင့် ဗိုလ်ကြီးဆိုသောစကားလုံသည် ထမင်းလုံးသဆီ၊ သရဲခြောက်သကဲ့သို့ ခြောက်လှန့်နီပါ၏။ တသက်လုံးမမြင်ချင်သော အစိမ်းရောင်စစ်ယူနီဖောင်းကလည်း ကြောက်သီးမွှီးညှင်းထလားအောင် ခြောက်လှန့်နီ၏။ နစကစစ်ဗိုလ်ကြီး ကျန်တော်မျက်နှာကို လှမ်းကြည့်လျက် မှတ်ပုံတင်၊ ထောက်ခံစာများထုတ်ပြရန် မိတ်ပင့်၍ လှမ်းတောင်းလိုက်သည်။ ရင်တဖုန်းဖုန်းခုန်လျက် အသက်ကဆံဖျားမှာရောက်နီသည်။ စိုးရိမ်စိတ်များနှင့်အတူ အဆင်သင့်ကိုင်ထားသော မှတ်ပုံတင်၊ ထောက်ခံစာများအား ရိုသေစွာလှမ်းပီးလိုက်၏။ မှတ်ပုံတင်ကို စူးစိုက်ကြည့်လျက် “နာမည် ဘယ်လိုခေါ်လဲ”။ “ဦးကျော်သိန်းပါ”။ “အဖေနာမည်ကော”။ ဘာဘာနာမည်မီးလာသံကြားရသည့်အခါ တကိုယ်လုံး ကြောက်သီးမွှီးညှင်းထလား၏။ ကြောစိမ့်လာ၏။ နားပန်းဆံများ ထောင်တက်လား၏။ စိတ်အာရုံတခုလုံးမိုးကြိုးပစ်သကဲ့သို့ တုန်လှုပ်ချောက်ချားလား၏။ “….ဘာဘာက ဒီမိုကရေစီ တော်လှန်ရေးသမား။ တခေါက်ချေရာ သိလားကေ ဒုက္ခကြီးကျပျာ…..” ဟု အသိအာရုံထဲ ဗြုန်းတိုင်းဝင်ရောက်လာ၏။ ”ဦးသာဇံပါ။ အမေနာမည်က ကြာသိန်းဖြူပါ။” မူမပျက်ရအောင် အသံထားမှန်မှန်ဖြင့် မပြောမလွတ် ပြန်ဖြေလိုက်ရ၏။ “ဘယ်သွားမှာလဲ”။ “ဘင်္ဂလားသွားပါဖို့”။

ဘင်္ဂလားဒေခ်ျအတွင်း တော်လှန်ရေးသမားများ မြောက်များစွာဟိနီကြ၏။ တော်လှန်ရေးသမားများနှင့် အဆက်အသွယ်ဟိသူရို့၊ ဆွေမျိုးတော်စပ်သူအား စစ်တပ်ကမျက်ခြီမပြတ် စောင့်ကြည်နီကြသည်။ ဆက်သွယ်မှုသတင်းပေါက်ကြား၍ အဖမ်းခံ၊ အနှိပ်စက်ခံရသူရို့လည်း အမြောက်အများ။ ကျန်တော်ရို့မောင်နှစ်မတတောမှာကား တော်လှန်ရေးသမား သားသမီးများဖြစ်နီကြသည်မှာ အဆက်အသွယ်ဟိသူရို့ထက် ပို၍ကြောက်စရာ၊ စိုးရိမ်စရာကောင်း၏။ ပို၍အန္ဒရာယ်ကြီးမာ၏။ ဒုက္ခကိုဘုရားကယ်လို့ ရမည်မထင်။ စိုးရိမ်စိတ်များအတွဲလိုက် ဥနှောက်ထဲတန်းစီဝင်လာကြ၏။ ဟန်ပျက်လုနီပါး “အဲဒီဘက်မှာ မိမိနန့် ဘာဘာတို့ ဆိုင်ယောင်းနီကျလို့ အလည်သွားတာပါ။” “ဘယ်မှာယောင်းနေကျတာလဲ။” “ကောက်စ်ဘာဇာမှာပါ။” “ကောင်မလေးနာမည်က ဘယ်လိုခေါ်လဲ။” “သန္တာနီ” ကျန်တော့်ညီမ သန္တာနီက သွက်သွက်လက်လက်ပင် ပြန်ဖြေလိုက်၏။ မည်သည့်တခုမှ စိုင်းစားနီဟန်မပေါ်။ “အသက်ဘယ်လောက်ချှိပျီလဲ” “၁၀ နှစ်” မဆိုင်မတွန့် ပြန်ဖြေနီသော ညီမငယ်အား တချက်ပြန်ကြည့်ကာ….“သတ္တိကောင်းရေထော…” ဟု ချီကျူးမိ၏။ နစကစစ်ဗိုလ်ကြီးသည် ထမင်းဆိုင်သည်မကြီးဖက်လှည့်၍ မျက်ခုန်းပင့်အမူအယာဖြင့် တခုခုတောင်ဆိုနီဟန်ပေါ်၏။ ဆိုင်သည်မကြီးလည်း ပြုံရယ်ပြီး အလစ်သိဟန်ဖြင့် “ဒီနေ့အာဂန္တုလေး နည်းပါတယ်။ ဆိုင်လေးသိပ်မယောင်းယဘူး။ ၃၀၀၀ လောက်ယူသွားပါ..ဗိုလ်ကျီး။” ဒန္ကား ၃၀၀၀ ကို နစကစစ်ဗိုလ်လက်ထဲထည့်ပီးလိုက်၏။ ထိုဒန္ကား ၃၀၀၀ ကို ဆိုင်သည်မကြီးအပါအ၀င် အာဂန္တုများဝိုင်းဝန်းကျခံကြရ၏။ ရပ်ကွက်ဥက္ကဌ၊ ဆယ်အိမ်ဂေါင်း၊ နစကစစ်ဗိုလ်များ ထမင်းဆိုင်မှ ပြန်ထွက်လားပြီးမှ ကျန်တော်စိတ်ဒုန်းဒုန်းကျလားရ၏။ အသက်ချှူပေါက်ရလာ၏။ ပုခုန်းထက်ပိုး၍အိပ်ပျော်နီသော ညီမချေ ၀ါဝါနှင့်ညီးချေ၊ ညီးမချေရို့အား အိပ်ရာချပီးကာ၊ နက်ဖန်မိုးသောက် အာရုံရောက်လျင် ဆက်ရမည့်ခရီးကို စိုင်စားလျက် ဘုရားတရားအာရုံပြု၍ အိပ်ရာ၌ဂေါင်းချလိုက်၏။

(အခန်း ၂)
တန်းဆောင်ဘုန်းလ မိုးထက်ခြင်း၏နှင်းပါးပါးအောက်မှာ တာကာနာမြို့လမ်းများ တိုးမပေါက်နိုင်သောလူဦးရည်များနှင့် ပြည့်ချံနီ၏။ ကျန်တော်ရို့နှင့်အတူ ခရီးကြုံလာကြသော ကုန်သည်အမျိုးသမီးကြီးများအား တာကာနာရွာတော်ကားဂိတ်သို့ လိုက်ပို့ရန်အကူညီတောင်းလိုက်သည့်အခါ ထိုအမျိုးသမီးများအနက် နှစ်ဦးသောအမျိုးသမီးကြီးသည် ရွာတော်သို့တဆက်တည်းလားမည်ဟု သိလိုက်ရသည်။ အကျန်တော်အလွန်ဝမ်းသာလားသည်။ ချောမွီ့စွာအဆင်ပြေလှပါ၏….ဟု သက်ပြင်းချလိုက်ရသည်။ ဤမျှလောက်ကြီးမားသော လူ့သမုဒ္ဒရာကြီးကို မတွိ့ဖူးမမြင်ဖူးသော ကျန်တော်ညီချေညီမငယ်များ ကျန်တော်လက်ကိုမဖြုတ်တမ်းကိုင်ထားကြ၏။ ကားထက်မှာတက်ထိုင်လိုက်ကြ၏။ တနာရီလောက်ကြာသောအခါ ကားလမ်းဘဲလဲယောင်းစောင့်မျှော်နီသော ရွာတော်ရွာကြီးသို့ ရောက်လာကြသည်။ ရွာထဲသို့ ၀င်လိုက်သည်နှင့် ရခိုင်စကားသံများကြားလိုက်ရသည့်အခါ အလွန်နွီးထွီးလား၏။ အမျိုးသမီးကြီးတဦးက “မောင်မောင်…မင်းမိဖရို့နီရေအိမ်ကိုသိလာဝေ..။ မင်းးလားချင်ရေ ရွာတော်ကိုရောက်ပျာတေ။” မီးလာ၏။ ကျန်တော် ဇာပြန်ပြောရမှန်မသိ ဖြစ်လား၏။ “မသိပါ၊ စုံစမ်းကြည့်ရပါဖို့သိမ့်။” ပြန်ဖြေလိုက်ရ၏။ “ယင်းပိုင်ဆိုကေ လာ….၊ အရီးရို့တည်းရေအိမ်က တဆင့်စုံစမ်းကြည့်မေ…လာ…လာ။

ကံကောင်းထောက်မလို့ ဘာဘာနှင့်မိမိရို့ ရွာတော်ကိုရောက်နီကြသည်ဟု ကြားသိရ၏။ ဘာဘာနှင့်မိမိရို့တည်းခိုနီသော အခင်မောင်လုံဖြူအိမ်သို့ ဆက်လိုက်လာကြသည်။ အခင်မောင်လုံဖြူအိမ်သို့ ၀င်ဝင်ချင်း “အခင်….အခင် ဘာဘာရို့မိမိရို့ အေမာဟိပါလာ။ ကျန်တော်ရို့ ဘာဘာနန်မိမိကို လိုက်ရှာနီကတ်ပါရေ”။ “မင်းဖနန့် မင်းမိရို့ ဘုန်ကြီးကျောင်းကို စာပီးဖို့လားကတ်တေ…ဝေ။ လိုက်လားဖို့ဆိုကေ အပါးချေရာဝေ။ လာ အခင်လိုက်ပြမေ။

ဘုန်ကြီးရှိ သင်္ဃာတန်းအောက်မှာ ကြောခိုင်းထိုင်လျက် စကားသာလာဘကျနီကြသည်ကို မြင်လိုက်သောကျန်တော် စိတ်မထိမ်းနိုင်ဘဲ၊ ကျောင်းကန်သိမ်ပုထိုးအား အာရုံမပြုနိုင်ဘဲ “မိမိ…..မိမိ…..အို…မိမိ” အသံတကြီ်း အော်ခေါ်လိုက်၏။ ကျန်အော်ခေါ်သံကြောင့် ဘုန်းကြီးကျောင်းတခုလုံ ပဲ့တင်ခပ်လျက် တကျောင်းလုံဟိသင်္ဃာ၊ လူမကျန် ရုပ်တရက်လန့်ဖြန့်လားကြ၏။ တယောက်မကျန် ကျန်တော်ဟိရာ ကျောင်းတန်းခါးဝသို့ အာရုံစိုက်လှည့်ကြည့်နီကြသည်။ မိခင်သည် ကြောခိုင်းထိုင်ရာမှ နောက်ပြန်လှည့်ကြည့်ကာ “ဦးကျော်သိန်း….မောင်ကြီး….ဦးကျော်သိန်း” ကျန်တော်ဟိရာသို့ ပြီးထလာပြီး ကျန်တော်အားဖက်ထားလိုက်၏။ ကျန်တော့်ဆံပင်များကို ယုယစွာပွတ်ကိုင်လျက် “အသက်ရှည်…ဘုန်းသျှင်” မျက်ရည်များစီးဆင်လျက် “ညီမချေညီချေရို့ကာ မောင်ကြီး” မိခင်၏အသံ မိနစ်များစွာရပ်လား၏။ “အားလုံးသူပါလာပါရေ….ရွာထဲမာကျန်ခပါရေ။” သားသမီလွမ်းနာကျနီသော မိခင်ကြီးသည် ငိုတဖက်ရယ်တဖက်နှင့် အလွန်ပျော်လား၏။

နိုလွတ်ခါစချန်ထားခရရေ ရင်သွီးငယ်ဝါ၀ါနှင့်သားသမီးများကို တွိ့ချင်ဇောနှင့် ရွာသို့ဗျာယာခတ်ဆင်းလာကြသည်။ သားသမီများကို မမြင်ရဘဲဝီးကွာနီရသော မိဖနှစ်ပါးသည် သားချေသမီးရို့ကို မြင်လိုက်ရသည့်အခါ အိမ်ခြံထဲသို့ ပြီးဝင် ၀င်လားကြ၏။ အိမ်ရှိပြင်ထိုင်စောင့်နီကြသော ညီချေညီမချေရို့လည်း ရုပ်တရက် “မိမိ….မိမိ၊ ဘာဘာ…ဘာဘာ” ငိုတ၀က်ရယ်တဖက်အော်သံများနှင့်အတူ ပြီးဖက်ထားလိုက်ကြ၏။ ကျန်တော်သည် အိမ်ခြံလမ်းဝက တပ်တိုင်ကိုကိုင်လျက် အတိုင်းအဆမဟိသော၊ နှိုင်ဆမနိုင်သော မိဖရို့၏ မဟာမောတ္တာသမုဒ္ဒရာနှင့်၊ သောက်သုံးမ၀နိုင်သော သားသမီးရို့၏ မိဖမောတ္တဆာလောင်ခြင်း လှုပ်ယှားမှုမြင်ကွင်းအား နောက်ကစောင့်ကြည့်လျက် အလွန်ပီတိဖြစ်မိ၏။ လူလားမမြောက်နိုင်သိမ့်သော သားသမီးများ၏မိဖမောတ္တာ ဆာလောင်မှုသည် မိဖနှစ်ပါးအား ပဒါမယ်ပြာလူးသကဲ့သို့၊ သားသမီးချေရို့လည့် သမုဒ္ဒရာရီကို သောက်သုံးသကဲ့သို့ သောက်ပြီးယင်းသောက်ယင်း မ၀နိုင်ကြ။ အာသီဿမပြေနိုင်ကြ။ မိဖမောတ္တာရီအိုင်ကလည်း ခမ်းခြောက်ခြင်းအစိုင်မဟိ။ ဤမြင်ကွင်းသည် ကျန်တော်၏ အမြင်အာရုံထဲက မည်သည့်အခါမှ မှုံဝါးလားလိမ္မည်မဟုတ်။ ကမ္ဗည်းကျောက်စာခပ်သကဲ့သို့ ကျန်တော်၏နှစ်လုံးသား၌ ထာဝါရစွဲကျန်နီပါလိမ္မည်။ မျက်ရည်များလည်း ကျန်တော်ပါးပြင်ပေါ်သို့ စီးကျလာကြသည်။

