(၁) စုန်လီကေလက်ယာ၊ ဆန်လီကေလက်ဝဲ၊ ကုလားတန်ကေ၊ မြစ်ပြင်ထဲမှာ၊ ရွက်ဖွဲဖွဲနှင့်၊ ခရီကုန်သွယ်၊ ရောင်းဝယ်ဖေါက်ကား၊ ကုန်သည်ဆိုကေ၊ ထိုမြစ်ထဲမှာ၊ ရွက်ဖားဖားနှင့်၊ လားလာပြောင်းပြန်၊ လီဆန်လီသင့်၊ ယှဉ်ပြိုင်ပေါင်းစပ်၊ ရွက်ချင်းထပ်ခါ၊ လှီအပေါင်းမှာ၊ မြောက်များစွာလေ....။
(၂) ချောင်းငယ်ဝတွင်၊ ဈီးချခါဖြင့်၊ သင့်တင့်လောင်းလှီ၊ အညီစုစပ်၊ ပျားပန်းခက်သို့၊ မပြတ်အိမ်ခြီ၊ အစီယှဉ်သင့်၊ ဆင်လုံးမြင်းရံ၊ လီသွန်းခံပြုတင်း၊ ရပ်ဌာနီမှာ၊ တသွင်းသွင်းလေ....။
(၃) မှန်းဆရာတဖန်၊ မြောက်သို့လှမ်း၍၊ ကြည့်လတ်ပြန်သော်၊ အိမ်ခြီမပြတ်၊ အထပ်ထပ်နှင့်၊ ကြောင်းလမ်းဇင်္ခါ၊ အဖြာဖြာနှင့်၊ ကောင်းစွာဝင်းခြံ၊ ထိုရပ်ဌာန်မှာ၊ နီစွန်မထိုး၊ လမ်းတလျှောက်မှာ၊ ပင်ရိပ်မိုးလို့၊ ဖွံ့ဖြိုးကေသာယာ၊ ထိုရပ်ရွာကား၊ လားလာအများ၊ ချောင်းအငယ်ကို၊ တန်းထားလျှောက်ပျာ၊ ကူးလီငြားရေ....။
(၄) ချောင်းတွင်းရာနီကေ၊ ကမ်းခြီနှစ်ဖက်၊ အိမ်မိုးစွန်နှင့်၊ နားပန်းယှက်လို့၊ အိမ်ခြီရာထောင်၊ အိမ်တိုင်းဆိုကေ၊ အိမ်ပုန်းလျာမှာ၊ ညွတ်ကျယောင်သို့၊ အစားဆန်ရီ၊ စုံညီဖြိုးဖြိုး၊ မှိုင်းသရီလေ၊ စုံညီရပ်မှာ၊ တဖြိုးဖြိုးလေ....။
(၅) ထိုကရာတဖန်၊ အနောက်ဖက်သို့၊ လျှောက်လတ်ပြန်ခါ၊ အိမ်စိုင်မပြတ်၊ အထပ်ထပ်နှင့်၊ ကြောင်းလမ်းင်္ဇါ၊ များစွာရောယှက်၊ ကြောင်းလမ်းထက်တွင်၊ စားဖွယ်သောက်ရာ၊ လိုရာမချား၊ ရောင်းသူကစုံ၊ ၀ယ်သူပုံခါ၊ ကုန်ပေါင်းစုံနှင့်၊ လူအများမှာ၊ တဖွားဖွားလေ....။
(၆) အထပ်ထပ်နှင့်၊ မပြတ်အိမ်ခြီ၊ မိုးစွန်ယှက်လို့၊ ဂေါင်းချင်းစီကေ၊ အစအဆုံး၊ မှန်းမရအောင်၊ အိမ်ခြီဖုံးလို့၊ ထိုကတခါ၊ လျှောက်လို့လာကေ၊ မကျဉ်းမကျယ်၊ မြင်သမျှကား၊ ရှုစဖွယ်ရာ၊ လှီငယ်လှီကြီး၊ ရှုမငြိမ်းအောင်၊ လောင်းကောင်းကြပ်တင်၊ လောင်းစင်ကြပ်ချ၊ အသျှင်ပြည်ကေ၊ နီတရိုးမှာ၊ ကြည့်တိုင်းလှလို့၊ ချောင်းလမ်းမဆီ၊ လောင်းချင်းပြီးကေ၊ ချောင်းရီမှာချ၊ ထိုးဝါးပြီးအောင်၊ စိုက်ထူကြလို့၊ လောင်းဂေါင်းကားညီ၊ လောင်းစီထောင်ပေါင်း၊ ရီစပ်ဆိုကေ၊ ကမ်းနှစ်ဖက်မှာ၊ လောင်းအပေါင်းနှင့်၊ ထိုရပ်ဆိုကေ၊ ထိုဒေသကား၊ ပထမကေ၊ ဓည၀တီ၊ မာရယုက၊ ဆင်းသက်လီခါ၊ ဖြစ်ပေါ်လာရေ....။
(၇) ချောင်းတွင်းအိမ်ခြီ၊ ဂေါင်းချင်းစီခါ၊ စုံညီပြည့်ဖြိုး၊ ၀င်းထရံနှင့်၊ ပတ်ခါရံလို့၊ နီမထိုးအောင်၊ ပန်းဥယျာဉ်နှင့်၊ သီးနှံရောယှက်၊ ခက်ချင်းပြိုင်ကေ၊ ခိုင်ချင်းယှက်လို့၊ စားသောက်ဖွယ်ရာ၊ မချားပါကေ၊ ကင်းဝန်ပျော်ကေ၊ မြို့တော်ထဲမှာ၊ မစဲလူသံ၊ တညံညံနှင့်၊ ဆင်းပြန်စွာလှ၊ ဣထိယရို့၊ မိမ္မမှာမူ၊ လိုင်တန်ဘယက်၊ မြာစောင်းတင်ခါ၊ ရွီအပြောက်နှင့်၊ ခြီမှာကငွေ၊ ဣနြေ္ဒသတ္တိ၊ ဂုဏ်ဟိဟိနှင့်၊ စားဝတ်ဆင်ယင်၊ ယဉ်စင်ရက်ခတ်၊ အပြောက်မျိုးစုံ၊ ရက်လတ်တုံကေ၊ လူ့ဘုံလောက၊ နတ်တမျှသို့၊ ၀ပြောချမ်းသာ၊ ထိုချိန်ခါကား၊ နတ်ပမာယောင်၊ ၀င်းဝင်းပြောင်၍၊ ရှုချင်မခန်း၊ အသျှင်နီကေ၊ မြို့တော်နန်းမှာ၊ နတ်ထက်စွမ်းရေ....။
(၈) တောင်စွန်ညာက၊ မိန့်တော်ချသည်၊ ပိုင်သခွင်ဖို့၊ ညာမြို့ရပ်စွန်၊ ကုလားတန်ဝယ်၊ ခိုက်ရန်မပြု၊ ခိုးသူမုဒိမ်း၊ ရန်စစ်ငြိမ်းစီ၊ တပ်တည်ချီဟု၊ သပြီတန်းခွန်၊ ဘုန်းသန်လူ့ဘ၊ ၀ါကျွတ်လ၀ယ်၊ ဧကရက်ကြွင်း၊ ဆောင်းတလင်း၌၊ လမင်းတန်းဆောင်၊ တပြောင်ပြောင်လျှင်၊ တောင်သို့လှည့်လား၊ ငွေရထားဖြင့်၊ လျင်လျးသိုသို၊ နှင်းစိုစိုဝယ်၊ လီချိုပျံ့သင်း၊ အချမ်းပြင်း၍၊ မိမင်းတူပင်၊ မျိုးတွင်ထိပ်ပန်၊ မတ်ကောင်းကျွန်ကို၊ အလွန်ရက်ရှည်၊ ကြာမတည်အောင်၊ လေးမည်ငါးဖြာ၊ ငါးရာမြစ်မ၊ ဂစ္ဆပဟု၊ စီးကျဝှန်တက်၊ နှစ်ဖက်သို့နှော၊ တောင်နှင့်တောဝယ်၊ မြကြောယှက်ခိုင်၊ ခက်ချင်းဆိုင်၍၊ သံပြိုင်ရင့်ရူ၊ ဂြိုးကြူကျီးငှက်၊ ဇရက်ဥဒေါင်း၊ တသောင်းသောင်သည်၊ လမ်းကြောင်းလမ်းစိုင်၊ မြည့်လိမ့်သောဝ်..။