ဖခင်ကိုမမြင်ဖူးသောဝါ၀ါသည် ဖခင်နှင့်လိုက်ရန်တစိမ်းဆန်နီ၏။ ငိုရယ်မျက်နှာနှင့် ကျန်တော်၏ဖခင်သည် သိန်းအောင်ကျော်နှင့် မြသန္တာရို့အား ရွက်လျက် အိမ်သျှင်မကြီး၊ ခရီးကြုံလာကြသည့်အမျိုးသမီးဘကီးရို့အား အထူးကျေးဇူးတင်စကား ပြောပြပြီးနောက် မိသားစုအားလုံ အခင်မောင်လုံဖြူအိမ်ထွက်လာကြသည်။ လမ်းတလျှောက်လုံး ၀ါဝါသည် သမ၏မကျေနပ်ချက်များ၊ ခံစားချက်များအား၊ အဘောင်သျှင်ပြောစကားများ၊ အစ်ကိုယ်လပ် ပြုမူဆက်ဆံမှုများ၊ အစ်ကိုယ်ကြီး၊ အစ်မကြီးများက သူမအားဂရုမစိုက်၊ အစ်ကိုယ်ချေက အနိုင်ကျင့်မှုများအား တခုမကျန် မိခင်အားလျှောက်လွှာတင်လျက် မိခင်၏ရင်ခွင်၌ပိုးလျက်လိုက်လာ၏။ သူမအလွန်ဝမ်းနည်းနီ၏။ သူမအလွန်အားတက်ပျော်ရွှင်နီ၏။

(ခန်း ၃)
ရောက်ဖူးသည်ဟိအောင် ဒါကာမြို့သို့မိသားစုများနှင့်အတူ အလည်တခေါက်ရောက်အောင် လားခပြီးနောက်၊ မိဘများနှင့်တိုင်ပင်ဆွေနွေးပြီး အိုမင်းးမစွမ်းဖြစ်နီသော အဘောင်သျှင်နှင့် ညီငယ်အောင်ကျော်သိန်းရို့အား လုပ်ကျွေးပြုစုရန် ရခိုင်ပြည်သို့ ပြန်လှည့်လာ၏။ မခွဲမခွာချင်လိုကြသော ညီးမငယ်၊ ညီငယ်များ အစ်ကိုယ်လပ် အောင်ကျော်သိန်းအား ခေါ်ယူလာပြီး ပြန်လာလတ်ရန် တတွတ်တွတ်မှာလိုက်ကြ၏။ အဘောင်သျှင်၌ အားကိုးအားထားပြုရန် သားသမီဆွေမျိုးဟူ၍ နောက်ထပ်မဟိ။ တဦးတည်းသောသမီး ကြာသိန်းဖြူသည် သူမ၏လင်ယောက်ျား ဝေသန္တာရာနိုင်ငံရေးသမားနောက်သို့ ပါရမီဖြည့်မင်းသမီဖြစ်ရလီ၏။ ဤသည်မှာ အဘောင်သျှင်အားပြုစုစောင့်လျှောက်ရမည့် တာဝန်တခုလုံးသည် ကျန်တော်၏ပုခုန်းထက်သို့ အလိုအလျှောက်ကျရောက်လာ၏။

ကျောက်တော်မြို့နယ်ထဲသို့ တိုက်ရိုက်ပြန်ကြမည့် နွားကုန်သယ်များနှင့်အတူ ခရီလမ်းကြုံလိုက်လာ၏။ တောင်တန်းကြီးများ အထပ်ထပ်ကိုကျော်ဖြတ်ရမည့် လမ်းခရီသည် အလွန်ကြမ်းတမ်းပါ၏။ လက်နက်ကိုင်ရခိုင့်တော်လှန်ရေးများ ကြီးစိုးထားသော ဒေသဖြစ်သကဲ့သို့ ဗမာစစ်တပ်၏အထူးစစ်ဆင်ရေးနယ်ပယ်ဖြစ်၍ စစ်တပ်များထူထပ်စွာချထားကြ၏။ မည်သိုပင်ဆိုစေ မိမိ၌အထောက်အထား ပြည့်ပြည့်စုံစုံ
ပါလာသည့်အပြင် ဒီမိုကရေစီတော်လှန်ရေးသမားတဦး၏ သားဖြစ်နီမှုကို မည်သူမှသိမည်မထင်။ ထို့ကြောင်းပင် ကျောက်တော်မြို့နယ် ပီချောင်းဖျား၌ ချထားသော ဗမာစစ်တပ်များမီးမြန်းစစ်ဆည်းခြင်းမှ အောင်မြင်စွာလွတ်မြောက်လါပါ၏။ နွားကုန်သယ်များနှင့် လမ်းခွဲ၍ ကျောက်တော်မြို့သင်္ဘောဆိပ်ဟိ ထမင်းဆိုင်တဆိုင်၌ ကျောက်တော်စစ်တွေ သင်္ဘောအဆင်းကိုစောင့်ယင်း တည်းခိုနီလိုက်၏။ ကျောက်တော်နှင့်တဖက်ကမ်းမှ ကျောက်တော်တောင်စေတီကြီးသည် ဗုဒ္ဓသမိုင်း၊ ရခိုင်ရို့၏ပြောင်မြောက်ခသော သမိုင်းများကို ရင်ဝယ်ပိုက်လျက် မားမားမတ်မတ်ရပ်ကာ သမိုင်းတခေါတ်ကို ကြံကြံခံလျက်၊ သမိုင်မှန်နွံမနစ်သော နောက်တကြိမ်တောက်ပြောင်လာမည့် သမိုင်းသစ်ကို စောင့်မျှော်နီဟန်ပေါ်၏။ အလွန်ပင်ခန့်ညားဌေ၀ါပ၏။ သမိုင်ဟူသည် ပတ္တမြား၊ ပတ္တမြားမှန်နွံအောက်မကျွံဟူသော ပညာဟိများ၏စကား အလွန်ပင်မှန်လှပါ၏။ တည်းခိုနီသောထမင်းဆိုင်ရှိမှ ထိုင်လျက် ကျောက်တော်တောင်ကြီးအား ငေးမောကြည့်လျက် ဤသို့သောသမိုင်းအချိန်အ၀ါကြီးမားမှုကြောင့် သားသမီပစ်၊ မယားပစ်၊ ဆွေမျိုးပစ်လျက် ကိုယ်ကျိုးစွန့် အနစ်နာခံကာ တိုင်ပြည်နန့်လူမျိုးအတွက် အဖက်ဖက်မှသက်စွန့်ကြိုးပမ်းခသော၊ ကြိုးပမ်းနီကြသော ရခိုင်မျိုးချစ်များအား အထူးကြည်ညိုလေးစားမှုနှင့်အတူ ရခိုင်ပြည်ကြီးလွတ်မြောက်အောင် ကြိုးစားနိုင်ကြပါစီ…ဟု အားပီးအားမြှောက်ပြမိ၏။ ရခိုင်ပြည်ကြီး ကမ္ဘာတည်သ၍ တည်တမ်းနိုင်ပါစီ..ဟုလည်း ရည်သွမ်းမိ၏။

လမ်းခရီးတလျှောက်လုံး ခြီကျင်လျှောက်လာရသောကြောင့် ညောင်းညာနီ၏။ တကိုယ်လုံးလည်းကိုက်ခဲနီ၏။ စောစောအိပ်ရာဝင်ထားမှ ကောင်းမည်။ မိုးမလင်းခင် သင်္ဘောလက်မှတ်ဖြတ်ထားရန်၊ နီရာဦးယူထားရန် အရေးကြီး၏။ စောစောစီးစီး လှဲယောင်းနီလိုက်၏။

ထမင်းဆိုင်တခုလုံးဓါတ်မီးများဖြင့် ရုပ်တရက်ထိမ်လင်းလား၏။ ဂျီသရီး၊ ဂျီဖိုးပြောင်းဝများ ကျန်တော်ထံသို့ ယင်မြန်စွာဆိုက်ရောက်လာ၏။ ကျန်တော်မျက်စိပြူးလား၏။ ဗြုန်းဒိုင်းဝင်ရောက်လာသော စစ်ဖနပ်ခွာတဖက်သည် ကျန်တော်ရင်ဝသို့ပြီးဝင်လား၏။ နောက်ဘုတ်ဖနပ်တဖက်သည် ကျန်တော်၏မျက်နှာကို ရောင်စုံပတလုံးများတောက်အောင် နမ်းလိုက်၏။ နှာခေါင်းမှ သွီးစက်များဖြာထွက်လား၏။ သနပ်ဘောင်များ နောက်ကုန်းသို့ တဘုန်းဘုန်းကြွီကျာလာကြ၏။ ရင်ညွတ်ကို ပြောင်းဝဖြင့်အကြိမ်းများစွာ ထိုးသတ်ကြ၏။ နားနှစ်ဖက်မှ သွီးစက်များယိုထွက်လာ၏။ သွားများငလျှင်လှုပ်လားကြ၏။ ထမင်ဆိုင်ဝမှ ကျောက်ချလိုက်သည်ကိုသာ အသိစိတ်၌မှတ်မိ၏။ ကျန်တော်၏အသိအာရုံတခုလုံး နှစ်ခြစ်စွာ အိပ်မောကျလားရပါ၏လော။

မျက်နှာသို့ရီစက်များ သွန်ကျလာသည်။ ကျန်တော်လန့်နိုးကျလား၏။ ခန္ဓာကိုယ်တခုလုံး တုံခါနီ၏။ နာကြင်နီ၏။ မျက်နှာတခုလုံးလည်း စည်တင်းသကဲ့သို့ ရောင်တင်းနီ၏။ နောက်ကုန်း၊ ရင်ဖတ်များလည်း အောင့်နာနီ၏။ ခြီထောက်ကိုတချက် ဆွဲမိ၏။ ကျန်တော့်ခြီထောက်နှစ်ဖက်စလုံး ဆွဲမပါလာ။ မျက်ခုန်းဖုံးနီသော မျက်စိတစုံကို အားဓမ္မဖွင့်၍ ရှာကြည့်လိုက်သည်။ ခြီနှစ်ဖက်စလုံး ထိပ်တုံးကြားကို ရောက်နီ၏။ ပထ၀ီမြီကြီး အီစက်မှုကြောင်း အလွန်ချမ်းလာ၏။ တဟိန့်ဟိန့်ကြိုင်းလျက် မိဘများအားတမ်းတမိ၏။ ဘုတ်ဖနပ်တစုံ ကျန်တော့်မျက်နှာရှိ၌ရပ်လျက် “ဟဲ….ယခိ၊ ယခိ” ယိ့သပ်သပ်ခေါ်နီသည်။ မျက်လုံဖွင့်၍ကြည့်မိသည်။ “ယခိ..သတိယပြီလား၊ မင်းနာနည်ဘာလဲ”။ “ဦးကျော်သိန်း” လျှာလုံ၍ပြန်ဖြေလိုက်သည်။ အံဘောင်များ၊ လျှာရင်းများ မလှုပ်နိုင်အောင်နာကြင်နီ၏။ “ဘယ်လို….ဉ်ီးကျော်သိန်း..ဟုတ်လာ။ မှန်မှန်ပြော၊ မပြောယင် အသေသတ်ပစ်မယ်….ကြားလာ” ဟောက်ငေါက်လာ၏။ “အဖေနာမည် ဘယ်လိုခေါ်လေ။” “ဦးသာဇံ” “ဘယ်ကပြန်လာတာလဲ” “ဘင်္ဂလားဒါခ်ျ”။

လွယ်ထားသောသနပ်ကို ဘဲသို့လွှဲလိုက်ပြီး၊ ကျန်တော်မျက်နှာနား ထိုင်ချလိုက်သည်။ “အဲဒီမှာ ဘာသွာလုပ်လေ” မကြားရ၍ အနားကပ်မီးလာသည်။ “ညီလေ၊ ညီမလေးတွေကို မိမိနဲဘာဘာတို့ဆီလိုက်ပို့ခဲတယ်။” “မင်းမိဘတွေ ဘင်္ဂလားဒါခ်ျမှာ ဘာလုပ်လေ။ ဖာခံနေကျတာလား” မိဖနှစ်ပါးအားစော်ကားလိုက်၏။ “ဒီမိုကရေစီ ဖာခံနေတာလား…ဟုတ်လာ” ပို၍ယုတ်မာလာ၏။ “ဆိုင်ယောင်းနေကျတယ်။” “မအေလိုး ညာနေသေးတယ်” အော်ဆဲလိုက်ပြီး ကျန်တော့်ဆံပင်ကို ဆွဲဆုပ်ကိုင်လိုက်လျက် တညဇာလုံး အသတ်ခံထားရသောမျက်နှာ ဖူးရောင်မဲညိုနီသည်ကို လက်ဝါးဖြင့်ထပ်၍ ပိတ်သတ်လိုက်သည်။ မျက်လုံးများပြူးထွက်လားမတတ် ခံစားလိုက်ရ၏။ နှာခေါင်းမှ သွီးတောက်များယိုထွက်ကျလာ၏။ တဆပ်ဆပ်ခါနီသော ကျန်တော့်ကိုယ်ခန္ဓာကို မြီကြီးသို့ ဆောင့်ချလိုက်ကာ၊ ရင်ညွတ်ကို ဒူးငုတ်ဖြင့် ထောင်းချလိုက်သည်။ ပါးစပ်မှ သွီးခဲများအော့ထွက်လာ၏။ စစ်သားသုံးလေးယောက် အခန့်ထဲဝင်လာကြပြီး ကျန်တော်အား ထိပ်တုံးမှပြန်ဖြုတ်ကာ ခြီထောက်နှစ်ချေင်းကို ပူးချိုင်လျက် ဇောတ်ထိုးမိုးပြန် တွဲလောင်းချိုင်ထားလိုက်သည်။ မျက်နှာကို အ၀တ်ဖဲ့ဖြင့်ချုပ်ထားကြသည်။ ၀တ်ထားသော အင်္ကျီ၊ ဒယောများကို ဆွဲချွတ်လိုက်ကြသည်။ အ၀တ်မဲ့ကိုယ်ခန္ဓာအား လိပ်ကျောက်ပုတုံးဖြင့် အဆက်မပြတ် တဖျိန်းဖျိန်းသတ်ကြသည်။ နောက်ကုန်း၊ ရင်ဖတ်၊ ၀မ်းကြောများမှ သွီးစက်များယိုထွက်ကျလာ၏။ တွဲလောင်းချိုင်ထားရာ ဂေါင်းအောက်မှာ ရီဖြည့်ထားသော စည်ပိုင်၌ ကျန်တော့်ဂေါင်းကို မြှုတ်လိုက်၊ ဖေါ်လိုက်နှိပ်စက်ကြသည်။ လုံးဝမခံနိုင်သည့်နောက်ဆုံး ညီးငယ်ညီမငယ်များအား မိဖထံသို့ လိုက်ပို့ခကြောင်း၊ ဖခင်သည် Arakan League for Democracy (ALD ရခိုင်ီမိုကရေစီအဖွဲ့ချုပ်) ပါတီဝင်ဖြစ်ကြောင်း၊ လက်ဟိဘင်္ဂလားဒါခ်ျနိုင်ငံဆိုင်ရာ တာဝန်ခံဥက္ကဌဖြစ်ကြောင်း အမှန်တိုင်းယှင်းပြလိုက်ရ၏။

မီမြန်းစစ်ဆေးပြီးနောက် တွဲံလောင်းချိုင်ထားရာမှ ပြန်ဖြုတ်လိုက်ကြသည်။ ကျန်တော်အားလက္ဘက်ရည်တခွက်တိုက်ကြပြီး၊ ဆီးကရက်တလိပ်ကို မီးစွဲလို့ပီးလာ၏။ ဆီးကရက်နှင့် လက္ဘက်ရည်ကိုသောက်ရန်ကား ကျန်တော့်လက်ချောင်းများ မစွမ်းသာချေ။ ကျန်တော်ပါးစပါထဲ ဖြဲ၍လောင်းထည့်ကြသည်။ ကျန်တော်ဆီးကရက်ကို ချိပ်သောက်လိုက်သည့်နောက် မျက်လွှာများ မျက်စိများအား တခါးပိတ်ကျလာသည်။ ကိုယ်ခန္ဓာညောင်းညာလာသည်။ တဖြည်းဖြည်း ကျန်တော်အိပ်ချင်လာ၏။ အမှောင်ခန်းထဲမှာ နှစ်ရက်လုံးလုံး အိပ်ပျော်လားပြီးနောက်၊ ကျန်တော်အား နောက်တခန်းသို့ပြောင်း၍ ဆီးထိုး၊ ဆီးပွတ်လုပ်ကြပြီး၊ ကျောက်တော်တရားယုံး၌ နိုင်ငံတော်ပုန်ကန်သူများအား သတင်းပီးအမှုဖြင့် ကျန်တော်အားတရားစွဲဆိုလိုက်ကြ၏။

ကျောက်တော်ထောင်ချုပ်ထဲ၌ (၆) လခန့်ထားပြီးနောက် စစ်တွေထောင်သို့ ထောင်ပြောင်းလိုက်ကြသည်။ ကျောက်တော်စစ်တွေ သင်္ဘောထက်၌ ၀ိုင်ကြည့်ခံရသည်။ မည်သူတဦးတယောက်မျှ ကျန်တော်အား စကားစပ်ပြောချင်ကြဟန်မပေါ်။ သို့သော် ကျန်တော်အနီးအနားဟိသူများထံမှ ဆီးလိပ်တောင်းသောက်ကြည့်သည်။ တချို့ကလည်းမပီးချင်ကြသည့်အပြင် အထင်အမြင်မချင်းသောမျက်နှင့် ကြည့်ကြ၏။ တချို့ကလည်း အိပ်ထဲကဖက်ဆီးလိပ်များထုတ်ပီးကြ၏။ စစ်တွေဆပ်ရကျချေင်း သင်္ဘောဆိပ်၌လည်း လူများကျန်တော်အားဝိုင်းအုံကြည့်နီကြသည်။ ကျန်တော်၏ကိုယ်ခန္ဓာတခုလုံး ဒါဏ်ရာဒါဏ်ချက်၊ အမာရွက်များနှင့် ပြည်ချံနီ၍ မည်သူမှ မှတ်မိပုံမပေါ်။ ရုပ်သွင်ပြောင်းနီသော ဦးကျော်သိန်း၏ လက်နှစ်ဖက်ကို နောက်ပြန်လက်ထိပ်ခတ်ထားသည်ကို ၀ိုင်ကြည့်ကြဟန်ပေါ်၏။ ကျန်တော် မျက်နှာမဖေါ်ဝံ့အောင်ပင် ရှက်နီ၏။
စစ်တွေထောင်တွင်း၌ ကျန်တော်အား ရာဇ၀တ်မှုကြီးသူများ၊ ကြိုးစင်တင်ရန်ထားသော ထောင်သားများနှင့်အတူ တိုက်ပိတ်ထား၏။ ညီငယ်အောင်သိန်းနှင့် အဘောင်သျှင်ရို့အား ဆက်သွယ်ရန် အလွန်ခက်ခဲ့နီချိန် ရမာန်းတပါတ်ယုံးချိန်းကျသောနိ့ တရားယုံးအချုပ်ခန်းထဲ၌ မှတ်မထင်ဘဲ သူငယ်ချင်းတယောက်နှင့် တွိ့ခွင့်ရလိုက်၏။ သူငယ်ချင်းအား စာတိုတစောင်ကို ညီဖြစ်သူအောင်ကျော်သိန်းထံ ရောက်အောင်ပို့ပီးရန် ကုညီတောင်းလိုက်ရ၏။

အခန်း (၄)
“အောင်ကျော်သိန်း၊ အောင်ကျော်သိန်း” အသံတုန်တုန်ဖြင့် အဘောင်သျှင်အော်ခေါ်သံကြားရသော အောင်ကျော်သိန်းသည် ရီဆိုင်းထမ်းကို ဒရွင်းစည်ပိုင်းနား မျှောင်ချထားလိုက်ပြီး လက်နှစ်ဖက်ကိုခါးထောက်လျက် “ဇာလေ… ကျွိ့ကျွိ့ခေါ်နီရေ၊ ရီမပြည့်သိမ့်။ ရီခပ်ရဖို့သိမ့်။ ဇာလုပ်ဖို့လဲ ခေါ်စွာ” စိတ်ဆိုးဆိုးဖြင့်ပြန်မီးလိုက်သည်။ “အဘောင်သျှင်တခုပြောမေ၊ ဒေမာ စာတစောင်ရောက်နီရေ။ ဇာလေချင့် ဖတ်ကြည့်ဇမ်”ပြောယင်း အိမ်ရှိသို့ထွက်လာသော အဘောင်သျှင်လက်မှ အောင်ကျော်သိန်း စာကိုလှမ်ယူဖတ်ကြည့်လိုက်သည်။

သို့
ညီချေ အောင်ကျော်သိန်း

ရက်စွဲ ၆၊ ၀၇၊ ၉၉

အားကိုးကြီးစွာနန့် အကိုကြီးစာရွီးသတင်းပို့လိုက်တေ။ အကိုကြီး ဘင်္ဂလားဒါခ်ျက ညီချေ၊ ညီမချေရို့ကို လိုက်ပို့လို့အပြန်ခရီးမာ နွားကုန်သယ်တိသတင်ပီးရေအတွက်ကြောင့် ကျောက်တော်မြို့ထက်မာ စစ်တပ်နန့်စစ်ထောက်လှမ်းရေးက ဖမ်းဆီးချုပ်နှောင်လိုက်ကတ်တေ။ အေကု စစ်တွေထောင်ကို ရောက်နီရေ။ အကိုကြီးကို တိုက်ပိတ်ထားရေ။ တယောက်နန်လေ့ ဆက်သွယ်မရစွာ (၄) လ လောက်ကြာလားပျာ။ ထောင်ထဲမာ တယောက်တည်းစိတ်ကိုဖြည့်တင်းပြီး နီနီရရေ။ အကိုကြီးမာ ဒယော၊ အင်္ကျီ၊ ပဆို တခုလည့်မဟိ။ သမာန်တလင်းထက်မာ အ၀တ်မဲ့အိပ်နီရရေ။ စစ်ထောက်လှမ်းရေက နှိပ်စက်လို့ အကိုကြီး ကျန်းမာရေး ကောင်းနီမကောင်းဖြစ်နီရေ။ အထက်က ဖေါ်ပြထားရေ ပစ္စည်းတိကိုယူလာပြီးကေ ထောင်ဝင်စာတခေါက် လာတွိပါဝေ…..ညီချေ…..

မင်းအကိုကြီး
ဦးကျော်သိန်း
စစ်တွေထောင်

“သီ……..သီ…….၊ လေးဆယ်ငါးခါ…သီ။ မင်းမသီကေ…အသူသီဖို့လဲဝေ အကိုကြီး။ မင်းကို ငါအမြှုတ်ထွက်အောင် ပြောလိုက်တေ။ အချေတိကို လိုက်မပို့ခီကဲ့။ မင်းဒုက္ခကို မင်းခံ၊ ငါနန့်တခုလေ့မဆိုင်” ဒေါသကြီးတတ်သော အောင်ကျော်သိန်းသည် အန်ကြိတ်မြည်တွန်လိုက်၏။ “ဇာလေချင် မင်းအကိုကြီး ဇာဖြစ်နီလေ။ အဘောင်သျှင်ကိုချက် ပြောပြပလင်” သိချင်ဇောကြီးဖြင့် မီးလာသော အဘောင်သျှင်အား နောက်တကြိမ် အသံထွက်ဖတ်ပြလိုက်သည်။ “ဘုရား…..ဘုရား….ဒုက္ခငရဲကြီး” မြည်တွန်လျက် သူမ၏ပါးရီလိပ်များကြားသို့ မျက်ရည်စက်များ ဖြတ်စီးဆင်းလားကြ၏။ “ဇာလောက်ဒုက္ခ ရောက်နီလိမ့်မေ မသိမြီးချေ။ ဦးကျော်သိန်းကိုလားတွိကတ်မေနန့် မြီးချေနန့်” အားကိုးမဲ့စွာမီးလာ၏။ “အဘောင်သျှင်လားတွိခီ……ငါမတွိ။ ယင်းသူကို ယင်းလောက်ပြောလိုက်တေ အချေတိကို လိုက်မပို့ခီကဲ့။ သားသမီးကို ဂရုမစိုက်တေမိဖကို ဇာလုပ်ဖို့လိုက်ပို့ဖို့လဲ့။ ငါရို့တိကို ကမြင်းလို့မွီးပစ်ခစွာလာ။ သားမစစ်သမီးစစ် ထွက်ပြီးလားခကတ်တေ။ သားသမီးကိုမစစ်တေမိဖကို သားသမီးကစစ်ရဖို့လား။ ယင်းသူဒုက္ခကို ယင်းသူခံ…ငါနန့်တခုလေ့မဆိုင်။ တွိ့ချင်ကေ အဘောင်သျှင်လားတွိ့ခီ။ ငါမတွိ့” အဘောင်သျှင်ကို ငေါက်အော်ပြာဆိုပြီး အောင်ကျော်သိန်း ရီဆိုင်းထမ်းကိုထမ်းလျက် ရီခပ်ထွက်လားလီ၏။

ထောင်တွင်းထဲ၌ နှစ်တာရှည်ထောင်ဒါဏ်ကျနီသော ထောင်သားတဦး ကျန်တော့်ထောင်တန်းခါးဝရှိမှာရပ်လျက် “ဦးကျော်သိန်း…..မင်းဖနာမေ ဇာခေါ်လေ” မီးလာ၏။ “ဦးသာဇံ….” “အိမ်ကလူလာတွိ့ရေ….ငါနောက်ကို လိုက်ပါလတ် ဝေး” ကျန်တော်လည့် ထောင်ဝင်စာလာတွိ့ရာနီရာသို့ ဥိးဆောင်လားနီသော ထိုထောင်သားနောက်သို့ လိုက်လာ၏။