(နရဘယရာဇာမင်းလက်ထက် လက်ယာမြန်ဂူတာအား ကုလားတန်မြစ်ဖျားသို့စည်လွှတ်ရာ ဒေသသဘာဝအဖွဲ့)
(၂) ချောင်းငယ်ဝတွင်၊ ဈီးချခါဖြင့်၊ သင့်တင့်လောင်းလှီ၊ အညီစုစပ်၊ ပျားပန်းခက်သို့၊ မပြတ်အိမ်ခြီ၊ အစီယှဉ်သင့်၊ ဆင်လုံးမြင်းရံ၊ လီသွန်းခံပြုတင်း၊ ရပ်ဌာနီမှာ၊ တသွင်းသွင်းလေ....။
(၃) မှန်းဆရာတဖန်၊ မြောက်သို့လှမ်း၍၊ ကြည့်လတ်ပြန်သော်၊ အိမ်ခြီမပြတ်၊ အထပ်ထပ်နှင့်၊ ကြောင်းလမ်းဇင်္ခါ၊ အဖြာဖြာနှင့်၊ ကောင်းစွာဝင်းခြံ၊ ထိုရပ်ဌာန်မှာ၊ နီစွန်မထိုး၊ လမ်းတလျှောက်မှာ၊ ပင်ရိပ်မိုးလို့၊ ဖွံ့ဖြိုးကေသာယာ၊ ထိုရပ်ရွာကား၊ လားလာအများ၊ ချောင်းအငယ်ကို၊ တန်းထားလျှောက်ပျာ၊ ကူးလီငြားရေ....။
(၄) ချောင်းတွင်းရာနီကေ၊ ကမ်းခြီနှစ်ဖက်၊ အိမ်မိုးစွန်နှင့်၊ နားပန်းယှက်လို့၊ အိမ်ခြီရာထောင်၊ အိမ်တိုင်းဆိုကေ၊ အိမ်ပုန်းလျာမှာ၊ ညွတ်ကျယောင်သို့၊ အစားဆန်ရီ၊ စုံညီဖြိုးဖြိုး၊ မှိုင်းသရီလေ၊ စုံညီရပ်မှာ၊ တဖြိုးဖြိုးလေ....။
(၅) ထိုကရာတဖန်၊ အနောက်ဖက်သို့၊ လျှောက်လတ်ပြန်ခါ၊ အိမ်စိုင်မပြတ်၊ အထပ်ထပ်နှင့်၊ ကြောင်းလမ်းင်္ဇါ၊ များစွာရောယှက်၊ ကြောင်းလမ်းထက်တွင်၊ စားဖွယ်သောက်ရာ၊ လိုရာမချား၊ ရောင်းသူကစုံ၊ ၀ယ်သူပုံခါ၊ ကုန်ပေါင်းစုံနှင့်၊ လူအများမှာ၊ တဖွားဖွားလေ....။
(၆) အထပ်ထပ်နှင့်၊ မပြတ်အိမ်ခြီ၊ မိုးစွန်ယှက်လို့၊ ဂေါင်းချင်းစီကေ၊ အစအဆုံး၊ မှန်းမရအောင်၊ အိမ်ခြီဖုံးလို့၊ ထိုကတခါ၊ လျှောက်လို့လာကေ၊ မကျဉ်းမကျယ်၊ မြင်သမျှကား၊ ရှုစဖွယ်ရာ၊ လှီငယ်လှီကြီး၊ ရှုမငြိမ်းအောင်၊ လောင်းကောင်းကြပ်တင်၊ လောင်းစင်ကြပ်ချ၊ အသျှင်ပြည်ကေ၊ နီတရိုးမှာ၊ ကြည့်တိုင်းလှလို့၊ ချောင်းလမ်းမဆီ၊ လောင်းချင်းပြီးကေ၊ ချောင်းရီမှာချ၊ ထိုးဝါးပြီးအောင်၊ စိုက်ထူကြလို့၊ လောင်းဂေါင်းကားညီ၊ လောင်းစီထောင်ပေါင်း၊ ရီစပ်ဆိုကေ၊ ကမ်းနှစ်ဖက်မှာ၊ လောင်းအပေါင်းနှင့်၊ ထိုရပ်ဆိုကေ၊ ထိုဒေသကား၊ ပထမကေ၊ ဓည၀တီ၊ မာရယုက၊ ဆင်းသက်လီခါ၊ ဖြစ်ပေါ်လာရေ....။