သံဇာကာပေါက်များကြားမှ အိုမင်းမစွမ်းရောက်နီသော အဘောင်သျှင်၊ ညီချေအောင်ကျော်သိန်းရို့ကို လှမ်းမြင်လိုက်ရ၏။ စိတ်ထဲ၌ ၀မ်းမြောက်အားတက်မိသော်လည့် အဘောင်သျှင်သည် ရုပ်ပျက်နီသော ကျန်တော်အားမြင်လိုက်ရသည့်အခါ ၀မ်းနည်းကြီးကွဲစွာ အော်ငိုလိုက်၏။ မျက်ရည်များသူမ၏ ပါးရီလိပ်ကြားများသို့ ၀င်ပြီးလားကြ၏။ ပါးရီလိပ်များကြားမှ ပြီးထွက်လာကြ၏။ “ဦးကျော်သိန်း….ဥိ်းကျော်သိန်း” အောင်ခေါ်ပြီး သူမစားသံများရပ်နားလားဟန်ပေါ်၏။ အဘောင်သျှင်အား စိတ်ဓါတ်မကျအောင် အားပီးစကားများပြောပြီး၊ အောင်ကျော်သိန်းအား ရှိနီငှားရန်တိုက်တွန်းလီ၏။ သို့သော် အောင်ကျော်သိန်း၏ ဒေါဿက မီးတောင်ပေါက်ကွဲလာသကဲ့သို့ တဟုန်းဟုန်းစီးထွက်လာ၏။ “အဝေး…..အကိုကြီး မင်းကိုငါ အကြိမ်ကြိမ်ပြောလိုက်တေ။ အချေတိကိုလိုက်မပို့ခီကဲ့။ သားသမီးတရွီကိုပစ်လို့ လင်နောက်ကိုလိုက်ပါလားခရေ မိမိလေ၊ ငါရို့ကိုထက် ဘာဘာကိုရာချစ်တေ..ဝေ…၊ အများလူတကာ ကျောင်းတက်နီရေအချိန်မာ ငါရို့လက္ဘရည်ဆိုင်မာ စပွဲထိုးလုပ်လို့၊ ကားဝက်ချွက်မာ သံချီးခြစ်လို့ ညီချေညီမချေတိ လုပ်ကျွေလို့ကျန်ခရရေ။ ဘာဘာထွက်လားလို့မကျီ၊ နိုညှီမစင်ရေ အချေကိုပစ်လို့…..ငါရို့အမိလေ…လင်နောက်ကိုရာလိုက်လားခရေ။ ဖြတ်ဖြတ်တီလို့ လိုက်လားခရေ။ သားသမီးကိုထက် လင်ကိုချစ်တေဝေး……။ ကမ္ဘာမီးလောင်သားကောင်ကိုရာခုထိုင်ရေဝေး…….။ လင်ကောင်ကိုခုထိုင်ရေလို့မဟိ….မှတ်ထားမင်း။ မိဖ၀တ္တရားမကျီပြွန်ရေ….အေပိုင်မိဖမျိုးကို…ငါအောင်ကျော်သိန်း….ဘာဘာဦးသာဇံ၊ မိမိကြာသိန်းဖြူရို့ကို မိဖအဖြစ်က တသက်ပါတ်လုံး စွန့်လွှတ်လိုက်ပျာဝေး….အကိုကြီး။ တရပ်ကွက်လုံးမာ အောင်ကျော်သိန်းမာ မိဖမဟိလို့ မောင်းခတ်ကြေငြာလိုက်ပျာ။ သားသမီးမစစ်တေမိဖကို မိကောင်းဖခင်လို့ မခေါ်ဝေး………၊ ယင်းပိုင်စွန့်ပစ်ခြင်းခံရရေ သားသမီးကိုလေ့ မိကောင်းဖခင်သားသမီးလို့ မခေါ်ဝေး……..မှတ်ထားမင်း။ ကောင်းကောင်းရှက်ဖိုကောင်းရေဝေ အကိုကြီး။ ငါ့ကိုငါရှက်တေ။ ယေဇူနန့် လူတောသျှင်တောကို ငါမလား။ မိဘမဟိဆိုခါမှ ညီးအကိုမောင်နှစ်မလေ့ ဟိသိမ့်လာ။ ဒေမာ မင်းအတွက် အဘောင်သျှင်မာယူခရေ အ၀တ်အစားနန့် ထမင်းခြောက်တပူး ရဲသားဘက်မာထားခယင့်။ လားပျာယေ။ ကိုယ့်ပြဿနာကို ကိုယ်ဖြေယှင်။” ဒေါဿမုန်းတိုင်းတိုက်ပြီး အောင်ကျော်သိန်း ထောင်ဝင်စာလာတွိ့ရာမှ နောက်ပြန်လှန်ထွက်လားလီ၏။

ဤအဖြစ်အပျက်တခုလုံးသည် မိဘနှစ်ပါးမှာလည့် အပြစ်မဟိသလို ညီချေအောင်ကျော်သိန်းမှာလည်း အပြစ်မဟိဟု ကျန်တော်ကောင်းကောင်း သဘောာပေါက်မိ၏။ သို့သော် အောင်ကျော်သိန်းအား သဘောပေါက်နားလည်လာအောင် ယှင်းပြရန်ကား ပြောပေါက်မရလိုက်ချေ။ မိဘနှစ်ပါးသည် အုပ်ချုပ်သူဗမာစစ်ထောက်လှမ်းရေးနှင့် ၄င်းစစ်အာဏာသျှင်ရို့၏ သားကောင်းဖြစ်လာရသလို သူရို့၏သားသမီးများသည်လည်း နိုင်ထက်စီးနင်းမှု လောင်းရိပ်အောက်မှာ အသစ်အအုံဖျက်စီးခြင်းခံလိုက်သည်မှာ ဖိနှိပ်စိုးမိုးသူရို့၏ စနစ်ဆိုးကြောင်းသာဖြစ်ရ၏။ သားသမီးများသည်လည်း မိဘရို့၏ ရင်ဝယ်အောက်က ခွဲထုတ်ခြင်းခံလိုက်ရသည်။ ထိုအတူ မိဘနှစ်ပါးသည်လည်း ချစ်လှစွာသော သားသမီးများအား မလှမပခွဲခွာကြရ၏။ ဤသည်မှာ အုပ်ချုပ်ခံသူရို့၏ အပြစ်ကားမဟုတ်။ ကျူးကျော်လွှမ်းမိုးထားသူရို့၏ လက်ချက်သာဖြစ်သည်။ စနစ်ဆိုးဝါဒဆိုးသာဖြစ်သည်။ ညီချေအောင်ကျော်သိန်း နားလေနိုင်စွမ်းနည်းပါးမှုမှာ သဘာဝမကျဟု မဆိုနိုင်ပေ။ အသက်အရွယ်နုငယ်၍သာဖြစ်သည်ဟု ခွင့်လွှတ်မိ၏။ ညီချေအောင်ကျော်သိန်း တနိနိတရက်ရက် နားလည်သဘောပေါက်လာလိမ္မည်ဟု မျှော်လင်းလျက် တတွတ်တွတ်ပြောနီသော အဘောင်သျှင်၏ စကားသံများကိုစူးစိုက် နားထောင်လိုက်၏။

အခန်း (၅)

လပေါင်းများစွာကြာလားခပြီးနောက် အမှတ်မထင် အောင်ကျော်သိန်းထံသို့ စာတစောင်ရောက်လာ၏။ အောင်ကျော်သိန်း စိတ်မပါတပါ စာအိပ်ကိုဖွင့်ဖတ်လိုက်၏။

သို့
ညီချေ အောင်ကျော်သိန်း

ညီချေနီကောင်းလိမ့်မေလို့ မျှော်လင်းလျက်၊ ညီချေဘ၀အပြင်ဘက်က တော်စပ်နီရေ နောင်တော်ကြီး ချစ်ခင်စွာနန့် စာရွီးလိုက်တေ။ စိတ်တိုင်မကျကေ အေစာကိုဆုတ်ဖြဲ ၀ဲသတ်ပစ်လို့ရရေ။ မင်းသဘောမကျရေ အကြောင်းအရာတခုကို အကိုကြီးယှင်းပြမေ။ စိတ်ရှည်ရှည်ထားဖတ်ကြည့်။ မင်း ဘာဘာနန့်မိမိရို့ကို အထင်လွဲနီရေစိတ် ကကောင်းကြီးထွား နီရေ။ ယင်းအတွက်နန့် အကိုကြီးစိတ်မကောင်း။ စိတ်မချမ်းသာ။ ဘာဘာနန့်မိမိရို့သိကေ ဇာလောက်ခံစားရကတ်မေ မသိ။ ယူကျုံးမရဖြစ်ကတ်ရဖို့စွာ သေချာရေ။

ကျူးကျော်သူအာဏာသျှင်စနစ်ဆိုက ငါရို့မိသားစုကို အစိတ်စိတ်အမွှာမွှာ ဖြစ်အောင် ဖန်တီလိုက်တေ။ ခွဲခြမ်းလိုက်တေ။ မင်းနားလေအောင် အကိုကြီးယှင်းပြမေ။ ၁၉၈၈ ခုနှစ်မာ ၈၈၈၈ ဒီမိုကရေစီအရေးတော်ပုံကြီး ပေါ်ထွက်လာရေ။ ဒီမိုကရေစီနန့် စစ်မှန်ရေ၊ အမျိုးသားအုပ်ချုပ်ပိုင်ခွင့်ပါဝင်ရေ ဖိုင်ဒရယ်ပြည်ထောင်စု ထူထောင်ဖို့ကြိုးစားလာကတ်တေ။

ဒီမိုကရေစီအရေးခြင်းကြောင့် ၁၉၉၁ ခုမာ ပါတီစုံရွီးကောက်ပွဲကို စစ်အာဏာသျှင်ရို့ စိတ်မအီမသာ လုပ်ပီးရရေ။ အေရွီးကောက်ပွဲမာ ရခိုင့်ဒီမိုကရေစီအဖွဲချုပ်က တတိယအများဆုံး မဲနိုင်ခရေ။ ယင်းရခိုင့်ဒီမိုကရေစီအဖွဲချုပ်မာ ငါရို့ဘာဘာရေ စစ်တွေမြိုနယ်အတွင်းမာ တက်ကြွရေ လူငယ်ပါတီဝင်တဦးဖြစ်လာရေ။ တိုင်ပြည်နန့် လူမျိုးအတွက် ပြည်တွင်းထဲမာကြိုးစာနီယင်း စစ်ထောက်လှမ်းရေးက တက်ကြွရေ လူငယ်ရို့ကို လိုက်ဖမ်းမှုကြေင့် မလွှဲမယှောင်သာ နိုင်ငံခြားကိုထွက်ပြီးလားရရေ။

ဘာဘာနိုင်ငံခြားမာ နိုင်ငံရေးလှုပ်ယှားလို့ ငါရို့မိမိကို ဗမာစစ်ထောက်လှမ်းရေးရို့ စစ်ဆေးရေးစခန်းမာ ဖမ်းယူချေုပ်နှောင်ပြီးကေ စစ်ဆေးခြင်းခံရရေ။ ညှင်းပန်းနှိပ်စက်ခံရရေ။ ယငနောက်မာ တပါတ်တကြိမ် အိမ်မာဟိကြောင့် စစ်ထောက်လှမ်းရေးစခန်းကို လူကိုယ်တိုင် သတင်းလားပီးရရေ။ ညာဉ့်နိမယှောင် အချိန်တိုင်မာ ခေါ်ယူစစ်ဆေးခံရရေ။ မင်းအသိ..ဝေ…ညီချေ။ မင်းကိုယ်တိုင်မျက်မြင်ကိုယ်တွိ့ တယောက်ဟုတ်တေ မဟုတ်လား။ ယင်းပိုင်စစ်ဆေးမီးမြန်းနီချိန်မာ ငါရို့မိခင်ကို ကိုယ်ထိလက်ရောက် သတ်ပုတ်ညှင်းဆည်းခကတ်တေ။ မိခင်နန်အမြဲကပ်ပါတတ်တေ ၀ါဝါခိုင်ကို အမိရင်ခွင်က ယူပြီးကေ “လာ…အဖေနဲ့လာ။ ဖအေတူ သမီးလေး၊ အဖေသမီးလေး…..အဖေဆီကိုလာ” ဖမစစ်ဗမာစစ်သားရို့က အမျိုးမျိုးကဲရဲ့တိုင်ထွာ ကတ်တေ။ ယင်းပိုင် ပစအပုတ်နန့် ယုတ်မာတိုင်ထွာခြင်းခံရရေ။ ကိုယ်ထိလက်ရောက် အနိုင်ကျင်ခံရစွာက ဇာလောက်များလိမ့်မေ မသိ။ စိတ်ပိုင်ဆိုင်ရာ ဖိနှိပ်မှုခံရရေ။ ငါရို့ဖခင်ကို ပြန်ခေါ်မပီးနိုင်ကေ နှစ်ရှည်ထောင်ချဖိုထိ ခြိမ်းခြောက်လာလို့ မခံမရပ်နိုင်ဖြစ်ပြီးကေ နိုညှီမစင်ရေ ၀ါဝါခိုင်ကို ပစ်ပနာ ဘာဘဟိရေဘင်္ဂလားဒါခ်ျကို တိတ်တိတ်ချေ ခိုးထွက်လားရစွာဖြစ်တေ။

အဝေ…ညီချေ၊ အကယ်၍ မင်ရာခွဲစိတ်ကုဿရေ ဆရာဝန်တယောက်ဆိုကေ ငါရို့မိခင်ရင်ထဲမာ ကြိတ်မှိတ်ခံစားနီရရေ-ချင်းပြလိုနားမလည်နိုင်ရေခံစားချက်တိ၊ ဖြီဖျက်လိုမရနိုင်ရေ ဝေဒနာ၊ ကုဿလို့ မပျောက်ကင်းနိုင်ရေ ဒါဏ်ရာဒါဏ်ချက်တိ၊ ဖြေဖျက်လိုမရနိုင်ရေ အမာရွက်အကျိတ်အခဲတိကို- ခွဲစိတ်ကြည့်ကေ ကောင်းကောင်းတွိ့ရလိမ့်မေ။ အေပိုင်ခံစားချက်မျိုးကို မျှယူခံစားကြည့်စွာကလွဲလို့ တခြားနည်းနန့် မတွိ့မမြင်နိုင်၊ ကုဿဖို့ မစွမ်းဆောင်နိုင်။ ရဲမယ်၊ စစ်မယ်မဟိရေ ရခိုင်ပြည်ထဲက ဗမယစစ်ထောက်လှမ်းရေး ယောက်ျားတိကြားထဲမာ အမျိုးသမီး (ငါရို့မိမိ) တယောက်တည်း ညာဉ်ံမယှောင် စစ်ဆေးမီးမြန်းခံရမှု၊ ဆဲရဲတိုင်းထွာခြင်းခံရမှုတိရေည အမျိုးသမီးတယောက် လုံခြုံမှုအခွင့်အရေးကို ဇာလောက်ထိခိုက်၊ ချိုးဖောက်ခံနီခရရေဆိုစွာ မင်သိယင့်လား။ နားလည်ယင့်လား….ညီချေ။ အဲ…ဝေ…ယင်းပိုင်အလားတူ အဖြစ်အပျက်တိ ရခိုင်ပြည်တွင်းထဲမာ အများကြီး။ လူမသိဘဲ ဖုံးကွယ်ခံထားရရေ အဖြစ်အပျက်တိလေ့ အမြောက်အများ။ စီးပွားရေး လုပ်ချင်လို့ သမီးအပျိုစင်ကို ဗမာစစ်သား၊ ထောက်လှမ်းနန့် ပီးစပ်လိုက်ရရေ သာဓကတိ စစ်တွေမြို့မာထဲ တပုံကြီး။ ပေါ်တာဆွဲမခံချင်လို့ သမီးကညာကို စစ်သားနန့် ချပီးလိုက်ရရေ ဥပမာတိ ကျောက်တော်မြို့နယ်၊ ပလက်ဝမြို့နယ်၊ ပုဏ္ဏားကျွန်းမြို့နယ်၊ မြောက်ဦးမြိုနယ်၊ ရသေ့တောင်၊ ဘူးသီးတောင်၊ မောင်တောမြိ်ု့နယ်တိမာ တပုံပုံလို့။ နယ်စပ်ရွာချေတိမာ စစ်တပ်က၀င်လာကေ သားလင်ကို ကင်းစောင့်ခိုင်ပြီးကေ သားသမီး၊ သားမယားရို့ စစ်သားအလိုကျ အပျော်တော်အဖြစ် ဆက်ဿရရေ။ ရခိုင်ပြည်အနှံ လားစုံစမ်းကြည့်ကေ မင်းကောင်းကောင်းသိနားလည်လိမ့်မေ။ သဘောပေါက်လိမ့်မေ။

သူရို့သွီးသားထဲက မွီးထုတ်လိုက်တေ သားသမီးကိုမချစ်၊ မသနား၊ မစာနာ၊ မကြင်နာဆိုစွာ အောလောလူဘုံမာ မဟိဝေ ညီချေ။ မင်းကြားဖူးဖို့ ဘုရားဆုပန်ရေ ဝေသန္တရာမင်းကြီး သူရင်ဝယ်သားသမီး ဂနာနန့်ဇာလီကို ဒူဇက္ကာပုဏ္ဏားနှိပ်စက်စွာကို မမြင်နိုင်လို့ သံလျှက်ကိုဆွဲမိလို့ ဘုရားအဖြစ်ကို တဘ၀နောက်ကျလားရလီရေ။ ယင်းချင့်ရေ သားသမီးရို့အပေါ်ထားရေ မိဘရို့မောတ္တာဖြစ်တေ။ အမျိုးသမီးဂုဏ်သိက္ခာ၊ လုံခြုံကိုထိပါးနစ်နာခြင်းခံလိုက်ရရေ ငါရို့မိခင် သားသမီးမစစ်ဘဲ တိုင်းတပါးကို ထွက်ပြီးလားရခြင်းရေ ညီချေအောင်ကျော်သိန်းကို မချစ်လို့ကားမဟုတ်။ အစ်ကိုကြီးရို့၊ ညီချေ၊ ညီမချေရို့ကို မချစ်၊ မကြင်နာ၊ မသနားလို့ကား မဟုတ်ဝေ ညီချေ။ ဗမာစစ်အာဏာသျှင်ရို့ စနစ်က မိဘနှစ်ပါးနန့် (ငါရို့) သားသမီးရို့ကို ခွဲခြားထားလိုက်စွာရာဖြစ်တေ။ အေပိုင် စနစ်ဆိုးတိကို ဖယ်ယှားပစ်ဖို့ မိမိရေ ဘာဘာနိုင်ငံရေးသမားနန့် ပူးပေါင်းလားစွာရေ ကောင်းကောင်းဂုဏ်ယူဖို့ကောင်းရေ။ အလွန်မြင့်မြတ်တေ လုပ်ငန်းဖြစ်တေ။ အနန္ဒကုသိုလ်လေ့ မြောက်တေ။ အေပိုင်စိတ်ဓါတ်မျိုးကို လူတိုင်မစွမ်းနိုင်။ လူတိုင်းလူတိုင်းမာ မျိုးချစ်ဟိကတ်ကေလေ့ တိုင်းချစ်ပြည်ချစ်၊ မျိုးချစ်ကောင်းတယောက် ဖြစ်လာဖို့မလွယ်ကူ။ မျိုးချစ်ရို့မည်သည်မာ အလုံးစုံကိုယ်ကျိုးစွန့်ပြီးကေ တိုင်ပြည်နန့်လူမျိုးအတွက် အကျိုးဆောင်ကတ်တေ။ အေပိုင်လူသားထဲမာ ငါရို့မိဘ-ဘာဘာနန့်မိမိရို့လေ့ ပါဝင်လိမ့်မေ။ ညီချေ…မိမိနန့်ဘာဘာရို့ တိုင်းပြည်နန့်လူမျိုးအတွက် တစွမ်းတစ အကျိုးဆောင်မှုကို ဂုဏ်ယူလိုက်ပါ။

ဟုတ်တေ ညီချေပြောစွာမှန်ရေ။ ဘာဘာအိမ်က ထွက်င်္ပြီးလားခရရေနောက်ပိုင်မာ ငါရို့ညီအစ်ကိုယ် မောင်နှစ်မတတော ကျောင်းထွက်လိုက်ရရေ။ ချစ်ခင်ရင်းနှီးရေ ကျောင်းသူငယ်ချင်းရို့ကို ကြောခိုင်ပြီးကေ လက္ဘရည်ဆိုင်၊ ကားဝက်ချွက်မာ ၀မ်းရေးအတွက် ရုံးကန်ရရေ။ ငါရို့ပညာရေး အချိန်မတန်ဘဲ ကြွီကျပျက်စီးလားရရေ။ ဘာဘာရာ ရခိုင်ပြည်ထဲမာ ဟိနီခကေ ထောင်နန်းစံလို့ရာ ဟိနီလီဖို့စွာ သေချာရေ။ ရုပ်ပိုင်ဆိုင်ရာ၊ စိတ်ပိုင်းဆိုင်ရာ ဝေဒနာတိကို ထောင်နန်းစံလို့ ခံစားနီရဖို့အစား မိသားစုအတွက် စိတ်ပိုင်းဆိုင်ရာခံစားပျာ နိုင်ငံခြားမာခိုလှုံပြီးကေ တိုင်ပြည်နန့်လူမျိုးအတွက် တစွမ်းတစကြိုးစားအားထုတ်နီရစွာက ပိုလို့အကျိုးဟိရေ။ ဘာဘာကို ပိုလို့အသက်ရှည်စီရေ။ တိုင်းတပါးကို ထွက်မရောက်နိုင်ဘဲ ထောင်နန်းစံနီကတ်တေ။ ရာပေါင်းများစွာ ရခိုင်တိုင်ချစ်ပြည်ချစ်တိ ရခိုင်ပြည်ထောင်ထဲမာ ဝေဒနာခံစားနီရကတ်တေ။ တချို့ကကိုယ်အင်္ဂါပျက်စီးလားအောင်ထိ သတ်ပုတ်ခံရကတ်တေ။ တချို့က ထောင်ထဲမာ သက်စွန့်လားကတ်ရရေ။ ဇာမဟုတ်တေ ညီချေ၊ ညီမချေရို့ကို လိုက်ပို့ခီလို့ အကိုကြီးထောင်ကျခံနီရရေအပြင် သွားကျိုးအောင်၊ ရုပ်ပျက်အောင်နှိပ်စက်ခံရစွာကိုကြည့်။ အကိုကြီးမာ အမှားတခုလေ့မဟိ။ သာမာန်အရပ်သားတယောက်ရာဖြစ်တေ။ ယေကေလေ့သွင့် ကျူးကျော်အုပ်ချုပ်နီသူ ဗမာစစ်အာဏာသျှင်ရို့ အကိုကြီးကို နိုင်ငံတော်ပုန်ကန်မှုနန့် စွဲချက်တင်ပြီးကေ ထောင်ထဲထည့်ထားစွာရေ တရားဓမ္မကျယင့်လား။ ဓမ္မဓိဌံကျယင့်လား။ မတရားသတ်သတ် အနိုင်ကျင့်နီစွာ မဟုတ်လား။ မင်း သေသေချာချာစိမ်းစားကြည့်ကေ သဘောပေါက်နားလည်လိမ့်မေ။ ဒေလောက်ဆိုကေ မိဖနှစ်ပါးရို့ကိုထားရေ မင်းအဃတ တဖြည်းဖြည်းပျောက်ကွယ်လားလိမ့်မေ။ မိဘနှစ်ပါးရို့အား သဘောပေါက်နားလည်လာလိမ့်မေလို့ မျှော်လင်းယင်း မိဘရို့မကုန်မခန်းနိုင်ရေ အနန္ဒမေတ္တာ အချစ်သမုဒ္ဒရာကို ခူးခပ်သောက်သုံးနိုင်ပါစီ။

မင်း…..အကိုကြီး
ဦးကျော်သိန်း
စစ်တွေထောင်

အောင်ကျော်သိန်း သူအကိုယ်ကြီးစာကိုဖတ်ပြီး နဖူးပြင်လက်တင်လျက် အိပ်ရာထက်၌ လဲလျောင်လိုက်၏။ မည်သည့်ပြောဆိုဝေဖန်မှုတခုမှ ထွက်မလာဘဲ တိတ်ဆိတ်ငြိမ်သက်စွာ အတွေးနယ်ချဲနီဟန်ပေါ်၏။
“အဝေ…..အောင်ကျော်သိန်း..ဇာစိုင်းစားနီလေမင်း။ အစိုင်းစားကြီးကေ ရူးရာရူးလားလိမ့်မေ။ အိပ်ဖိ။” အတူအိပ်နီရေ သူငယ်ချင်း စောစောအိပ်ရန် အားတိုက်လိုက်၏။
“အိပ်လို့မရဝေ” အောင်ကျော်သိန်း သက်ပြင်းချလိုက်သည်။
“ဇာလေ မင်းအကိုအကြာင်းကို စိုင်စားနီလာ”
“အုံ အကိုကြီးနန့်၊ ညီချေ၊ ညီမချေရို့ကိုပါ၊ မိမိနန့်ဘာဘာကိုပါ အတွက်ပေါ်ထော”
“လောလောစိုင် မင်းအကိုကြီး ထောင်ကလွတ်ဖို့ အရေးကြီးရေ။ ရှိနီတယောက်ယောက်ကို အကူညီတောင်းကြည့်ပလင်။ စေတနာနန့် အကျိုးဆောင်ရှိနီကြီးလှဖေါ်သူကို အကူညီတောင်ကြည့် ရနိုင်ရေ။”
“မင်းပြောစွာ ကောင်းရေ။ နက်ဖန်ခါ ရှိနီလှဖေါ်သူနန့် လားတွိကတ်မေ။ မင်းပါလိုက်ပလင်” အောင်ကျော်သိန်း အားရပါးပြောလာ၏။
“အိုကယ် ငါလေ့လိုက်မေ။ ကောင်းကောင်း စိတ်ချလက်ချ အိပ်ပလိုက်” ပြောပြီး အောင်ကျော်သိန်းသူငယ်ချင်း အိပ်ပျော်လားခ၏။ သို့သော် အောင်ကျော်သိန်းတယောက် မျက်စိကြက်တက်နန့် တညာဉ့်လုံး အိပ်မပျော်။

“အဝေး….အောင်ကျော်သိန်း ထ..ထ။ မိုးလင်းနီပျာ..ထ….ထ…ထ..ထ။ ရှိနီဘက်ကိုလားကတ်ဖို့။ အယင်…ထ။” နှိုးသံကြောင်း အောင်ကျော်သိန်း အိပ်ရာမှပြီး မျက်နှာသစ်ရန် အိမ်ရှိသို့ ဆင်းလာ၏။ စည်ပိုင်း၌ ရီမဟိသောကြောင့် အောင်ကျော်သိန်း ရီဆိုင်ထမ်းကိုကိုင်ပျာ ရီးခပ်ထွက်လား၏။ တနားလောက်ကြာသောအခါ ရီစည်ပိုင်းနားလျက် အောင်ကျော်သိန်း သာခြင်းဆိုသံကိုကြားလိုက်ရသည်။

တရပ်တနယ်……တတိုင်တပြည်ရောက်…….အောက်မိရရေ……..မွီးမိခင်သို့လေ….. သားလှအချစ်ချေ………အဖေါ်သင်းကွဲ……...အသစ်နယ်ပယ်ထဲက…….. မိခင်အပြန်လမ်း……. မှန်ဆပျာတမ်းတ……လွမ်းလို့မျှော်ရရေ…………

ကံကြမ္မာ……..ဖန်လာရေစနစ်ဆိုး………..ဗိုလ်ကျစိုးမိုး………အုပ်စိုးသူရို့လေ………. ခြံတွင်းကျူးကျော်………ကျီးဖြူရွာကိုဖျက်ဆီး………..အမျိုးပြုန်အောင်ဖန်တီးလီကတ်တေ….. ကြွင်းကျန်ရေရခိုင်သား……… တောချောင်တောင်ကြား………သားချေသမီးချေရို့ကို…… ပစ်ခွာပျာထွက်ပြီး…………ရပ်ဝီးမြီခြားကိုလေ……………

အခိုက်ကြုံကေ………..ဆုံရေလီညှင်း………….ခွန်းရှည်သတင်းပါး…………… မလိမ္မာအထင်လွဲမှား………ပြောမှားဆိုမှား………..ခွင့်လွှတ်စကား…….မှာကြားလိုက်မေ….. မွီးမိအမင်…နို့ရည်သျှင်သို့လေ……………………

အောင်ကျော်သိန်းအဘောင်သျှင်နန့် သူ၏သူငယ်ချင်း ပြက်ဦးခန်းမှ ချောင်းနားထောင်နီကြသည်။ ဒေါသကြီးတတ်သော၊ တစွပ်ထိုးဂေါင်းမာတတ်သော အောင်ကျော်သိန်း၌ မျက်ရည်ဟူသည် သူအတွက်မဟုတ်သော်လည်း သူ၏ပါးပြင်များသို့ စီးကျလာသော မျက်ရည်များကိုသုတ်လျက် အထစ်အငော့မဟိ ထွက်ကျလာသော သူ၏ခံစားချက် တေးသာခြင်းကို ဆက်ဆိုနီ၏။
“အို…အောင်ကျော်သိန်း….အောင်ကျော်သိန်း………နားလည်သဘောပေါက်တတ်ပျာ။ မင်းမိဘ၊ ညီးအကိုမောင်နှစ်မတိနန့် ပြန်ဆုံနိုင်ကတ်ပါစီ……..မြီးချေ။ အဘောင်သျှင် ဆုတောင်းပီးရေ…ဝေ။” အဘောင်သျှင် ပြက်ဦးခန်းမှ ခိုးနားထောင်နီယင်း ၀မ်းနည်းကြွီကွဲနီသော အောင်ကျော်သိန်းအား မိသားစုများနှင့် ပြန်ဆုံနိုင်စီကြောင်း မောတ္တာပဿိပို့နီ၏။။

ခိုင်မြသိန်း (ချောင်းသာကြီး)
Dum Dum Central Jail, Kolkatta, India
15 September 2006

ရလာဒ်

2009-09-07T12:14:00.000-07:00

အမှောင်ကိုယှင်း
ရောင်ခြည်ကိုထွန်းလင်း
အသျှနီဝင်း
ကြောက်ခြင်း၊ လာန့်ခြင်း
နမြောခြင်း၊ နောင်တရခြင်းမဟိ
စွန့်လွှတ်ခြင်းမျိုးစုံနန့်လမ်းပြ
တိုင်းပြည်လွတ်လပ်ရေးရခါမှ
မြန်မာလူမျိုးဒိန်က
တပ်ပီးလိုက်တေ နာမ၀ိ့သေဿန
ရဟန်စင်စစ်က လူဖြစ်ရ
”.....ဦးဥတ္တမ....“ လတ်။