(၇) ချောင်းတွင်းအိမ်ခြီ၊ ဂေါင်းချင်းစီခါ၊ စုံညီပြည့်ဖြိုး၊ ၀င်းထရံနှင့်၊ ပတ်ခါရံလို့၊ နီမထိုးအောင်၊ ပန်းဥယျာဉ်နှင့်၊ သီးနှံရောယှက်၊ ခက်ချင်းပြိုင်ကေ၊ ခိုင်ချင်းယှက်လို့၊ စားသောက်ဖွယ်ရာ၊ မချားပါကေ၊ ကင်းဝန်ပျော်ကေ၊ မြို့တော်ထဲမှာ၊ မစဲလူသံ၊ တညံညံနှင့်၊ ဆင်းပြန်စွာလှ၊ ဣထိယရို့၊ မိမ္မမှာမူ၊ လိုင်တန်ဘယက်၊ မြာစောင်းတင်ခါ၊ ရွီအပြောက်နှင့်၊ ခြီမှာကငွေ၊ ဣနြေ္ဒသတ္တိ၊ ဂုဏ်ဟိဟိနှင့်၊ စားဝတ်ဆင်ယင်၊ ယဉ်စင်ရက်ခတ်၊ အပြောက်မျိုးစုံ၊ ရက်လတ်တုံကေ၊ လူ့ဘုံလောက၊ နတ်တမျှသို့၊ ၀ပြောချမ်းသာ၊ ထိုချိန်ခါကား၊ နတ်ပမာယောင်၊ ၀င်းဝင်းပြောင်၍၊ ရှုချင်မခန်း၊ အသျှင်နီကေ၊ မြို့တော်နန်းမှာ၊ နတ်ထက်စွမ်းရေ....။
(၈) တောင်စွန်ညာက၊ မိန့်တော်ချသည်၊ ပိုင်သခွင်ဖို့၊ ညာမြို့ရပ်စွန်၊ ကုလားတန်ဝယ်၊ ခိုက်ရန်မပြု၊ ခိုးသူမုဒိမ်း၊ ရန်စစ်ငြိမ်းစီ၊ တပ်တည်ချီဟု၊ သပြီတန်းခွန်၊ ဘုန်းသန်လူ့ဘ၊ ၀ါကျွတ်လ၀ယ်၊ ဧကရက်ကြွင်း၊ ဆောင်းတလင်း၌၊ လမင်းတန်းဆောင်၊ တပြောင်ပြောင်လျှင်၊ တောင်သို့လှည့်လား၊ ငွေရထားဖြင့်၊ လျင်လျးသိုသို၊ နှင်းစိုစိုဝယ်၊ လီချိုပျံ့သင်း၊ အချမ်းပြင်း၍၊ မိမင်းတူပင်၊ မျိုးတွင်ထိပ်ပန်၊ မတ်ကောင်းကျွန်ကို၊ အလွန်ရက်ရှည်၊ ကြာမတည်အောင်၊ လေးမည်ငါးဖြာ၊ ငါးရာမြစ်မ၊ ဂစ္ဆပဟု၊ စီးကျဝှန်တက်၊ နှစ်ဖက်သို့နှော၊ တောင်နှင့်တောဝယ်၊ မြကြောယှက်ခိုင်၊ ခက်ချင်းဆိုင်၍၊ သံပြိုင်ရင့်ရူ၊ ဂြိုးကြူကျီးငှက်၊ ဇရက်ဥဒေါင်း၊ တသောင်းသောင်သည်၊ လမ်းကြောင်းလမ်းစိုင်၊ မြည့်လိမ့်သောဝ်..။
(နရဘယရာဇာမင်းလက်ထက် လက်ယာမြန်ဂူတာအား ကုလားတန်မြစ်ဖျားသို့စည်လွှတ်ရာ ဒေသသဘာဝအဖွဲ့)