ခိုင်မြသိန်း (ချောင်းသာကြီး)
၀၇၊ ၀၉၊ ၂၀၀၉
Glada Hudik, Sweden
ဘုန်းကြီးကို ဦးတပ်၊ လူကို...အသျှင်....လို့ ခေါ်ကတ် ရွှီရခိုင် နလပိန်းတိ။

ရခိုင့်စာပီရှင်သန်ထမြောက်ရေး

2009-09-03T11:45:00.000-07:00

ရခိုင်စာသည်..............ငါရို့စာ
ရခိုင်စကားသည်.........ငါရို့စကား
ရခိုင်ယိုင်ကျေးမှုသည်........ငါရို့ယိုင်ကျေးမှု
ရခိုင်သမိုင်းသည်..............ငါရို့သမိုင်း
ရခိုင်လူမျိုးသည်................ငါရို့လူမျိုး
ရခိုင်ပြည်သည်.................ငါရို့ပြည်

ရခိုင်စာကို..................လေးစားပါ
ရခိုင်စကားကို...............အမြတ်တနိုးပြောပါ
ရခိုင်ယိုင်ကျေးမှုကို...........တန်ဘိုးထားပါ
ရခိုင်သမိုင်းကို................ချစ်ခင်နက်ချိုင်းစွာလေ့လာပါ
ရခိုင်လူမျိုးကို..................ချစ်မြတ်နိုးပါ
ရခိုင်ပြည်ကို..................အသက်လှဲလို့ကာကွယ်ပါ၊ စောင့်လျှောက်ပါ။

ကြွေးကြော်သံ။ ။.(ရခိုင့်စာပီ ရှင်သန်ထမြောက်ရေး.............ငါရို့အရေး........ငါရို့အရေး။) ၃ ခေါက်အော်ပါ။

ခိုင်မြသိန်း
ကျန်းမာချမ်းသာကြပါစီ

တလုပ်စာတွက်

2009-09-02T07:35:00.000-07:00

အားတန်ကေလည်း မာန်ကိုလျှော့
ငါ့....အံစွယ်တိ လဲကျလားခယာ။

နန်းကျဘုရင်
ရာဇပန္လင်အောက်
အခေါက်ခေါက်အခါခါ ဒူးထောက်
ငါ.....blueberry သီး ကောက်နီရပျာ။

အို....ခွန်အားဖြစ်စီရေ
ထမင်းတလုပ်စာအတွက်
နီထွက်မှနီဝင်ထိ
အေတောင်ကုန်းမှ ထိုတောင်ကုန်းထိ။

ခိုင်မြသိန်း (ချောင်းသာကြီး)
၀၂၊ ၀၉၊ ၂၀၀၉
Glada Hudik (Sweden)

ခေါတ်ပျက်

2009-08-07T06:40:00.000-07:00

ရွာအိုနန့် ဇရပ်ပြို
စေတီပျက်နန့် ကျောင်းရှာပြို
နတ်ပင်အိုနန့် ကန်ဘောင်ပျက်
မသူတော်ရို့လက်ချက်
သူတော်ကောင်းရို့ရွာပြင်ထွက်

ခိုင်မြသိန်း (ချောင်းသာကြီး)
၀၇၊ ၀၈၊ ၀၉
Glada Hudik (Sweden)

အောင်မြင်မှုချှို့ဝှက်ချက်…“အသင်းအဖွဲ့စိတ်ဓါတ်”

2009-07-24T11:19:00.000-07:00

အောင်မြင်မှုသည် အတွင်း၊ အပြင်နှစ်စလုံးဖြစ်နိုင်၏။ အပြင်ဘက်-၄င်းသည် ကောင်းမွန်သော အလုပ်တခု (၀ါ) အောင်မြင်မှုအပ်ါအောက်ခြီခံ၍ လူအဖွဲ့အစည်းမှ အသိအမှတ်ပြုခြင်းသည် အပြင်ဘက်၏တိုင်တာခြင်းပင်ဖြစ်၏။ အတွင်း-၄င်းသည်လည်း လိုအင်ဆန္ဒတခု ပြီးပြည့် စုံသည့်အခါ (၀ါ) အလုပ်တာဝန်တခု ပြီးစီးအောင်မြင်လားသည့်အခါ ထိုအောင်မြင်မှုအား အပြည့်အ၀ကျေနပ်နှစ်သိမ်းခြင်း၊ အားရ၀မ်းမြောက်ခြင်း၊ ကြည်နုခြင်းများ၏ စိတ်ခံစားချက် ပင်ဖြစ်သည်။ ဇာပိုင်စွာကို အောင်မြင်မှု၏မှန်ကန်သော အတိုင်းအတာဖြစ်သည်ဟု ပြောရမည်နည်း--အပြင်ဘက်၏ Accolades ကို ပြောရမည်လား သို့မဟုတ် အတွင်းစိတ်၏ ၀မ်းမြောက်ဝမ်းသာဖြစ်ခြင်းနှင့် ငြိမ်းချမ်းခြင်းကိုပြောရမည်လား။

အောင်မြင်မှုကို ကျန်တော်ရို့ကိုယ်တိုင်၌ဟိသော သက်တောင့်သက်သာဟိသည့် အနိမ့်အမြင့် ဒီဂရီနန့်လည်း တိုင်းတာ၍ရနိုင်ပါသည်။ ကျန်တော်ရို့သည် ကျန်တော်ရို့၏ ပင်ကိုယ်မူလ သဘာဝနှင့်ကိုက်ညီသော လားလာလှုပ်ယှားနီထိုင်ကြသည့်အခါ ဤအနိမ့်အမြင့်ဒီဂရီ အတိုင်အတာ ဖြစ်လာတတ်ကြသည်။ ပေါ်လာတတ်ကြသည်။ အကယ်၍ ကျန်တော်ရို့၏ လိုအင်ဆန္ဒစိတ်တိုင်းမကျ (၀ါ) လက်ခံအတည်ပြုထားသည့်နည်းလမ်းသည် သဘာဝနှင့် မကိုက်ညီဟု ကိုယ်တိုင်သိမြင်လာသည့်အခါ တခုခုလိုအပ်နီဆဲ၊ လို၍ ဟာ၍နီဆဲပင်ဖြစ်သည်။

ခေါတ်သစ်စီမံခန့်ခွဲမှုနည်းပညာက ကျေနပ်နှစ်သိမ်းနိုင်သော အလုပ်သမားကောင်းတဦးသည် လှုံ့ဆော်တိုက်တွန်းမှု အားနည်းနိုင်သည်ဟု ညွှန်းပြကြသည်။ ထို့ကြောင်းကုမ္ပဏီ (၀ါ) အဖွဲ့အစည်းအား အကျိုးမပြုနိုင်ပါ။ ပြောရဖို့ဆိုပါကေ မတင့်တိမ်မရောင့်ရဲဖြစ်ခြင်း တခုတည်းနန့် အတင်အဓမ္မလှုံ့ဆော်စီခြင်းသည် အနှုတ်လက္ခဏာဆင်သော ချဉ်းကပ်းမှု တခုသာဖြစ်သည်။
သို့သော် လူအများကအပြုသဘောဆင်သော သေသေချာချာ ကျေနပ်မှုရဟိလာကြသောအခါ သူရို့သည် သူရို့၏ပျော်ရွှင်ခြင်း၊ ၀မ်းမြောက်ခြင်းခံစာချက်များကို တခြားသူများနှင့် မျှဝီလာချင်ကြသည်။ တခြားသူများကိုလည်း ရောင့်ရဲတင့်တိမ်စီချင်ကြပြီး၊ တခြားသူများအတွက် လူမှုရေးလုပ်ငန်းများ စတင်လုပ်ဆောင်လာကြသည်။ သူရို့၏ တိုက်တွန်းလှုံ့ဆော်မှု အဆင့်အတန်းများသည်လည်း အများသူတကာထက် မြင့်မားလာကြပြီး၊ ပို၍ပို၍ ကောင်းမွန်လာကြသည်။ သူရို့သည် အလုပ်ခွင်ထဲ၌ နစ်ပျော်လာကြပြီး၊ ပို၍စိတ်ဝင်စားလာလျက် နိုင်နင်းစွာလုပ်နိုင်လာကြသည်။ ဤသည်မှာ မဟတ္တမဂန္ဒီ၏ စိတ်ပိုင်းဆိုင်ရာ ဖေါ်ပြချက်တခုဖြစ်သည်။

အောင်မြင်မှုအတွင်း၌ ကျန်တော်ရို့၏ ဘ၀ပုံပန်းသဏ္ဍာန် အားလုံးပါဝင်နိုင်သည်။ အကျုံးဝင်နိုင်သည်။ တချို့သော ပညာသည်အလုပ်သမားများ သူရို့၏လုပ်ငန်းခွင် အသီးသီး၌ ချီးကျူးခြင်းခံရနိုင်ကြောင်း ခံရနိုင်ကြပါလိမ့်မည်။ ဂေါင်းဆောင်များသည်လည်း သူရို့၏ နယ်ပယ်ဒေသ အသီးသီးများထဲ၌ ကောင်းချီးသြဘာပြုခြင်းခံရကောင်း ခံရကြပါလိမ့်မည်။ သို့သော် မိသားစုမျက်နှာစာ၌ကား လုံးလုံးလျားလျား ပျက်ကွက်သူများဖြစ်ကောင်းဖြစ်နိုင် ကြသည်။ တချို့တချို့သောပုဂ္ဂိုလ်များ မိသားစုများအတွက် အလွန်ကောင်းသော အိမ်ထောင်ဦးစီးများ ဖြစ်ကောင်းဖြစ်နိုင်ကြသော်လည်း လူအဖွဲ့အစည်းအတွက်ကား ကိုယ်တိုင်ပါဝင်ဦးစီးဦးဆောင်ရန်ကား မတတ်စွမ်းနိုင်ကြပါ။ ဘုရားတရားအလှူလုပ်ငန်းခွင် များ၌ ဿဒါအလျှောက် လွတ်လပ်စွာပူးပေါင်းပါဝင်သကဲ့သို့ ကျန်တော်ရို့သည် လူ့အဖွဲ့အစည်းများအကျိုးအတွက် ပါဝင်ဆောင်ရွက်ကြရာ၌ လုံးဝလွတ်လပ်သူများ ဖြစ်သင့်သည်။ သင်သည် သရက်ခင်းဥယိုင်ထဲ၌ သရက်ပင်တပင်ဖြစ်မြောက်ရေးအတွက် မျိုးစိ့ချရာ၌ တာဝန်ယူကြည့်ပါ။ ၄င်းသရက်ပင် ကြီးပြင်းလာသည့်အခါ သင်အား၊ သင့်အသိုင်းအ၀ိုင်းနှင့် တခြားသောလူသားများအား ချိုမြသောသရက်သီးများမှ ရောင်ပြန် ဟပ်ပါလိမ့်မည်-ဟုဆိုပါလျင်-သရက်သီးအစိ့သည် ဇာလုပ်ငန်းတာဝန်ကို ဆောင်ရွက် ခပါသနည်း။ အမြင်သဘောအားဖြင့် မည်သည့်ခက်ခဲ့မှုကိုမှ ဖေါ်ဆောင်ခပုံ မပေါ်သော်လည်း သရက်သီးအစိ့မှ တဖန်သရက်သီးအဖြစ်၏ အမှန်တရားကား ဆက်လက်ကျန်ဟိနီ ဆဲပင်ဖြစ်သည်။ ဤသည်မှာ သဘာဝတရားပင်ဖြစ်သည်။

ပဇာကြောင်း ကျန်တော်ရို့လူသားများ “အောင်မြင်မှု” ကို ရဟိလိုကြပါသနည်း-ဟုဆိုလျှင် အောင်မြင်မှုသည် ကျော်ဇောကိတ္တဂုဏ်နှင့် ပြည့်စုံစီ၏။ အောင်မြင်မှုအထွတ်အထိပ်၌ ရောက်ဟိနီစီတတ်၏။ ကျေနပ်နှစ်သိမ်းမှုနှင့်ပြည့်စုံစီခြင်း၊ ပျော်ရွှင်ခြင်းနှင့်ပြည့်စုံစီခြင်း၊ လိုအင်ဆန္ဒပြည့်စုံစီခြင်း၊ လောဘတရားအတိုင်း ပြည့်စုံသည့်အဖြစ်များနှင့် အဖေါ်ပြုတတ်ရ၏။ အောင်မြင်မှုသည် ကျန်တော်ရို့ကိုယ်တိုင် လက်တွိ့ခံစား၊ စံစားရသည့် ထူးခြားသော လက္ခဏာတရပ် ဖြစ်သည်။ ၄င်းကိုပင် “အလုံးစုံပြည့်စုံသော တန်ခိုးအာဏာကြီးမားခြင်းဖြစ်၏” ဟု ဆို၏။ ကျန်တော်ရို့သည် အောင်မြင်လိုသော ပြင်ပြမှုစိတ်ဆန္ဒဟိသောကြောင့် ထိုအောင်မြင်မှု ကြီးကြီးမားမား ဆွတ်ခူးနိုင်ကြသည်။ ကြီးကျယ်ခန့်နားလိုကြသည့် အကြောင်းအရင်းမှာ ကျန်တော်ရို့လူသားများ၌ တွီးခေါ်နိုင်သောဥာဏ်စွမ်းရည်များ ဟိ၍ပင်ဖြစ်သည်။ ထို့ကြောင်း ကျန်တော်ရို့သည် အရာရာတိုင်းကို အနိုင်ရလိုကြသည်။ အရာရာတိုင်းကို ပြည့်စုံလိုကြသည်။

အကယ်၍ ကျန်တော်ရို့သည် အောင်မြင်မှုအဓိပ္ပါယ်အလုံးစုံကို နားလည်ကြပါလျင် ကျန်တော်ရို့၏အောင်မြင်မှုသည် တစုံတယောက်ယောက်၏ ယျှုံးနိမ့်ခြင်း၌မှီခိုအားထားခြင်း မပြုသင့် (သို့မဟုတ်) ပုဂ္ဂိုလ်တဦးဦးအားဖြုတ်ချ၍ အနိုင်ရယူခြင်းလည်း မဖြစ်စီသင့်။ ကျန်တော်ရို့၏ပျော်ရွှင်ခြင်း၊ ၀မ်းမြောက်ခြင်းသည် အခြားပုဂ္ဂိုလ်များ၏ ၀မ်းနည်းကြွိကွဲခြင်း၊ ပူဆွဲသောကများအပေါ် အားရမှီခိုအနိုင်ယူခြင်းလည်း မဖြစ်စီရပေ။ တခြားသူများ၏ ဒုက္ခဝေဒနာခံစာရခြင်းကိုလည်း ကရုဏာသက်တတ်ရမည်။ စာနာထောက်ထားတတ်ရမည်။ ထို့အတူ သူရို့၏အမှန်စင်စစ်ပျော်ရွှင်မှု၊ ၀မ်းမြောက်ကြည်နုမှုကိုလည်း အတွိ့အကြုံအဖြစ် သင်ခန်းစာယူတတ်ကြရမည်။

လင်္ကာဒီပကျွန်း (လက်ဟိသီရိလင်္ကာနိုင်ငံ) မှ အောင်ပွဲ့နှင့်အတူ ပြန်ရောက်လာသော ရာမအား “လင်္ကာဒီပစစ်ပွဲ့အား မည်ကဲ့သို့အောင်မြင်ခပါသနည်း” ဟု မီးလာကြသည့်အခါ သူအားစစ်ပွဲ့အတွင်း ကူညီဆောင်ရွက်ပီးကြသည့် မဟာ..ဟာနုမာန်မျောက်တပ်မဟာကြီး အပါအ၀င်၊ အခြားစစ်သည်တော်ကြီးများ၊ စစ်သူကြီးများအား တဦးမကျန်ဂုဏ်ပြုချီးကျူး ဖြေဆို၏။ စင်စစ်မှန်ကန်သော အောင်မြင်မှုသည် တခြားပုဂ္ဂိုလ်များအားလည်း ပျော်ရွှင်ကြည်နုစီ၏။ အသင်းအဖွဲ့တခုလုံး ဂုဏ်ပြုချီးကျူးရာ၌လည်း တေးကဗျာတပုဒ်ကဲ့သို့ ကြည်နုဝမ်းမြောက်စီ၏။ စစ်မှန်သောဂေါင်းဆောင်တဦး (၀ါ) အစေခံဝန်ထမ်းဂေါင်းဆောင် တဦးသည် တဦးတယောက်တည်း အောင်မြင်မှုရယူခြင်း မဟုတ်စီဘဲ အသင်းအဖွဲ့စည်းတခုလုံးကို အောင်မြင်မှုနှင့်အတူ သူရို့၏ (အသင်းဝင်၊ အဖွဲ့ဝင်) ဂုဏ်အချိန်အ၀ါကို လက်တွဲမြှင့်တင်ယူဆောင်လားကြသည်။ မယ်သီတာဟိသောနီရာကို တိတိကျကျ သတင်းရယူပြီးနောက် လင်္ကာဒီပကျွန်းမှ မဟာ..ဟာနုမာန်မျောက် ပြန်ရောက်လာသည့်အခါ မယ်သီတာဟိသောနီရာသတင်းကို ရာမထံသို့တိုက်ရိုက်မဆက်သ ဘဲ၊ ဟာနုမာန်သည် တခြားပူးပေါင်းပါဝင်ကြသည့် မျောက်စစ်သည်တော်များအားစုရုံးပြီး ထိုမျောက်စစ်သည်တော်များအား မယ်သီတာဟိသည့် နီရာသတင်း ပြည့်ပြည့်စုံစုံ အောင်မြင်စွာရယူခြင်း သံတမာန်အဖွဲ့၌ အားလုံးပါဝင်ဆောင်ရွက်နိုင်မှုကြောင့် ဤသတင်းကို ရဟိနိုင်ခသည်ဟု ချင်းပြသည်။ ထိုသတင်းကိုလည်း ရာမထံသို့ အတူတကွဆက်သကြသည်။ ထို့ကြောင့် မျောက်တိုင်းမျောက်တိုင်း တန်းတူပူးပေါင်းပါဝင်မှုကြောင့် မယ်သီတာအား ရှာဖွေတွိ့ဟိခသည်ဟု ခံယူကြသည်။ ဤသည်မှာ တကိုယ်ကောင်းမဆံသော စစ်မှန်သည့် ဂေါင်းဆောင် (၀ါ) အစေခံဝန်ထမ်းလိုသော ဂေါင်းဆောင်ရို့၏ အောက်ခြီခံကျသော အများပူးပေါင်းပါဝင်လိုသော အသင်းအဖွဲ့စိတ်ဓါတ်ပင်ဖြစ်၏။

ဘုရားသခင်သည် ကျန်တော်ရို့အား အယောက်တိုင်းစီ၏ ထူးခြားသောဂုဏ်ဝိသေဿကို ဖန်တီပီးခသည်ဟု ဆိုပါလျင် ကျန်တော်ရို့သည် မိမိကိုယ်ကိုမိမိ ယုံကြည်သူများ ဖြစ်ကြရမည်။ လောကကြီးအတွင်း၌ အတုအပလုပ်ဆောင်ကြသည့်အခါ (သို့မဟုတ်) သူတပါးအား မှာကြားလိုသောသတင်းကို ကိုယ်တိုင်သယ်ယူပို့ဆောင်လာကြသည့်အခါ မိမိကိုယ်ကိုမိမိ မှီခိုသူများဖြစ်ကြရမည်။ ကျန်တော်ရို့သည် ကိုယ့်ကိုကိုယ် ယုံကြည်သူများဖြစ်ကြရမည်။ အကယ်၍ ကျန်တော်ရို့ တစုံတယောက်ယောက်အား အတုအပလုပ်၍ အောင်မြင်မှုကို ရဟိလျှင် ထိုအောင်မြင်မှုသည် တခြားသောပုဂ္ဂိုလ်များနှင့်လည်း သက်ဆိုင်သည်။ ဆက်စပ်မှုဟိသည်။ ဒုတိယအားဖြင့် ကျန်တော်ရို့သည် လွတ်လပ်သူများဖြစ်ကြရမည်။ ပြီးမှ မိမိအလုပ်ကို ဆက်လုပ်ပါ။

အမြင်သဘောအားဖြင့် အရေးပါအရာမရောက်သည့် လှုပ်ယှားမှုကအစ-တခြားသူများအကူ အညီမပါဘဲ မိမိနီသည့်အိမ်ခန်း သပ်သပ်ယပ်ယပ် ဖြစ်လာစီရန်၊ မိမိအ၀တ်အစားများကို ကိုယ်ကိုယ်တိုင်ဂရုတစိုက်ဖြစ်စီရန်နှင့် သန့်ယှင်းသောရီချိုးခန်းတခု အမြဲဖြစ်နီစီရန် မိမိကိုယ်ကို လွတ်လပ်စွာပူးပေါင်းပါဝင်ခြင်းသည် မိမိကိုယ်တိုင်လုပ်၍ ရနိုင်ပါတကားဟု ကိုယ့်ကိုကိုယ် ယုံကြည်မှုရလာစီလိမ့်မည်။ ဤသည်မှာ မိမိကိုယ်ကိုမိမိ လွတ်လပ်သော လမ်းသွယ်၌ ပြုစုပျိုးထောင်ခြင်းဖြစ်၏။

ဘာသာပြန်
ခိုင်မြသိန်း (ချောင်းသာကြီး)
၁၂၊ ၁၀၊ ၂၀၀၄၊
Dum Dum Central Jail, Kolkatta, India.
Thusday, September 28, 2004 ထုတ် The Times of India သတင်းစာပါ {တရားဟောသောမဟာဗောဓီး The Speaking Tree} အခန်းကဏ္ဍမှ စာရွီးဆရာ ဆွာမိနိပ္ခိလာနန္ဒ (Swami Nakhilananda) ရွီးသားဖေါ်ပြသော {Secret of Success: Team Spirit} အား ရခိုင်ဘာသာသို့ သင့်လျှော်အောင် ဘာသာပြန်ဆိုခြင်း ဖြစ်ပါသည်။

အာဏာပါဝါ၏ထိုင်ခုံမှာ…ဂုဏ် (သို့မဟုတ်) အမှုထမ်းခြင်း

2009-07-20T12:00:00.000-07:00

ဝန်ကြီးတဦးအဖြစ်၏အဓိပ္ပါယ်မှာ ပြည်သူလူထုအတွက် အမှုထမ်းခြင်းသတ်သတ်သာဖြစ်၏။ မည်သို့ပင်ဆိုစီကာမူ..အကယ်၍…၀န်ကြီးအဖြစ်အား သာယာကျေနပ်နှစ်သိမ်းမှု (၀ါ) ဂုဏ်ဒြပ်သြဇာရယူရန် နည်းလမ်းတခုအဖြစ် သူ၏အတွင်းစိတ်၌ ထင်မြင်ယူဆထားပြီး ထိုရာထူးသည် အသုံးပြုခြင်းခံရပါက၊ ပြည်သူပြည်သားများ တိုးတက်ကြီးပွားမှုကို အဟန့်အတားဖြစ်စီ၍၊ ဖေါက်ပြန်အဂတိလိုက်စားမှုနှင့် လူ့အဖွဲအစည်းအား သောင်းကျန်း ဗိုလ်ကျပြီး ယုတ်ညံ့သောကိုယ်ကျင်တရား လမ်းသွယ်ထဲသို့ ဇောက်ထိုးခုန်ဆင်းလိုက်ခြင်းသာ ဖြစ်သည်။ ကြောင်ရွံ့ခြင်းနှင့် လုံခြုံမှုမဟိခြင်းများက လူ့အဖွဲ့အစည်းကို တင်းတင်းကျပ်ကျပ် ဆုပ်ကိုင်ထားလိမ့်မည်၊ လူသားများကို တားဆီးချုပ်တည်၍ ထားကြလိမ့်မည်။
ဤသည်မှာ ကြောက်ရွံ့ခြင်း၊ လုံခြုံမှုကင်းမဲ့ခြင်းများအား နှိမ်နင်းအောင်မြင်စီလိုရန် လူသားများ အတွက် သဘာဝအကြောင်းတရားဖြစ်သည်။ လူ့အဖွဲ့အစည်းအတွင်း၌ အများစုသည် လုံခြုံမှု ဟိလာစီရန်၊ လုံခြုံမှုစိတ်ချလာအောင် အမြဲတမ်းလိုလို တခုခုလုပ်တတ်ကြပါသည်။ အကျိုး ဆက်အားဖြင့် အာဏာပါဝါ၏ထိုင်ခုန်အတွက် ကြိုးစားအားထုတ် တော်လှန်လာကြ တတ်သည်။ မည်သို့ပင်ဆိုစီ..ထိုပုဂ္ဂိုလ်များသည် အာဏာပါဝါရလာပြီးနောက် ထိုအာဏာ ပါဝါအား စွဲမက်လာကြသည်….မှာ…အမှန်စင်စစ် အာဏာပါဝါမဟုတ်ပါ။ သူရို့၏၀တ္တရားများ ဆောင်ရွက်ကြရန် ၀န်ကြီးယုံးထဲသို့ ရောက်လာကြသည့်တိုင်အောင် သူရို့သည် အနည်းဆုံး အလုပ်လောက်သာ ပြီးစီအောင်မြင်နိုင်ကြသည်။ သူရို့လုပ်ငန်းဆောင်တာ မပြီးစီးသည်ကို ကြည့်၍ သူရို့အားပြစ်တင်ပုတ်ခတ် ဝေဖန်ခြင်းမပြုပါနှင့်။ အာဏာပါဝါ၏ထိုင်ခုန်ကို ရယူ သိမ်းဆည်းလိုက်ပြီးသည့်နောက် သူရို့၏ ငါတကော့ကော့၍ ငေါ့ပြောခြင်းသည် သူရို့၏ စိတ်တွင်း၌ ကြောင်ရွံ့စိုးရိမ်လျက် ကျန်ဟိနီဆဲပင်ဖြစ်သည်။ အဟုတ်အမှန်ပင်… ကြောက်ရွံ့ စိုးရိမ်ခြင်းအမျိုးမျိုးသည် စိတ်တွင်း၌ ပိုမိုတိုးမြင့်လာသည်။ အကယ်၍ ကျပ်တည်းတင်းမာမှုနှင့် ကြောက်ရွံ့စိုးရိမ်နီပါက သင်သည်အပြုသဘောဆောင်သည့် ဖန်တီးမှုအတွီးအခေါ်သစ်နှင့် အတူ အောက်ခြီခံမြင့်မားလာနိုင်မည့် မဟုတ်ပါ။ ထို့ကြောင်း သင်သည် အလုပ်မြောက်များစွာ မလုပ်နိုင်၊ သင့်လူ့အဖွဲ့အစည်းအတွက်လည်း မလုပ်နိုင်သလို၊ သင့်ကိုယ်ရည်အတွက်လည်း လုပ်နိုင်မည်မဟုတ်ပေ။
ဝန်ကြီးများ သူရို့ရလိုကြသည့် သူရို့၏လမ်းကြောင်းကို မရောက်လျင် ၀န်ကြီးများရာထူးမှ နှုတ်ထွက်ကြမည်ဟု ခြိမ်းခြောက်တတ်ကြသည်များကို သင်ရို့မကြာမဏ ကြားကတ်ရပါ လိမ့်မည်။ တချို့နောက်လိုက်များက သူရို့ကိုသူရို့ကိုယ်တိုင် သတ်သီရန်ထိ ခြိမ်းခြောက်တတ် ကြသည်။ သို့သော် ရာထူးမှနှုတ်ထွက်ရန် ဇောတိကတက်ခြင်းသည် တာဝန်မဲ့ခြင်းသာ ဖြစ်သည်။ ဂုဏ်ယူဖွယ်ရာမဟုတ်ပါ။ အနစ်နာခံ စွန့်လွှတ်ခြင်းလည်း မဟုတ်ပါ။ ဤသည်မှာ ပြည်သူမှ အထွတ်တမြတ်လွှဲအပ်ထားသော တာဝန်ဝတ္တရားကို စွန့်လွှတ်ခြင်းအပြုအမူသာ ဖြစ်သည်။ သင်သည် သင်၏ရာထူးစွန့်လွှတ်ခြင်းအား ဇောတိကမာန်မာန ဂုဏ်မောက်ရ လောက်အောင်ထိ ၀န်ကြီးအဖြစ်သည် ဇိမ်ခံပစ္စည်းတခုကား မဟုတ်ချေ။ အလားတူပင်… ၀န်ကြီးရာထူးအား တစုံတယောက်အား အပ်နှံခြင်းသည် ၀န်ကြီးအဖြစ်ရွီးချယ်ခံရသူ၏ အကောင်းဆုံးအစေခံဝန်ထမ်းမှုကို မျှော်လင်းခြင်း၊ တောင်ဆိုခြင်းသာဖြစ်၏။ ၄င်းသည် ဆုလဒ်တခုအဖြစ် အဓိပ္ပါယ်ကောက်ယူဖွင့်ဆိုဖို့ကား မဟုတ်ချေ။
သင်၌ အေကန်စင်စစ် မွီးရာပါကိုယ်ပိုင်ပါဝါစွမ်းရည်ဟိပါက ပြည်သူအကျိုးစီးပွားအတွက် အမှန်ပင်အမှုထမ်းလိုရန် အာဏာရာထူး (၀ါ) အဏာပါဝါထိုင်ခုန်ကား မလိုအပ်ပါ။ မဟတ္တမဂန္ဒီ ပြည်သူ့အကျိုးဆောင်ရွက်နိုင်ခသကဲ့သို့ တရားဝင်ရာထူးဌာနန္တရမဟိဘဲ လူထုအကျိုးစီးပွား အတွက် သင်ပိုပြီးကောင်းကျိုးပြုနိုင်သည်။ ဆောင်ရွက်နိုင်သည်။ မကြာခဏလိုလို အုပ်ချုပ်သူ တဦးသည် မှန်ကန်ပြုပြင်ရေးသမား တယောက်မဟုတ်သလို၊ မှန်ကန်ပြုပြင်ရေးသမား သည်လည်း အုပ်ချုပ်ရေးသမားတယောက်မဟုတ်ပါ။ မှန်ကန်ပြုပြင်ရေးသမားသည် အုပ်ချုပ်မှု အာဏာကို မလိုလားပါ။ မမက်မောပါ။
ပြည်သူလူထုအများစုအား လှုံ့ဆော်မှုပင်ရင်းအချက်အလက်များမှာ ထိခိုက်လွယ်သော၊ ခံစားလွယ်သော စိတ်အာရုံများပင်ဖြစ်၏။ စါမတတ်သူ ဦးရည်များလာသောအခါ ထိခိုက် လွယ်သော၊ ခံစားလွယ်သော စိတ်အာရုံများပို၍ ဖြစ်လာတတ်ကြသည်။ ဤနီရာမှာ ကျယ်ပြန့်သည့်ပညာရေး စနစ်နှင့်ပါတ်သက်လို ဆန်ကျင်တန်ပြန်ပြုရန် အရေးကြီးသည် တခုမှာ ဘာသာရေးပညာရပ်နှင့် သိပ္ပံပညာရပ်နှစ်ခုစလုံးပင်ဖြစ်သည်။
နိုင်ငံရေးဂေါင်းဆောင်အများစုသည် စစ်မှန်သောပြည်သူ့ဝန်ထမ်း အယူအဆအား မိုက်မဲစွာ မျက်ကွယ်ပြထားကြသည်။ ဥပေက္ခာပြုထားကြသည်။ လူမျိုး၏ထုံးတမ်းစိုင်လာ ဘောင်နယ် နမိတ်များကို ကျော်လွန်၍၊ ဘာသာရေးဓလေ့ထုံးတမ်း ဘောင်နယ်နမိတ်များကို ကျော်လွန်၍၊ အမျိုးသားရေးဆိုင်ရာ ဘောင်နယ်နမိတ်များကို ကျော်လွန်၍ အနည်းငယ်သော စွန်စား လုပ်ဆောင်ချက်များ ဟိကြပါ၏။ ထိုနယ်နမိတ်ဘောင်များနှင့် ချုပ်တည်သတ်မှတ်ထား လိုက်သောအခါ သူရို့ကိုသူရို့ကိုယ်တိုင်အား ဘေးဥပါဒ်ဖြစ်စီသလို၊ တခြားသူရို့နှင့် ဆက်နွယ်နီသည့် ပါတ်ဝန်းကျင်တခုလုံးလည်း ထိခိုက်နစ်နာ ပျက်စီးကြရသည်။ ထို့ကြောင်း နိုင်ငံရေးသမားများသည် လူမှုရေးတာဝန်ဝတ္တရားများ ထမ်းဆောင်ရာ၌၊ တိုင်ပြည်အား ဦးစီးဦးဆောင်လမ်းပြရာ၌ နိုင်ငံရေးပညာရပ်များ ကျွမ်းကျင်ရန် အထူးလိုအပ်ပါ၏။ အရေးကြီးသည့်အချိန်ကာလဖြစ်သော ကမ္ဘာမိသားစု (Global Family) ၏ အချိန်နှင့်အမျှ လျှင်မြန်လှုပ်ယှားနီကြောင်းကို ကောင်းကောင်းနားလည် သဘောပေါက်ထားရမည်။ ညက်နီအောင် တတ်မြောက်ထားရမည်။ နွးကျီအောင်လည်း သိထားရမည်။
ဝန်ကြီးများသည် မြှောက်ပင့်ကပ်မျှောင်နီသော နိုင်ငံရေးသံချီးတက်များအားဆန့်၍ ဘေးအန္ဒရယ်လုံခြုံအောင် ကာကွယ်ရန် သူရို့၏စွမ်းရည်များကို ပြုစုပျိုးထောင်ထားရန်လည်း အလွန်အရေးကြီးစွာလိုအပ်ပါသည်။ အမှန်ပင်….သူရို့၏အတွင်းစိတ် (inner voice) ကို လိုက်နာသင့်သည်။ သူရို့၏ လမ်းညွှန်မှုသည် အမှားများထဲမှ အကောင်ဆုံးမှန်ကန်မှုကို ရွီးချယ်စီးစစ်ရန် အတွင်းစိတ်၏အလွန်ကောင်းမွန်သော မူပိုင်လမ်းညွှန်မှုကို လိုက်နာ သင့်သည်။
အယုံအကြည်ကင်းမဲ့သော နိုင်ငံရေနယ်ပယ်မှ ကျန်တော်ရို့လွတ်မြောက်ရမည်။ အမုန်ပွားစီသောနိုင်ငံရေးနွံအိုင်ထဲမှ ကျန်တော်ရို့လွတ်မြောက်ရန် ကြိုးစားရမည်။ စစ်မှန်သော အမြှော်မြင် ဆင်ခြင်တုံတရားနှင့်ပြည်စုံသော နိုင်ငံရေးမူဝါဒသည် ဘာသာစကားကွဲပြားမှု၊ အယူအဆ ယုံကြည်ချက်ကွဲပြားမှု၊ ဘာသာရေးမတူကွဲပြားမှု၊ ဇာတ်နိမ့်ဇာတ်မြင့် မတူကွဲပြားမှုများအား တပြေးညီသဘောထားဖြင့် ပြုစုစောင့်ယှောက်ရန်သာဖြစ်သည်။ အစေခံအမှုထမ်းခြင်းသည် နိုင်ငံရေးအာဏာပါဝါ၏ ဦးတည်ချက်ဖြစ်လာသောအခါ (နိုင်ငံရေး) လှုပ်ယှားမှုတရပ်လုံးသည် တိုးတက်၊ ကြီးပွားချမ်းသာ၊ ဖွံ့ဖြိုးတိုးတက်မှုသို့ ပြောင်းလဲ လာကြသည်။ မည်သို့ပင်ဆိုစီ နိုင်ငံရေးပါတီများသည် မကြာခဏလိုလို အတူတကွ ဖြစ်လာကြသည့်အကြောင်းရင်မှာ ဘုံရန်သူအား တိုက်ခိုက်နှိမ်နင်းရန်အတွက် တခုတည်းသာ ဖြစ်ကြသည်။ ဘုံ်ရည်မှန်ချက်ပန်းတိုင် (သို့မဟုတ်) ဘုံအကျိုးစီးပွား (အမျိုးသားအကျိုးစီးပွား) အတွက်ကား မဖြစ်နိုင်ကြချေ။ သူရို့၏ညီညွတ်ခြင်းသည် ကြောက်ရွံ့ခြင်းနှင့် မုန်းတီခြင်း (၀ါ) ရန်ငြိုးများအား အောက်ခြီခံ၍သာဖြစ်ကြသည်။ မတူကွဲပြားခြားနားသောပါတီများ တိုင်ပြည် အကျိုး၊ ပြည်သူအကျိုး၊ အများအကျိုးများအတွက် အဘက်ဘက်မှ ဖွံ့ဖြိုးမှုတိုးမြင့်မက တိုးမြှင့်လာအောင် အတူတကွပူးပေါင်းလုပ်ဆောင်သင့်သည်။ ရန်ငြိုးအမုန်းတရားကြီး စိုးမိုး၊ လွှမ်းမိုးသည့်နိုင်ငံရေးမူဝါဒ အဆုံးသတ်သင့်ပြီဖြစ်၏။
အလွန်ချမ်းသာကြွယ်ဝသည့် မြီပိုင်သျှင်သူဌေးတယောက်သည် ပန်ခြံအလုပ်သမားနှစ်ဦး ငှား၍ ပန်းခြံ၌အလုပ်လုပ်ခိုင်စီ၏။ နှစ်ဦးစလုံးအား တလှည့်စီပြောင်း၍ လုပ်ခိုင်းစီ၏။ နှစ်ဦးစလုံးပင် ပန်ခြံအားမည်ကဲ့သို့ တိုးတက်ပြောင်းလှဲသင့်သည်။ မည်ကဲ့သို့ ပြုပြင်သင့်သည်နှင့်ပင် သဘောထားကွဲလွဲကြလီ၏။ အလုပ်သမားတဦးက မြီလောက်သာ ပြုပြင်ယှင်းလင်းထား၏။ နောက်လုပ်သမားတဦးရောက်လာသောအခါ ပထမအလုပ်သမား၏ မပြီးဘဲကျန်ဟိနီသော အလုပ်ကိုဆက်မလုပ်ဘဲချန်ထား၍ သူလုပ်လိုသောအလုပ်ကိုသာ ပြောင်လွဲလုပ်လီ၏။ ဤကဲ့သို့ တဦး၏အလုပ်ကိုတဦးက ချန်ထားခြင်ဖြင့် လပေါင်းများစွာ ကြလာ၏။ နောက်ဆုံးမှာ ပန်းခြံကြီးသည် မည်သည့်ပန်းပင်မှ မစိုက်ပျိုးနိုင်ဘဲ၊ မည်သည့်ပန်းပွင့်မှ မထုတ်လုပ်နိုင်ဘဲ ပေါင်းမြက်ထူလျက် ဆက်လက်ကျန်ဟိနီဆဲပင်။ သူရို့၏တတ်စွမ်းမှုစွမ်းရည်များသည် အချဉ်းအနှီးကြွားဝါမှုသာ ဖြစ်လီ၏။
အထက်ဖေါ်ပြပါဥပမာနှင့် လက်ဟိနိုင်ငံရေးပါတီများ၏ မူဝါဒလမ်းစိုင်များနှင့် လုပ်ငန်းများသည် တထပ်တည်း၊ တထည်ရာတည်း ကွက်တိစွပ်ပိုက်ပင်တူနီပါ၏။ ဤကဲ့သို့လည်း ဆောင်ရွက်ကြ၏။ ယခင်ပါတီ၏ မပြီးဆုံးဘဲကျန်ဟိနီသော အလုပ်ကိုဆက်မလုပ်ဘဲ ချန်ထား၍ သွားပုတ်လီလွှင့်ပြောခြင်းဖြင့် အချိန်များကို ဖြုံးတီးပစ်ကြ၏။ ကျန်ဟိနီသော နိုင်ငံရေပါတီများ၏ လုပ်ငန်းများအား ဖြည့်စွက်လိုက်သည့်အခါ၊ နိုင်ငံရေးပါတီတခုနှင့်တခု လေးစားချီးမြှင့်လာကြသည့်အခါ အိန္ဒီယာသည် အမှန်ပင်တောက်ပြောင်ထွန်းလင်း လာလိမ့်မည်။ (ဆတ်ယူဂ (အိန္ဒီယသမိုင်း၌ အလွန်တိုးတက်ခသည့် Satyuga) ခေါတ်တခေါတ်ဟိဖူးခပါ၏။ ၄င်းခေါတ်၏လူသားများသည် အလွန်ရိုးသား၍ မင်းကောင်း မင်းမြတ်များပေါ်ခပါ၏။) သို့မဟုတ် အားလုံးသောနိုင်ငံရေးပါတီများ ဘုံဦးတည်ချက် ပန်းတိုင်သို့ ဦးတည်လာကြသည့်အခါ ရွှီရောင်လွှမ်းသောခေါတ်သို့ ရောက်လာကြလိမ့်မည်။ ဆင်းရဲခြင်းအတိဒုက္ခမှ သက်သာခွင့်ရလာကြလိမ့်မည်။ ဆင်းရဲသူဆင်းရဲသားများအား အာမခံသည့်ဘ၀ကို ထူထောင်ခွင့်ရနိုင်ကြလိမ့်မည်။ စာနာတတ်သည့်စိတ်ထားများ၊ သနားညှာတာတတ်သည့်စိတ်ထားများ ကိမ်းဝပ်နိုင်ကြလိမ့်မည်။ အပြစ်ကင်မဲ့သူပြည်သူ ပြည်သားများအတွက် လုံခြုံမှုပိုမိုရဟိလာကြမည်။ ဖေါက်ပြန်ပြီး အဂတိလိုက်စားသော နိုင်ငံရေးသမားများလည်း ပေါ်ပေါက်လာနိုင်ကြလိမ့်မည် မဟုတ်ပေ။

ဘာသာပြန်
ခိုင်မြသိန်း (ချောင်းသာကြီး)
August 31, 2004
Dum Dum Central Jail, Kolkatta, India.
Thursday, May 27, 2004 ထုတ် The Times of India သတင်းစာပါ “တရားဟောသော မဟာဗောဓီး The Speaking Tree” ကဏ္ဍမှ စာရွီးဆရာ သျှရီသျှရီရာဗီချန်ကာ (Sri Sri Ravi Shankar) ရွီးသားဖေါ်ပြသော { The Seat of Power: Pride or Service} အား ရခိုင်ဘာသာသို့ ဆီလျှော်အောင်ဘာသာပြန်ဆိုပါသည်။